Chronicles I - 1 దినవృత్తాంతములు 16 | View All

1. ఈ ప్రకారము వారు దేవుని మందసమును తీసికొని వచ్చి, దావీదు దానికొరకు వేయించియున్న గుడారము నడుమను దాని ఉంచి, దేవుని సన్నిధిని దహనబలులను సమాధానబలులను అర్పించిరి.

2. దహనబలులను సమాధాన బలులను దావీదు అర్పించి చాలించిన తరువాత అతడు యెహోవా నామమున జనులను దీవించి

3. పురుషులకేమి స్త్రీలకేమి ఇశ్రాయేలీయులందరిలో ఒక్కొక్కరికి ఒక రొట్టెను ఒక భక్ష్యమును ఒక ద్రాక్షపండ్ల అడను పంచి పెట్టెను.

4. మరియు అతడు యెహోవా మందసము ఎదుట సేవ చేయుచు, ఇశ్రాయేలీయుల దేవుడైన యెహోవాను ప్రసిద్ధి చేయుటకును, వందించుటకును ఆయ నకు స్తోత్రములు చెల్లించుటకును లేవీయులలో కొందరిని నియమించెను.

5. వారిలో ఆసాపు అధిపతి, జెకర్యా అతని తరువాతివాడు, యెమీయేలు షెమరామోతు యెహీయేలు మత్తిత్యా ఏలీయాబు బెనాయా ఓబేదెదోము యెహీయేలు అనువారు స్వరమండలములను సితారాలను వాయించుటకై నియమింపబడిరి, ఆసాపు తాళములను వాయించువాడు.

6. బెనాయా యహజీయేలు అను యాజ కులు ఎప్పుడును దేవుని నిబంధన మందసము ఎదుట బూరలు ఊదువారు.

7. ఆ దినమందు యెహోవాను స్తుతిచేయు విచారణను ఏర్పరచి, దావీదు ఆసాపుచేతికిని వాని బంధువులచేతికిని దానిని అప్పగించెను. ఆ స్తుతి విధమేమనగా

8. యెహోవాకు కృతజ్ఞతాస్తుతులు చెల్లించుడి.ఆయన నామమును ప్రకటనచేయుడిఆయన కార్యములను జనములలో తెలియజేయుడి.

9. ఆయననుగూర్చి పాడుడి ఆయనను కీర్తించుడిఆయన అద్భుత క్రియలన్నిటినిగూర్చి సంభాషణ చేయుడి.

10. ఆయన పరిశుద్ధ నామమును బట్టి అతిశయించుడి యెహోవాను వెదకువారు హృదయమునందు సంతో షించుదురు గాక.

11. యెహోవాను ఆశ్రయించుడి ఆయన బలము నాశ్రయించుడిఆయన సన్నిధి నిత్యము వెదకుడి.

12. ఆయన దాసులగు ఇశ్రాయేలు వంశస్థులారాఆయన ఏర్పరచుకొనిన యాకోబు సంతతి వారలారా

13. ఆయన చేసిన ఆశ్చర్యకార్యములను జ్ఞాపకము చేసి కొనుడిఆయన సూచక క్రియలను ఆయన నోటి తీర్పులను జ్ఞాపకము చేసికొనుడి.

14. ఆయన మన దేవుడైన యెహోవా ఆయన తీర్పులు భూమియందంతట జరుగుచున్నవి.

15. మీ సంఖ్య కొద్దిగాను మీరు స్వల్పసంఖ్యగల జనులుగానుకనాను దేశములో అన్యులుగాను ఉండగా కొలవబడిన స్వాస్థ్యముగా దాని నీకిచ్చెదనని

16. ఆయన అబ్రాహాముతో చేసిన నిబంధనను

17. ఇస్సాకుతో చేసిన ప్రమాణమును ఏర్పాటును నిత్యము జ్ఞాపకముంచుకొనుడి.

18. వేయితరములవరకు ఆ మాట నిలుచునని ఆయన సెల విచ్చెను.

19. యాకోబునకు కట్టడగాను ఇశ్రాయేలునకు నిత్యనిబంధనగాను ఆయన ఆ మాటను స్థిరపరచియున్నాడు.

20. వారు జనమునుండి జనమునకును రాజ్యమునుండిరాజ్యమునకును తిరుగులాడుచుండగా

21. నేను అభిషేకించినవారిని ముట్టవలదనియు నా ప్రవక్తలకు కీడుచేయవద్దనియు సెలవిచ్చి

22. ఆయన ఎవరినైనను వారికి హింసచేయనియ్యలేదు వారి నిమిత్తము రాజులను గద్దించెను.

23. సర్వభూజనులారా, యెహోవాను సన్నుతించుడి అనుదినము ఆయన రక్షణను ప్రకటించుడి.

24. అన్యజనులలో ఆయన మహిమను ప్రచురించుడి సమస్త జనములలో ఆయన ఆశ్చర్యకార్యములనుప్రచురించుడి.

25. యెహోవా మహా ఘనత వహించినవాడు ఆయన బహుగా స్తుతినొంద తగినవాడు సమస్త దేవతలకంటె ఆయన పూజ్యుడు.

26. జనముల దేవతలన్నియు వట్టి విగ్రహములే యెహోవా ఆకాశవైశాల్యమును సృజించినవాడు.

27. ఘనతాప్రభావములు ఆయన సన్నిధిని ఉన్నవి బలమును సంతోషమును ఆయనయొద్ద ఉన్నవి.

28. జనముల కుటుంబములారా, యెహోవాకు చెల్లించుడి. మహిమాబలమును యెహోవాకు చెల్లించుడి.

29. యెహోవా నామమునకు తగిన మహిమను ఆయనకు చెల్లించుడి నైవేద్యములు చేత పుచ్చుకొని ఆయన సన్నిధిని చేరుడి పరిశుద్ధాలంకారములగు ఆభరణములను ధరించుకొని ఆయన యెదుట సాగిలపడుడి.

30. భూజనులారా, ఆయన సన్నిధిని వణకుడి అప్పుడు భూలోకము కదలకుండును అప్పుడది స్థిరపరచబడును.

31. యెహోవా ఏలుచున్నాడని జనములలో చాటించుడి. ఆకాశములు ఆనందించునుగాక భూమి సంతోషించునుగాక

32. సముద్రమును దాని సంపూర్ణతయు ఘోషించునుగాక పొలములును వాటియందుండు సర్వమును సంతోషించునుగాక. యెహోవా వేంచేయుచున్నాడు.

33. భూజనులకు తీర్పు తీర్చుటకై యెహోవా వేంచేయుచున్నాడు వనవృక్షములు ఆయన సన్నిధిని ఉత్సయించును.

34. యెహోవా దయాళుడు, ఆయన కృప నిరంతరముండును. ఆయనను స్తుతించుడి.

35. దేవా మా రక్షకా, మమ్మును రక్షించుము మమ్మును చేర్చుకొనుము.
అపో. కార్యములు 26:17

36. మేము నీ పరిశుద్ధనామమునకు కృతజ్ఞతాస్తుతులు చెల్లించునట్లు నిన్ను స్తుతించుచు అతిశయించునట్లు అన్యజనుల వశములోనుండి మమ్మును విడిపింపుము. అని ఆయనను బతిమాలుకొనుడి. ఇశ్రాయేలీయులకు దేవుడైన యెహోవా యుగములన్నిటను స్తోత్రము నొందునుగాక. ఈలాగున వారు పాడగా జనులందరు ఆమేన్‌ అని చెప్పి యెహోవాను స్తుతించిరి.

37. అప్పుడు మందసము ముందర నిత్యమును కావలసిన అనుదిన సేవ జరుపుటకై దావీదు అచ్చట యెహోవా నిబంధన మందసముమీద ఆసాపును అతని సహోదరులను నియమించెను. ఓబేదె దోమును వారి సహోదరులైన అరువది ఎనిమిది మందిని

38. యెదూతూను కుమారుడైన ఓబేదెదోమును హోసాను ద్వారపాలకులుగా నియమించెను

39. గిబియోనులోని ఉన్నతస్థలముననున్న యెహోవా గుడారముమీదను అచ్చటి బలిపీఠముమీదను యెహోవా ఇశ్రాయేలీయులకు ఆజ్ఞాపించిన ధర్మశాస్త్రమందు వ్రాయబడియున్న ప్రకారము

40. ఉదయాస్తమయములయందు అనుదినమున నిత్యమైన దహనబలిని ఆయనకు అర్పించుటకై అచ్చట అతడు యాజకుడైన సాదోకును అతని సహోదరులైన యాజకులను నియమించెను.

41. యెహోవా కృప నిత్యముండునని ఆయనను స్తుతిచేయుటకై వీరితోకూడ హేమానును యెదూతూనును పేళ్లవరుసను ఉదాహరింపబడిన మరి కొందరిని నియమించెను.

42. బూరలు ఊదుటకును తాళములను వాయించుటకును దేవునిగూర్చి పాడతగిన గీతము లను వాద్యములతో వినిపించుటకును వీరిలోనుండు హేమానును యెదూతూనును అతడు నియమించెను.మరియయెదూతూను కుమారులను అతడు ద్వార పాలకులుగా నియమించెను.

43. తరువాత జనులందరును తమతమ యిండ్లకు వెళ్లిపోయిరి; దావీదును తన యింటి వారిని దీవించుటకై వారియొద్దకు పోయెను.



బైబిల్ అధ్యయనం - Study Bible
16:1 ఈ గుడారము మందసము ముందు యాజకులు బలులు అర్పించే ఒక ప్రత్యేక ప్రదేశం. యాజకుల బృందం ఇక్కడ దేవునిపట్ల సంపూర్ణ నిబద్ధత కలిగి ఉండడానికి సూచనగా దహనబలులను, దేవునికి మానవులకు నడుమ నిబంధనకు సూచనగా సమాధాన బలులను అర్పించారు. 

16:2-3 దావీదు పట్టాభిషేక విందుకు ఎవరి భోజనం వారే తెచ్చుకున్నారు, అయితే ఇప్పుడు దావీదు జనులను దీవించి ఇంటికి పంపించినప్పుడు, ప్రతి వ్యక్తికి ఒక ఆహారపు పొట్లం పంచిపెట్టాడు. 

16:4-6 గిబియోనులో ప్రత్యక్ష గుడారం ఆరాధనా స్థలంగా కొనసాగింది కానీ ఇప్పుడు మందసమున్న ప్రదేశం ఆరాధన కోసం ఏర్పాటు చేసిన ప్రధాన స్థలం కాదు. అయితే, దేవుని సన్నిధి వారి మధ్యలో ఉందనే దానికి సూచనగా, దేవుని స్తుతించే ప్రజలు మందసం చుట్టూ ఉండవలసిన అవసరం ఉంది. ఈ పని కోసం దావీదు శాశ్వత సంగీతకారులను నియమించాడు. ఈ బృందంలో తాళములను వాయించడానికి ఆసాపు, తంతివాయిద్యములు వాయించడానికి ఓబెదెదోము ఇంకా ఇతరులను, బూరలు ఊదడానికి యాజకులైన బెనాయా, యహజీయేలును నియమించాడు.

16:7 ఇశ్రాయేలీయుల సంస్కృతి, ఆరాధనలో సంగీతం కొంతకాలం ఒక భాగంగా ఉండి వుంటుంది, కానీ మందసము ముందు, ప్రత్యక్ష గుడారం వద్ద దావీదు సంగీతాన్ని ఆరాధనలో అంతర్భాగం చేశాడు. అతడు యెరూషలేములో స్తుతిచేసే విధానాన్ని ఏర్పరచి, కృతజ్ఞతా స్తుతి నడిపించాలని ఆసాపును ఆదేశించాడు. ఈ సందర్భానికి ఒక కీర్తన రచించి బాణీ కట్టాడు. దీనిలో మూడు భాగాలు ఉన్నాయి, తరువాత వాటిని కీర్తనలు గ్రంథంలో చేర్చారు. వ.8-22 కీర్తన 105:1-15లో, వ.23-33 కీర్తన 96:1-13లో, వ.34-36 కీర్తన 106:1,47-48లో భాగంగా ఉన్నాయి. 1దినవృత్తాంతములు గ్రంథంలో ఉన్న ఈ కీర్తనలో దేవుని స్తుతించాలని ప్రజలను ప్రోత్సహించడం, దేవుని నమ్మకత్వం, మహిమ, సృజనశీలతలను వివరించడం వంటి నాలుగు భాగాలు ఉన్నాయి. 

16:8-13 స్తుతి చెల్లించాలని చేసిన మొదటి హెచ్చరిక, దేవుడు చేసిన కార్యములు జ్ఞాపకం చేసుకుని ఆయన కార్యములను ప్రకటన చేయాలని ఇచ్చిన పిలుపు. బైబిల్లో దేవుని స్తుతించడం అంటే దేవుడు గతంలో చేసిన కార్యాలను జ్ఞాపకం చేసుకుని వాటిని ప్రకటించడం. 

16:14-22 దావీదు పాడిన కీర్తనలో ఈ మొదటి మధ్యంతర భాగం దేవుడు అబ్రాహాముతో చేసిన నిబంధన జ్ఞాపకం చేస్తుంది. దేవుడు తన ప్రజలను వాగ్దాన భూమికి తీసుకురావడం ద్వారా తన నిబంధన ఎలా నిలబెట్టుకున్నాడో జ్ఞాపకం చేస్తుంది. 

16:23-24 దేవుని స్తుతించవలసిన బాధ్యత ఇశ్రాయేలీయులకు ఉందని ఈ వచనాలు పునరుద్ఘాటిస్తాయి. ఈ స్తుతి సమస్త జనములలో ప్రచురించబడాలనే కోణాన్ని ఈ వచనాలు జత చేస్తున్నాయి. దేవుని నడిపింపు ప్రత్యక్షంగా అనుభవించని ప్రజలు ఇశ్రాయేలీయుల నుండి దానిని నేర్చుకుంటారు.

16:25-27 ఈ రెండవ భాగం దేవునికి, విగ్రహాలకు మధ్యగల వ్యత్యాసాన్ని వివరిస్తుంది. విగ్రహాలు మానవ నిర్మితమైనవి కాబట్టి యెహోవాకు ఉన్న శక్తి, ఘనతా ప్రభావములు వాటికి లేవు.

16:28-30 ఎవరికైనా ఏదైనా ఆపాదించడం (చెల్లించడం) అంటే వారికి ఆ గుణలక్షణం ఉందని గుర్తించడం. స్తుతించాలనే ఈ హెచ్చరిక, దేవుని స్తుతించడాన్ని, అర్పణలు చెల్లించి ఆయనను ఆరాధించడంతో అనుసంధానమైనది. దేవుని కీర్తి ఆయన పనులతో సంధానమై ఉన్నట్లే, ఆరాధకుని స్తుతి అతడు చేసే సేవతో సంధానమై ఉంటుంది. 

16:30-38 కీర్తనలోని ఈ భాగంలో, దేవునిశక్తి భూలోక స్థిరత్వంలో, ఆకాశముల సాక్ష్యంలో, సముద్రములు ఘోషిస్తూ చేస్తున్న ప్రకటనలో, పొలములు వాటియందుండు సర్వము చేసే సంతోషధ్వనిలో గుర్తించబడింది. సృష్టి క్రమం సృష్టికర్త మహిమను గురించి సాక్ష్యమిస్తుంది. 

16:34-36 దేవుని స్తుతించాలని తెలియజేసే నాల్గవది, చివరిదైన హెచ్చరిక, దేవుని మహిమను, రక్షణ (రక్షింపుము) కోసం ఆయనపై ఆధారపడవలసిన అవసరతను జ్ఞాపకం చేస్తుంది.

16:37-42 యెరూషలేములో మందసము ముందర సేవపై, గిబియోనులో యెహోవా గుడారము దగ్గర సేవపై వృత్తాంతకారుడు మరొకసారి దృష్టి సారించాడు. రెండు పవిత్ర స్థలాలలో ఆరాధన జరగడం వలన ఏర్పడిన అస్పష్టత, ఒకే చోట ఆరాధన జరగడం కోసం మందిరం ఏర్పడవలసిన అవసరతను తెలియజేస్తుంది. ధర్మశాస్త్రానుసారంగా ప్రత్యక్ష గుడారం వద్ద -జరగవలసిన బల్యర్పణలను, సంగీతకారులైన హేమాను, యెదూతూను (ఏతాను) సహకారంతో సాదోకు కొనసాగించాడు. మందసము చుట్టూ స్థిరంగా స్తుతి జరగాలని నియమం ఏర్పాటు చేసిన దావీదు, అదే విధంగా గుడారము దగ్గర కూడా బల్యర్పణలు జరగాలని ఆదేశించాడు. 


Shortcut Links
1 దినవృత్తాంతములు - 1 Chronicles : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |