1. అంతట కిర్యత్యారీమువారు వచ్చి యెహోవా మంద సమును తీసికొనిపోయి కొండయందుండే అబీనాదాబు ఇంట చేర్చి దానిని కాపాడుటకై అతని కుమారుడైన ఎలియాజరును ప్రతిష్ఠించిరి.

2. మందసము కిర్యత్యారీములోనుండిన కాలము ఇరువై సంవత్సరములాయెను. ఇశ్రాయేలీయులందరు యెహో వాను అనుసరింప దుఃఖించుచుండగా

ఒడంబడిక పెట్టెను దావీదు రాజైన సమయం వరకు, అంటే 20 సంవత్సరాల కంటే ఎక్కువ కాలం కిర్యత్‌యారీం నుంచి కదిలించడం జరగలేదు. ఇక్కడ చెప్పటానికి 20 సంవత్సరాల కాలం తరువాత బహుశా 4వ వచనంలో కనిపిస్తున్న పశ్చాత్తాపం ప్రజల్లో కలిగింది. “వెదకుతూ”– ఇస్రాయేల్ దీన స్థితిలో ఉన్నారు. ఫిలిష్తీయ వారిచేత పీడించబడుతూ, విగ్రహారాధన పాపాన్ని అంటగట్టుకుని, తమ శత్రువులను గానీ తమ పాపాలను గానీ ఎదిరించే బలం లేక కృంగిపోయి ఉన్నారు. యెహోవాను వెతకడం అతి శ్రేష్ఠమైన విషయం. భావికాలంలో ఏదన్నా ఆశాభావం అంటూ ఉంటే ఇందువల్లనే. 2 దినవృత్తాంతములు 7:14 యెషయా 55:6-7 యిర్మియా 29:12-14 పోల్చిచూడండి.

3. సమూయేలు ఇశ్రాయేలీయులందరితో ఇట్లనెనుమీ పూర్ణహృదయ ముతో యెహోవాయొద్దకు మీరు మళ్లుకొనినయెడల, అన్యదేవతలను అష్తారోతు దేవతలను మీ మధ్యనుండి తీసి వేసి, పట్టుదలగలిగి యెహోవా తట్టు మీ హృదయములను త్రిప్పి ఆయ నను సేవించుడి. అప్పుడు ఆయన ఫిలిష్తీయుల చేతిలోనుండి మిమ్మును విడిపించును.

యెహోవాను వెతికేవారు ఆయనకు నచ్చని విషయాలను విసర్జించేందుకు సిద్ధపడి ఉండాలి. అలా కాని పక్షంలో ఏమీ ప్రయోజనం లేదు. ఇస్రాయేల్‌వారు యెహోవాను వెదకుతూ ఉన్నప్పటికీ ఇతర దేవుళ్ళ విగ్రహాలను అలానే ఉంచుకొన్న విషయం గమనించండి. యెహోషువ 24:14-15 న్యాయాధిపతులు 2:11-13 పోల్చిచూడండి. “అష్తారోతు”– ఇస్రాయేల్ ఇరుగు పొరుగు రాజ్యాల్లో పూజలనందుకునే ఒక దేవత.

4. అంతట ఇశ్రాయేలీయులు బయలు దేవతలను అష్తారోతు దేవత లను తీసివేసి యెహోవాను మాత్రమే సేవించిరి.

5. అంతట సమూయేలుఇశ్రాయేలీయులందరిని మిస్పాకు పిలువనంపుడి; నేను మీపక్షమున యెహోవాను ప్రార్థన చేతునని చెప్పగా

వారు తమ అబద్ధ దేవతలను విసర్జించడానికి సుముఖంగా ఉన్నారు కాబట్టే సమూయేలు వారి పక్షంగా విన్నపాలు చేసి వారిని ఇంకా ఎక్కువ పశ్చాత్తాపంలోకి ఆధ్యాత్మిక జీవితంలోకి నడిపించగలిగాడు. దేవుని ప్రజల పక్షంగా ఆ రోజుల్లో సమూయేలు గొప్ప విజ్ఞాపనకర్తగా ఉండేవాడు (1 సమూయేలు 7:8-9 1 సమూయేలు 8:6 1 సమూయేలు 12:17-19 1 సమూయేలు 12:23 1 సమూయేలు 15:11 కీర్తనల గ్రంథము 99:6 యిర్మియా 15:1).

6. వారు మిస్పాలో కూడు కొని నీళ్లుచేది యెహోవా సన్నిధిని కుమ్మరించి ఆ దినము ఉపవాసముండియెహోవా దృష్టికి మేము పాపాత్ములమని ఒప్పుకొనిరి. మిస్పాలో సమూయేలు ఇశ్రాయేలీ యులకు న్యాయము తీర్చుచువచ్చెను.

“కుమ్మరించారు”– హృదయాన్ని కుమ్మరించడానికి సూచన కావచ్చు (1 సమూయేలు 1:15 కీర్తనల గ్రంథము 42:4 కీర్తనల గ్రంథము 62:8 విలాపవాక్యములు 2:19). “తీర్పు తీర్చాడు”– ఇప్పుడు ఇస్రాయేల్‌వారు సమూయేలును న్యాయాధిపతిగా లేక నాయకుడుగా గుర్తించారు. సమూయేలు ఇలాంటి వారిలో ఆఖరువాడు, వారందరికంటే గొప్పవాడు.

7. ఇశ్రాయేలీయులు మిస్పాలో కూడియున్నారని ఫిలిష్తీయులు విని నప్పుడు ఫిలిష్తీయుల సర్దారులు ఇశ్రాయేలుమీదికి వచ్చిరి. ఈ సంగతి ఇశ్రాయేలీయులు విని ఫిలిష్తీయులకు భయపడి

8. మన దేవుడైన యెహోవాను ఫిలిష్తీయుల చేతిలో నుండి మనలను రక్షించునట్లుగా మాకొరకు ఆయనను ప్రార్థనచేయుట మానవద్దని సమూయేలునొద్ద మనవి చేసిరి

1 సమూయేలు 12:19-24.

9. సమూయేలు పాలు విడువని ఒక గొఱ్ఱెపిల్లను తెచ్చి యెహోవాకు సర్వాంగ బలిగా అర్పించి, ఇశ్రా యేలీయుల పక్షమున యెహోవాను ప్రార్థనచేయగా యెహోవా అతని ప్రార్థన అంగీకరించెను.
హెబ్రీయులకు 11:32

“హోమబలి”– లేవీ 1వ అధ్యాయం నోట్స్. “అంగీకరించాడు”– కీర్తనల గ్రంథము 99:6 యిర్మియా 15:1.

10. సమూయేలు దహనబలి అర్పించుచుండగా ఫిలిష్తీయులు యుద్ధము చేయుటకై ఇశ్రాయేలీయుల మీదికి వచ్చిరి. అయితే యెహోవా ఆ దినమున ఫిలిష్తీయులమీద మెండుగా ఉరుములు ఉరిమించి వారిని తారుమారు చేయగా వారు ఇశ్రాయేలీయుల చేత ఓడిపోయిరి.

1 సమూయేలు 2:10 యెహోషువ 10:10 2 సమూయేలు 22:14-15 కీర్తనల గ్రంథము 18:13-14 కీర్తనల గ్రంథము 29:3-4.

11. ఇశ్రాయేలీయులు మిస్పాలో నుండి బయలుదేరి బేత్కారు వరకు ఫిలిష్తీయు లను తరిమి హతము చేసిరి.

12. అప్పుడు సమూయేలు ఒక రాయి తీసి మిస్పాకును షేనుకును మధ్య దానిని నిలిపియింతవరకు యెహోవా మనకు సహాయము చేసెనని చెప్పి దానికి ఎబెనెజరు అను పేరు పెట్టెను.

“రాయి”– స్మారక చిహ్నాలుగా రాళ్ళను నిలబెట్టడం (ఆరాధన కోసం కాదు) ఆ రోజుల్లో సాధారణమే (ఆదికాండము 28:18 ఆదికాండము 35:14 యెహోషువ 4:9 యెహోషువ 24:26). ఎబెనెజరు అంటే “సహాయం చేసేవాని రాయి”.

13. ఈలాగున ఫిలిష్తీయులు అణపబడినవారై ఇశ్రాయేలు సరిహద్దులోనికి తిరిగి రాక ఆగిపోయిరి. సమూయేలు ఉండిన దినములన్నిటను యెహోవా హస్తము ఫిలిష్తీయులకు విరోధముగా ఉండెను.

“మళ్ళీ”– ఆ సమయంలో తిరుగు దాడి చేసేందుకు వారు ప్రయత్నించలేదు. కానీ తరువాతి కాలంలో మళ్ళీ వచ్చారు (1 సమూయేలు 9:16 1 సమూయేలు 10:5 మొ।।).

14. మరియు ఫిలిష్తీయులు ఇశ్రా యేలీయుల యొద్దనుండి పట్టుకొనిన పట్టణములు ఇశ్రా యేలీయులకు తిరిగి వచ్చెను. ఎక్రోనునుండి గాతు వరకున్న గ్రామములను వాటి పొలములను ఇశ్రాయేలీయులు ఫిలిష్తీయుల చేతిలోనుండి విడిపించిరి. మరియు ఇశ్రాయేలీయులకును అమోరీయులకును సమాధానము కలిగెను.

విజయం, శాంతి, ఇవి పశ్చాత్తాపం, నమ్మకంవల్ల కలిగిన ఫలితాలు (4,6 వచనాలు).

15. సమూయేలు తాను బ్రదికిన దినములన్నియు ఇశ్రాయేలీయులకు న్యాయాధిపతిగా ఉండెను.

16. ఏటేట అతడు బేతేలునకును గిల్గాలునకును మిస్పాకును తిరుగుచు ఆ స్థలములయందు ఇశ్రాయేలీయులకు న్యాయము తీర్చుచు వచ్చెను.

17. మరియు అతని యిల్లు రామాలోనుండినందున అచ్చటికి తిరిగివచ్చి అచ్చటకూడను న్యాయము తీర్చుచుండెను, మరియు అతడు అక్కడ యెహోవాకు ఒక బలిపీఠము కట్టెను.

“రమా”– 1 సమూయేలు 1:1 1 సమూయేలు 1:19. “బలిపీఠం”– ఒడంబడిక పెట్టె షిలోహు నుండి వెళ్ళిపోయింది. మరెన్నడూ అక్కడకు తిరిగి రాలేదు. సమూయేలు పరిచర్య కేంద్రం రమాకు మారింది. దీనితో బాటు ఇస్రాయేల్ వారి ఆధ్యాత్మిక జీవన కేంద్రం కూడా. “రమా” అనే హీబ్రూ పదానికి “ఎత్తయిన స్థలం” అని అర్థం.