Chronicles II - 2 దినవృత్తాంతములు 15 | View All

1. ఆ కాలమున దేవుని ఆత్మ ఓదేదు కుమారుడైన అజర్యామీదికి రాగా అతడు ఆసాను ఎదుర్కొనబోయి యీలాగు ప్రకటించెను

2. ఆసా, యూదావారలారా, బెన్యామీనీయులారా, మీరందరు నా మాట వినుడి. మీరు యెహోవా పక్షపువారైనయెడల ఆయన మీ పక్షమున నుండును; మీరు ఆయనయొద్ద విచారణచేసినయెడల ఆయన మీకు ప్రత్యక్షమగును; మీరు ఆయనను విసర్జిం చినయెడల ఆయన మిమ్మును విసర్జించును,

3. నిజమైన దేవుడైనను ఉపదేశముచేయు యాజకులైనను, ధర్మశాస్త్ర మైనను చాలా దినములు ఇశ్రాయేలీయులకు లేకుండ పోవును.

4. తమ శ్రమయందు వారు ఇశ్రాయేలీయుల దేవుడైన యెహోవా యొద్దకు మళ్లుకొని ఆయనను వెదకి నపుడు ఆయన వారికి ప్రత్యక్షమాయెను.

5. ఆ కాలములలో దేశముల కాపురస్థులందరిలోను గొప్ప కల్లోలములు కలిగెను గనుక తమ పనిపాటలను చక్క పెట్టుకొనుటకై తిరుగువారికి సమాధానము లేకుండెను.

6. దేవుడు జనము లను సకలవిధములైన బాధలతో శ్రమపరచెను గనుక జనము జనమును, పట్టణము పట్టణమును, పాడు చేసెను.
మత్తయి 24:7, మార్కు 13:8, లూకా 21:10

7. కాగా మీరు బలహీనులు కాక ధైర్యము వహించుడి, మీ కార్యము సఫలమగును.
1 కోరింథీయులకు 15:58

8. ప్రవక్తయైన ఓదేదు ప్రవచించిన యీ మాటలు ఆసా వినినప్పుడు అతడు ధైర్యము తెచ్చుకొని యూదా బెన్యా మీనీయుల దేశమంతటినుండియు, ఎఫ్రాయిము మన్యములో తాను పట్టుకొనిన పట్టణములలోనుండియు హేయములైన విగ్రహములన్నిటిని తీసి వేసి, యెహోవా మంటపము ఎదుటనుండు యెహోవా బలిపీఠమును మరల కట్టించి

9. యూదా వారినందరిని బెన్యామీనీయుల నందరిని, ఎఫ్రాయిము మనష్షే షిమ్యోను గోత్రస్థానము లలోనుండి వచ్చి వారిమధ్య నివసించు పరదేశులను సమకూర్చెను. అతని దేవు డైన యెహోవా అతనికి సహా యుడై యుండుట చూచి ఇశ్రాయేలువారిలోనుండి విస్తారమైన జనులు అతని పక్షము చేరిరి.

10. ఆసా యేలు బడియందు పదునైదవ సంవత్సరమున మూడవ నెలను వారు యెరూషలేములో కూడి

11. తాము తీసికొనివచ్చిన కొల్లసొమ్ము లోనుండి ఆ దినమున ఏడువందల యెద్దులను ఏడు వేల గొఱ్ఱెలను యెహోవాకు బలులుగా అర్పించి

12. పూర్ణహృదయముతోను పూర్ణాత్మతోను తమ పితరుల దేవుడైన యెహోవాయొద్ద తాము విచారణచేయుదు మనియు

13. పిన్నలేగాని పెద్దలేగాని పురుషులేగాని స్త్రీలే గాని ఇశ్రాయేలీయుల దేవుడైన యెహోవాయొద్ద విచారణ చేయనివారికందరికిని మరణము విధించుదుమనియు నిష్కర్షచేసికొనిరి.

14. వారు ఎలుగెత్తి బొబ్బలిడుచు, మేళములతోను బూరల నాదముతోను భేరీధ్వనులతోను యెహోవా సన్నిధిని ప్రమాణము చేసిరి.

15. ఈలాగు ప్రమాణము చేయబడగా యూదావారందరును సంతో షించిరి; వారు పూర్ణహృదయముతో ప్రమాణముచేసి పూర్ణమనస్సుతో ఆయనను వెదకియుండిరి గనుక యెహోవా వారికి ప్రత్యక్షమై చుట్టునున్న దేశస్థులతో యుద్ధములు లేకుండ వారికి నెమ్మది కలుగజేసెను.

16. మరియు తన తల్లియైన మయకా అసహ్యమైన యొక దేవతా స్తంభమును నిలిపినందున ఆమె యిక పట్టపుదేవియై యుండకుండ రాజైన ఆసా ఆమెను త్రోసివేసి, ఆమె నిలిపిన విగ్రహమును పడగొట్టి ఛిన్నాభిన్నము చేసి కిద్రోను వాగుదగ్గర దాని కాల్చివేసెను.

17. ఆసా ఉన్నత స్థలములను ఇశ్రాయేలీయులలోనుండి తీసివేయలేదు గాని యితడు బ్రదికిన కాలమంతయు ఇతని హృదయము యథార్థముగా ఉండెను.

18. తన తండ్రి ప్రతిష్ఠించి నట్టియు, తాను ప్రతిష్ఠించినట్టియు వెండిని బంగారమును ఉపకరణములను అతడు తీసికొని దేవుని మందిరమునం దుంచెను.

19. ఆసా యేలుబడియందు ముప్పది యయిదవ సంవత్సరమువరకు యుద్ధములు జరుగలేదు.



బైబిల్ అధ్యయనం - Study Bible
15:1-2 దినవృత్తాంతములు గ్రంథాలలో చాలా తక్కువగా కనిపించే అనేకమంది ప్రవక్తలలో ఓదేదు కుమారుడైన అజర్యా ఒకడు. దేవుడైన యెహోవాయందు భయభక్తులతో ముందుకు సాగాలనే ప్రోత్సాహకర సందేశంతో అతడు ఆసా వద్దకు వచ్చాడు.

15:3-7. ప్రజలు దేవుని విడిచి పెట్టిన సందర్భాలలో (అన్యజనుల సైన్యాలు దేశంపై దండెత్తి వచ్చాయి గనుక) శిక్ష పొందారని అయితే వారు దేవుని వైపు మళ్ళుకొని తిరిగి వచ్చినప్పుడు దేవుడు అనుగ్రహించిన ఆశీర్వాదాలు అనుభవించారు. " గానీ మరలా ఆయనను విడిచిపెట్టారంటూ అనేక పర్యాయాలు పునరావృతమైన సంఘటనలను అజర్యా ఆసాకు జ్ఞాపకం చేశాడు. ఆసాను ప్రశంసించి, అతడు చేస్తున్న కార్యాలను కొనసాగించేలా అతనికి ప్రేరణ కలుగజేయడమే ప్రవక్త ముఖ్యోద్దేశం. 

15:8 ఈ సంఘటన ఎప్పుడు జరిగిందో స్పష్టంగా తెలియదు. ఈ భాగం ఆసా గురించి 14:2లో చేసిన పరిచయ వాక్యాలకు పూర్తి వివరణ కావచ్చు. అయితే ఆసా ముందు కాలంలో తాను చేపట్టిన సంస్కరణ యత్నాలను పూర్తిగా కొనసాగించలేదనే విషయం మనం కొట్టి పారేయలేం. విగ్రహాలను తీసివేసి దేశాన్ని ప్రక్షాళన చేయడంలో అజర్యా సందేశం అతడిని మరింత దూకుడుగా మార్చింది.

15:9-11 ఆసా చేస్తున్న సంస్కరణలకు ఉత్తరాది ఇశ్రాయేలు దేశం నుండి ఫిరాయించి వచ్చిన దూరపు గోత్రాలతో సహా ప్రజలందరూ అనుకూలంగా స్పందించారు (11:13-16 నోట్సు చూడండి). రాజు పునఃప్రతిష్టించిన మందిరంలో వారు బల్యర్పణలతో పెద్దవిందు నిర్వహించారు. (15:8). బలులుగా అర్పించిన పశువులను ఆసా మునుపటి విజయాల కొల్లసొమ్ములోనుంచి తీసుకువచ్చారు (14:13-15). 

15:12-15 ప్రతి ఒక్కరూ యెహోవాకు విధేయతతో సంతోషంగా, స్వచ్చందంగా ప్రమాణం చేశారు. యెహోవాయొద్ద విచారణ చేయని వారెవరైనా. వారికి మరణశిక్ష తప్పదనేది. ఈ ప్రమాణంలో భాగం . దేవుడు వారి ఉత్సాహానికి, నిజమైన పశ్చాత్తాపానికి బహుమతిగా నెమ్మది అనుగ్రహించాడు (ద్వితీ 4:29; 1సమూ 7:3). నిజాయితీ లేని పశ్చాత్తాపాన్ని విస్మరించే అధికారం దేవునికి ఉంది. (కీర్తన 66:18; సామె 1:28-31; 21:27; యిర్మీయా 11:9-11). 

15:16 తన తల్లియైన (అమ్మమ్మ) మయకా విగ్రహారాధనకు మద్దతుదారుగా ఉంది కాబట్టి ఆసా ఆమెను అధికారం నుంచి తొలగించాడు. ఇది ఆసా చేసిన ముఖ్య మైన పనులలో ఒకటి. 

15:17 ఈ వచనం అన్యజనుల ఉన్నతస్థలములకు, యెహోవాను ఆరాధించడానికి ఉపయోగించిన ఉన్నత స్థలాలకు మధ్యగల వ్యత్యాసాన్ని వివరించింది. (14:2-3 నోట్సు చూడండి). ఆసా తొలగించని ఉన్నత స్థలములు నిజ దేవునికి అంకితం చేయబడ్డాయి.

15:18 దావీదు, సొలొమోను వలె ఆసా కూడా దేవుని యెడల నమ్మకంగా ఉన్నాడు (5:1; 1దిన 29:3). 

15:19 చాలా కాలంగా ఆసా అన్ని మంచిపనులే చేశాడు. అందుచేత అతని రాజ్యం దినదిన ప్రవర్థమానంగా అభివృద్ధి చెందింది.


Shortcut Links
2 దినవృత్తాంతములు - 2 Chronicles : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |