1. ఆ కాలమున దేవుని ఆత్మ ఓదేదు కుమారుడైన అజర్యామీదికి రాగా అతడు ఆసాను ఎదుర్కొనబోయి యీలాగు ప్రకటించెను

“దేవుని ఆత్మ”– 2 దినవృత్తాంతములు 20:14; 2 దినవృత్తాంతములు 24:20; లేవీయకాండము 11:25-26; న్యాయాధిపతులు 15:14; 1 సమూయేలు 10:10; 1 సమూయేలు 16:13; 1 దినవృత్తాంతములు 12:18.

2. ఆసా, యూదావారలారా, బెన్యామీనీయులారా, మీరందరు నా మాట వినుడి. మీరు యెహోవా పక్షపువారైనయెడల ఆయన మీ పక్షమున నుండును; మీరు ఆయనయొద్ద విచారణచేసినయెడల ఆయన మీకు ప్రత్యక్షమగును; మీరు ఆయనను విసర్జిం చినయెడల ఆయన మిమ్మును విసర్జించును,

“మీ పక్షం”– అంటే వారు ఆయన ఒడంబడికను భంగపరచి, ఆయన వాక్కును అలక్ష్యం చేసి ఆయనకు తమ వీపు చూపితే, ఆయన వారికి యుద్ధాల్లో విజయాలనివ్వడు, శాంతి సౌభాగ్యాలను ప్రసాదించడు అని అర్థం. “మీకు దొరుకుతాడు”– అన్ని కాలాల్లో, అందరికీ వర్తించే గొప్ప వాగ్దానం – 2 దినవృత్తాంతములు 7:14; కీర్తనల గ్రంథము 9:10; యెషయా 45:19; యెషయా 55:6-7; యిర్మియా 29:13; మత్తయి 7:7-8; యాకోబు 4:8.

3. నిజమైన దేవుడైనను ఉపదేశముచేయు యాజకులైనను, ధర్మశాస్త్ర మైనను చాలా దినములు ఇశ్రాయేలీయులకు లేకుండ పోవును.

ప్రజలకు దేవుని వాక్కును నేర్పించవలసిన యాజులు తమ బాధ్యతను నెరవేర్చలేదు (లేవీయకాండము 10:10-11). యూదా చరిత్ర చాలా భాగం రాసివున్న దేవుని వాక్కు విషయంలో లోటుతోనే గడిచిపోయింది. 1 సమూయేలు 3:1; ఆమోసు 8:11-12 పోల్చి చూడండి.

4. తమ శ్రమయందు వారు ఇశ్రాయేలీయుల దేవుడైన యెహోవా యొద్దకు మళ్లుకొని ఆయనను వెదకి నపుడు ఆయన వారికి ప్రత్యక్షమాయెను.

ద్వితీయోపదేశకాండము 4:29.

5. ఆ కాలములలో దేశముల కాపురస్థులందరిలోను గొప్ప కల్లోలములు కలిగెను గనుక తమ పనిపాటలను చక్క పెట్టుకొనుటకై తిరుగువారికి సమాధానము లేకుండెను.

న్యాయాధిపతులు 5:6.

6. దేవుడు జనము లను సకలవిధములైన బాధలతో శ్రమపరచెను గనుక జనము జనమును, పట్టణము పట్టణమును, పాడు చేసెను.
మత్తయి 24:7, మార్కు 13:8, లూకా 21:10

ఈ యుగం అంతం కాకముందు ఇలాంటి పరిస్థితులే మళ్ళీ వస్తాయి – మత్తయి 24:7.

7. కాగా మీరు బలహీనులు కాక ధైర్యము వహించుడి, మీ కార్యము సఫలమగును.
1 కోరింథీయులకు 15:58

యెహోషువ 1:7 యెహోషువ 1:9; కీర్తనల గ్రంథము 18:20; కీర్తనల గ్రంథము 58:11; సామెతలు 14:14; యిర్మియా 31:16.

8. ప్రవక్తయైన ఓదేదు ప్రవచించిన యీ మాటలు ఆసా వినినప్పుడు అతడు ధైర్యము తెచ్చుకొని యూదా బెన్యా మీనీయుల దేశమంతటినుండియు, ఎఫ్రాయిము మన్యములో తాను పట్టుకొనిన పట్టణములలోనుండియు హేయములైన విగ్రహములన్నిటిని తీసి వేసి, యెహోవా మంటపము ఎదుటనుండు యెహోవా బలిపీఠమును మరల కట్టించి

2 దినవృత్తాంతములు 4:1; 2 దినవృత్తాంతములు 8:12. “విగ్రహాలను”– 2 దినవృత్తాంతములు 14:3-5 లో ఆరంభించిన పని ముగిసినట్టు లేదు. “బలిపీఠాన్ని”– 2 దినవృత్తాంతములు 4:1; 2 దినవృత్తాంతములు 8:12. ఇతర దేవుళ్ళ బలిపీఠాలు (2 దినవృత్తాంతములు 14:3) వాడకంలో ఉన్నప్పటికీ నిజ దేవుని బలిపీఠం మాత్రం పాడుబడిపోయేలా వదిలేశారు. 1 రాజులు 18:30 పోల్చిచూడండి.

9. యూదా వారినందరిని బెన్యామీనీయుల నందరిని, ఎఫ్రాయిము మనష్షే షిమ్యోను గోత్రస్థానము లలోనుండి వచ్చి వారిమధ్య నివసించు పరదేశులను సమకూర్చెను. అతని దేవు డైన యెహోవా అతనికి సహా యుడై యుండుట చూచి ఇశ్రాయేలువారిలోనుండి విస్తారమైన జనులు అతని పక్షము చేరిరి.

2 దినవృత్తాంతములు 11:13-17.

10. ఆసా యేలు బడియందు పదునైదవ సంవత్సరమున మూడవ నెలను వారు యెరూషలేములో కూడి

11. తాము తీసికొనివచ్చిన కొల్లసొమ్ము లోనుండి ఆ దినమున ఏడువందల యెద్దులను ఏడు వేల గొఱ్ఱెలను యెహోవాకు బలులుగా అర్పించి

2 దినవృత్తాంతములు 14:13-15.

12. పూర్ణహృదయముతోను పూర్ణాత్మతోను తమ పితరుల దేవుడైన యెహోవాయొద్ద తాము విచారణచేయుదు మనియు

“ఒడంబడిక”– నిర్గమకాండము 19:5; యెహోషువ 8:30-35; యెహోషువ 24:25; 1 సమూయేలు 11:14; 2 దినవృత్తాంతములు 23:16; 2 దినవృత్తాంతములు 29:10; 2 దినవృత్తాంతములు 34:31. ఇస్రాయేల్ జాతి దేవునితో ఒడంబడిక సంబంధం ఉన్న ప్రజ. వారి చరిత్ర మొత్తం వారు ఆ ఒడంబడికకు విధేయులయ్యారా లేదా అన్న విషయం పైనే ఆధారపడింది.

13. పిన్నలేగాని పెద్దలేగాని పురుషులేగాని స్త్రీలే గాని ఇశ్రాయేలీయుల దేవుడైన యెహోవాయొద్ద విచారణ చేయనివారికందరికిని మరణము విధించుదుమనియు నిష్కర్షచేసికొనిరి.

“మరణశిక్ష”– నిజ దేవుడైన యెహోవాను ప్రజలు వెదకకపోతే, ఇతర దేవుళ్ళను అనుసరించాలన్న వారి ఉద్దేశం తేటతెల్లమౌతుంది. వారితో దేవుడు చేసుకొన్న ఒడంబడిక చట్టాలను బట్టి ఇతర దేవుళ్ళ వెంట పోతే అందుకు శిక్ష మరణమే – నిర్గమకాండము 22:20; ద్వితీయోపదేశకాండము 13:5-9.

14. వారు ఎలుగెత్తి బొబ్బలిడుచు, మేళములతోను బూరల నాదముతోను భేరీధ్వనులతోను యెహోవా సన్నిధిని ప్రమాణము చేసిరి.

15. ఈలాగు ప్రమాణము చేయబడగా యూదావారందరును సంతో షించిరి; వారు పూర్ణహృదయముతో ప్రమాణముచేసి పూర్ణమనస్సుతో ఆయనను వెదకియుండిరి గనుక యెహోవా వారికి ప్రత్యక్షమై చుట్టునున్న దేశస్థులతో యుద్ధములు లేకుండ వారికి నెమ్మది కలుగజేసెను.

16. మరియు తన తల్లియైన మయకా అసహ్యమైన యొక దేవతా స్తంభమును నిలిపినందున ఆమె యిక పట్టపుదేవియై యుండకుండ రాజైన ఆసా ఆమెను త్రోసివేసి, ఆమె నిలిపిన విగ్రహమును పడగొట్టి ఛిన్నాభిన్నము చేసి కిద్రోను వాగుదగ్గర దాని కాల్చివేసెను.

1 రాజులు 15:13-15. 2 దినవృత్తాంతములు 14:2-5; నిర్గమకాండము 34:13; నిర్గమకాండము 14:2-5.

17. ఆసా ఉన్నత స్థలములను ఇశ్రాయేలీయులలోనుండి తీసివేయలేదు గాని యితడు బ్రదికిన కాలమంతయు ఇతని హృదయము యథార్థముగా ఉండెను.

18. తన తండ్రి ప్రతిష్ఠించి నట్టియు, తాను ప్రతిష్ఠించినట్టియు వెండిని బంగారమును ఉపకరణములను అతడు తీసికొని దేవుని మందిరమునం దుంచెను.

19. ఆసా యేలుబడియందు ముప్పది యయిదవ సంవత్సరమువరకు యుద్ధములు జరుగలేదు.