Chronicles I - 1 దినవృత్తాంతములు 28 | View All

1. గోత్రముల పెద్దలను, వంతులచొప్పున రాజునకు సేవచేయు అధిపతులను సహస్రాధిపతులను, శతాధిపతులను, రాజునకును రాజుకుమారులకును కలిగియున్న యావత్తు చరాస్తిమీదను స్థిరాస్తిమీదను ఉన్న అధిపతులను, అనగా ఇశ్రాయేలీయుల పెద్దలనందరిని రాజునొద్ద నున్న పరివారమును పరాక్రమశాలులను సేవా సంబంధులైన పరాక్రమ శాలులనందరిని రాజగు దావీదు యెరూషలేమునందు సమకూర్చెను.

2. అప్పుడు రాజైన దావీదు లేచి నిలువబడి ఈలాగు సెలవిచ్చెనునా సహోదరులారా, నా జనులారా, నా మాట ఆలకించుడి; యెహోవా నిబంధన మందసమునకును మన దేవుని పాదపీఠమునకును విశ్రమస్థానముగా ఉండుటకు ఒక మందిరము కట్టించ వలెనని నేను నా హృదయమందు నిశ్చయము చేసికొని సమస్తము సిద్ధపరచితిని.

3. అయితే నీవు యుద్ధములు జరిగించి రక్తము ఒలికించినవాడవు గనుక నీవు నా నామ మునకు మందిరమును కట్టించకూడదని దేవుడు నాకు ఆజ్ఞ ఇచ్చెను.

4. ఇశ్రాయేలీయులమీద నిత్యము రాజునై యుండుటకు ఇశ్రాయేలీయుల దేవుడైన యెహోవా నా తండ్రి యింటివారందరిలోను నన్ను కోరుకొనెను, ఆయన యూదాగోత్రమును, యూదాగోత్రపువారిలో ప్రధానమైనదిగా నా తండ్రి యింటిని నా తండ్రి యింటిలో నన్నును ఏర్పరచుకొని నాయందు ఆయన దయచూపి ఇశ్రాయేలీయులమీద రాజుగా నియమించియున్నాడు.

5. యెహోవా నాకు అనేకమంది కుమారులను దయచేసి యున్నాడు, అయితే ఇశ్రాయేలీయులపైని యెహోవా రాజ్యసింహాసనముమీద కూర్చుండుటకు ఆయన నా కుమారులందరిలో సొలొమోనును కోరుకొని ఆయన నాతో ఈలాగు సెలవిచ్చెను

6. నేను నీ కుమారుడైన సొలొమోనును నాకు కుమారునిగా ఏర్పరచుకొని యున్నాను, నేను అతనికి తండ్రినైయుందును అతడు నా మందిరమును నా ఆవరణములను కట్టించును.

7. మరియు నేటిదినమున చేయుచున్నట్లు అతడు ధైర్యమువహించి నా ఆజ్ఞలను నా న్యాయవిధులను అనుసరించినయెడల, నేనతని రాజ్యమును నిత్యము స్థిరపరచుదును.

8. కాబట్టి మీరు ఈ మంచిదేశమును స్వాస్థ్యముగా అనుభవించి, మీ తరువాత మీ సంతతివారికి శాశ్వత స్వాస్థ్యముగా దానిని అప్ప గించునట్లు మీ దేవుడైన యెహోవా మీకిచ్చిన యాజ్ఞలన్నియు ఎట్టివో తెలిసికొని వాటిని గైకొనుడి అని యెహోవా సమాజమునకు చేరిన ఇశ్రాయేలీయులందరు చూచుచుండగను మన దేవుడు ఆలకించుచుండగను నేను మిమ్మును హెచ్చరిక చేయుచున్నాను.

9. సొలొమోనా, నా కుమారుడా, నీ తండ్రియొక్క దేవుడైన యెహోవా అందరి హృదయములను పరిశోధించువాడును, ఆలోచనలన్నిటిని సంకల్పములన్నిటిని ఎరిగినవాడునై యున్నాడు. నీవు ఆయనను తెలిసికొని హృదయపూర్వకముగాను మనః పూర్వకముగాను ఆయనను సేవించుము,ఆయనను వెదకినయెడల ఆయన నీకు ప్రత్యక్షమగును, నీవు ఆయనను విసర్జించినయెడల ఆయన నిన్ను నిత్యముగా త్రోసి వేయును.

10. పరిశుద్ధ స్థలముగా ఉండుటకు ఒక మందిరమును కట్టించుటకై యెహోవా నిన్ను కోరుకొనిన సంగతి మనస్సునకు తెచ్చుకొని ధైర్యము వహించి పని జరిగింపుము.

11. అప్పుడు దావీదు మంటపమునకును మందిరపు కట్టడ మునకును బొక్కసపు శాలలకును మేడ గదులకును లోపలి గదులకును కరుణాపీఠపు గదికిని యెహోవా మందిరపు ఆవరణములకును

12. వాటి చుట్టునున్న గదులకును దేవుని మందిరపు బొక్కసములకును ప్రతిష్ఠిత వస్తువుల బొక్కస ములకును తాను ఏర్పాటుచేసి సిద్ధపరచిన మచ్చులను తన కుమారుడైన సొలొమోనునకు అప్పగించెను.

13. మరియు యాజకులును లేవీయులును సేవచేయవలసిన వంతుల పట్టీ యును, యెహోవా మందిరపు సేవనుగూర్చిన పట్టీయును, యెహోవా మందిరపు సేవోపకరణముల పట్టీయును దావీదు అతనికప్పగించెను.

14. మరియు ఆయా సేవాక్రమ ములకు కావలసిన బంగారు ఉపకరణములన్నిటిని చేయుటకై యెత్తుప్రకారము బంగారమును, ఆ యా సేవాక్రమములకు కావలసిన వెండి ఉపకరణములన్నిటిని చేయుటకై యెత్తు ప్రకారము వెండిని దావీదు అతని కప్పగించెను.

15. బంగారు దీపస్తంభములకును వాటి బంగారు ప్రమిదెలకును ఒక్కొక్క దీపస్తంభమునకును దాని ప్రమి దెలకును కావలసినంత బంగారమును ఎత్తు ప్రకారము గాను, వెండి దీపస్తంభములలో ఒక్కొక దీపస్తంభమునకును, దాని దాని ప్రమిదెలకును కావలసినంత వెండిని యెత్తు ప్రకారముగాను,

16. సన్నిధిరొట్టెలు ఉంచు ఒక్కొక బల్లకు కావలసినంత బంగారమును ఎత్తు ప్రకా రముగాను, వెండిబల్లలకు కావలసినంత వెండిని,

17. ముండ్ల కొంకులకును గిన్నెలకును పాత్రలకును కావలసినంత అచ్చ బంగారమును, బంగారు గిన్నెలలో ఒక్కొక గిన్నెకు కావలసినంత బంగారమును ఎత్తు ప్రకారముగాను వెండి గిన్నెలలో ఒక్కొక గిన్నెకు కావలసినంత వెండిని యెత్తు ప్రకారముగాను,

18. ధూపపీఠమునకు కావలసినంత పుటము వేయబడిన బంగారమును ఎత్తు ప్రకారముగాను, రెక్కలు విప్పుకొని యెహోవా నిబంధన మందసమును కప్పు కెరూబుల వాహనముయొక్క మచ్చునకు కావలసినంత బంగార మును అతని కప్పగించెను.

19. ఇవియన్నియు అప్పగించియెహోవా హస్తము నామీదికి వచ్చి యీ మచ్చుల పని యంతయు వ్రాతమూలముగా నాకు నేర్పెను అని సొలొ మోనుతో చెప్పెను.

20. మరియదావీదు తన కుమారుడైన సొలొమోనుతో చెప్పిన దేమనగానీవు బలముపొంది ధైర్యము తెచ్చుకొని యీ పని పూనుకొనుము, భయపడ కుండుము, వెరవకుండుము, నా దేవుడైన యెహోవా నీతోకూడ నుండును; యెహోవా మందిరపు సేవను గూర్చిన పనియంతయు నీవు ముగించువరకు ఆయన నిన్ను ఎంతమాత్రమును విడువక యుండును.

21. దేవుని మందిర సేవయంతటికిని యాజకులును లేవీయులును వంతులప్రకా రము ఏర్పాటైరి; నీ యాజ్ఞకు బద్ధులైయుండి యీ పని యంతటిని నెరవేర్చుటకై ఆ యా పనులయందు ప్రవీణులైన వారును మనఃపూర్వకముగా పనిచేయువారును అధి పతులును జనులందరును నీకు సహాయులగుదురు.



బైబిల్ అధ్యయనం - Study Bible
28:1 తర్వాత పరిపాలించే రాజు ఎవరు, మందిరం ఎవరు నిర్మిస్తారు అనే ప్రశ్నలు వృత్తాంతకారునికి సారూప్యత గలవి. దావీదు ఇశ్రాయేలీయుల పెద్దలనందరిని మరొక సమావేశానికి పిలిపించి (మొదటి సమావేశం 22 అధ్యాయంలో జరిగింది), ఈ రెండు ప్రశ్నలకు తన జవాబును మరలా తెలియజేశాడు. 

28:2 దావీదు చివరి మాటలు, కొన్ని దశాబ్దాల క్రితం గోత్రాల ప్రతినిధులు దావీదు వద్దకు వచ్చి, “చిత్తగించుము, మేము నీకు ఎముకనంటిన వారము రక్త సంబంధులము" (11:1) అంటూ పలికిన మాటలను జ్ఞాపకం చేస్తాయి. ఇప్పుడు దావీదు ప్రజలను నా సహోదరులారా అని సంబోధిస్తున్నాడు. దేవుని నిబంధన మందసమునకును, మన దేవుని పాదపీఠమునకును విశ్రమస్థానముగా తాను ఒక మందిరం కట్టాలని ఉద్దేశించిన సంగతి ప్రజలకు జ్ఞాపకం చేస్తున్నాడు (17:1). 

28:3 దావీదు అప్పటికే సొలొమోనుకు తెలియజేసిన సంగతి, అంటే తాను ఎందుకు మందిరం కట్టలేకపోయాడో ఆ కారణం, ఇప్పుడు ప్రజలకు తెలియజేశాడు (22:8; 22:6-10 నోట్సు చూడండి)..

28:4-6 దేవుడు తనను కోరుకున్న కారణంగానే తాను రాజయ్యాడని దావీదుకు తెలుసు, అదే సార్వభౌమాధికార చిత్తంతో దేవుడు ఇప్పుడు అతని వారసునిగా సొలొమోనును ఏర్పరచుకున్నాడు. 

28:7 సొలొమోను ద్వారా దావీదు ఇంటివారి రాజ్యము నిత్యము స్థిరపరచబడుతుందని దేవుడు తనతో చేసిన నిబంధన దావీదు తిరిగి ఇక్కడ తెలియజేశాడు (17:12). ఈ ఆశీర్వాదం ఎలాగైనా ఉంటుందని సొలొమోను అనుకోకూడదు. రాజుగా ఉండటానికి దేవుని పిలుపు పొందిన సొలొమోను, దేవుని ఆజ్ఞలు, న్యాయవిధులు అనుసరించి తనకున్న దేవుని పిలుపును ఇతరులకు చూపించాలి. 

28:8 దేవుడు అబ్రాహాముకు వాగ్దానం అనుగ్రహించిన తరవాత (ఆది 15:8), మొదటిసారి ప్రజలు దేవుడు వారికి ఏర్పరచిన భూభాగమంతటిలో నివసిస్తున్నారు. విశ్వాస్యతగల రాజు సింహాసనం అధిష్టించి, ప్రజలు అతని వెంబడిస్తే, ఇలాంటి నెమ్మదితో కూడిన పరిస్థితులు శాశ్వతకాలం కొనసాగుతాయి. అయితే, ప్రజలు, వారితోపాటు రాజు కూడా దేవుడు వారికిచ్చిన యాజ్ఞలన్నియు గైకొనాలి.

28:9 దావీదు ఇప్పుడు సొలొమోను వైపు తిరిగి హృదయపూర్వకముగా దేవుని సేవించాలని హెచ్చరించాడు. దేవుడు మన ఆలోచనలు సంకల్పములు ఎరిగినవాడు కాబట్టి వేరే ఏవిధంగాను ఆయన ప్రత్యక్షత పొందలేమని అతడు సొలొమోనుకు జ్ఞాపకం చేశాడు. (కీర్తన 139:1-6). సొలొమోను కేవలం ధర్మశాస్త్రానికి మాత్రమే కాక, దేవునిపట్ల నిబద్ధత కలిగి ఉండాలని దావీదు సూచించాడు. దావీదు సంతతివారిని నిత్యము సింహాసనముపై కొనసాగించడం గురించి దేవుడు దావీదుతో చేసిన నిబంధన సొలొమోను దేవుని మార్గములలో నడవవలసిన అవసరతను తీసివేయదు.

28:10 ధైర్యము వహించాలని దావీదు సొలొమోనును హెచ్చరించాడు. మందిరం నిర్మించబడితే ఇశ్రాయేలు ఆరాధనా విధానంలో మార్పు తీసుకువస్తుంది. వందలాది సంవత్సరాలుగా, అనేకమంది భిన్న యాజకుల సూచనల ప్రకారం దేశంలో ఎక్కడైనా బల్యర్పణలు అర్పించడానికి అనుమతి కొనసాగుతూనే ఉంది. ఇప్పుడు మందిరం నిర్మించబడిన తరవాత బల్యర్పణలు యెరూషలేములో మాత్రమే అర్పించాలి. ఇందుకు ప్రత్యేకంగా ఏర్పరచిన యాజకుల నేతృత్వంలో మాత్రమే అర్పించాలి (ద్వితీ 12:5-7), కేవలం బలం, శక్తి కలిగిన నాయకుడు మాత్రమే ఈ ఆలోచన పన్నెండు గోత్రాలకు సమర్థవంతంగా తెలియజేయగలడు. నిజానికి, యెరూషలేములో

నాయకత్వం బలహీనం కాగానే, రాజ్యం విడిపోగానే, బల్యర్పణల విధానం కూడా తొలగిపోయింది (2దిన 13:9). 

28:11-19 ముందు ఆరు అధ్యాయాలలో నమోదు చేయబడిన సమాచారం దావీదు సొలొమోనుకు బహిరంగంగా అప్పగించాడు. వ.19 “దైవిక ప్రేరణ ఎలా కలుగుతుందో తెలియజేయడానికి పాతనిబంధనలోగల అత్యంత స్పష్టమైన ఉదాహరణలలో ఇది ఒకటి” అని రిచర్డ్ ప్రాట్ పేర్కొన్నాడు. దేవుని హస్తము నా మీదకు వచ్చినందున ఈ ప్రణాళికలన్ని రాసానని దావీదు తెలియజేసాడు. 

28:20 మందిర నిర్మాణపు పని అంతా ముగించేవరకు, ఇంకా ఆ తర్వాత కూడా దేవుడైన యెహోవా సొలొమోనుతో కూడా ఉంటాడని రాజు స్పష్టం చేశాడు. అన్నివేళలా విజయం కలుగుతుందని దేవుడు అభయం ఇవ్వడు. ఆయన మనలను పిలిచిన పరిచర్యల విషయంలో కూడా ఇదే విధంగా ఉంటుంది. అయితే ఆయన ఎల్లప్పుడూ మనతో కూడా ఉంటాడు. 


Shortcut Links
1 దినవృత్తాంతములు - 1 Chronicles : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |