1. బాలుడైన సమూయేలు ఏలీయెదుట యెహోవాకుపరిచర్య చేయుచుండెను. ఆ దినములలో యెహోవా వాక్కు ప్రత్యక్షమగుట అరుదు, ప్రత్యక్షము తరుచుగా తటస్థించుటలేదు.

“పరిచర్య”– ఈ సంగతిని చెప్పడం ఇది మూడో సారి. ఇందులో నొక్కి చెప్పడం గమనించండి (1 సమూయేలు 2:11 1 సమూయేలు 2:18). “అరుదుగా”– మత సంబంధమైన కర్మకాండలు యథావిధిగా కొనసాగుతూ ఉన్నాయి గాని ప్రజలకు దేవుడు తరచుగా సందేశాలివ్వడం మానుకున్నాడు. దీనికి కారణం దేవుని వాక్కు విని విధేయత చూపేందుకు ఇష్టపడేవారు బాగా తగ్గిపోవడం కావచ్చు. న్యాయాధిపతులు గ్రంథంలో చెప్పినట్టు ఆ కాలంలో ప్రతి ఒక్కరూ ఎవరికి తోచినట్టే వారు చేసేవారు (న్యాయాధిపతులు 21:25). “దర్శనం”– ఆదికాండము 15:1 మొ।।

2. ఆ కాలమందు ఏలీ కన్నులు మంద దృష్టి గలవైనందున అతడు చూడలేక తనస్థలమందు పండు కొనియుండగాను

3. దీపము ఆరిపోకమునుపు సమూయేలు దేవుని మందసమున్న యెహోవా మందిరములో పండు కొనియుండగాను

“దీపం”– నిర్గమకాండము 25:31-37 నిర్గమకాండము 27:20-21 లేవీయకాండము 24:2-4. “నివాసం”– నిర్గమ 25:8లో నోట్. ఇది సన్నిధి గుడారం (1 సమూయేలు 2:22). సమూయేలు అతి పవిత్రస్థలంలో పడుకోలేదు. దాన్లోకి ప్రవేశించడానికి కూడా అతనికి అనుమతి లేదు (హెబ్రీయులకు 9:7). దీని అర్థం ఒడంబడిక పెట్టె ఉన్న సన్నిధి గుడారంలో పవిత్ర స్థలం అనబడిన బయటి గదిలో పడుకున్నాడు.

4. యెహోవా సమూయేలును పిలిచెను. అతడుచిత్తమండి నేనున్నానని చెప్పి

దేవుడు మనుషులతో మాట్లాడతాడు. మాట్లాడదలచు కుంటే ముందుగా ఆయనే పూనుకుంటాడు. ఆదికాండము 3:8-9 ఆదికాండము 12:1 ఆదికాండము 28:12-13 నిర్గమకాండము 3:4 యెహోషువ 1:1 యిర్మియా 1:4-5 మత్తయి 9:9 అపో. కార్యములు 9:1-4 రోమీయులకు 3:11.

5. ఏలీదగ్గరకు పోయినీవు నన్ను పిలిచితివి గదా నేను వచ్చినాననెను. అతడునేను పిలువలేదు, పోయి పండుకొమ్మని చెప్పగా అతడు పోయి పండుకొనెను.

ఆధ్యాత్మిక విషయాలను అర్థం చేసుకోవడంలో ఏలీకి చురుకుదనం లేదు.

6. యెహోవా మరల సమూ యేలును పిలువగా సమూయేలు లేచి ఏలీయొద్దకు పోయిచిత్తము నీవు నన్ను పిలిచితివి గనుక వచ్చితిననెను. అయితే అతడు నా కుమారుడా, నేను నిన్ను పిలువలేదు, పోయి పండుకొమ్మనెను.

7. సమూయేలు అప్పటికి యెహో వాను ఎరుగకుండెను, యెహోవా వాక్కు అతనికి ఇంక ప్రత్యక్షము కాలేదు.

ఏలీ కొడుకుల్లాగా (1 సమూయేలు 2:12) సమూయేలు యెహోవా విషయంలో బుద్ధిపూర్వకంగా కావాలని జ్ఞానం లేనివాడు కాదు. ఆయన గురించి కొన్ని విషయాలు సమూయేలుకు తెలుసు. మరిన్ని నేర్చుకునే మనసు అతనికి ఉంది. అయితే దేవునితో నేరుగా ఆధ్యాత్మిక అనుభవం అతనికి ఇంతవరకు లేదు. మత నిష్ఠగల చాలామంది ఇదే స్థితిలో ఉన్నారు. పాపవిముక్తి పొందేందుకు దేవుణ్ణి ఎరిగి ఉండడం ముఖ్యమనీ, అలా ఎరిగి ఉండడమే రక్షణ అనీ గ్రహించరు (యోహాను 17:3 ఎఫెసీయులకు 4:18 1 థెస్సలొనీకయులకు 1:8 1 యోహాను 5:20).

8. యెహోవా మూడవ మారు సమూయేలును పిలువగా అతడు లేచి ఏలీ దగ్గరకు పోయిచిత్తము నీవు నన్ను పిలిచితివే; యిదిగో వచ్చితిననగా, ఏలీ యెహోవా ఆ బాలుని పిలిచెనని గ్రహించి

“మూడోసారి”– దేవుడొక వ్యక్తిని ఎన్నుకొన్నాడంటే ఆ వ్యక్తి గ్రహించేవరకూ పిలుస్తూనే ఉంటాడు.

9. నీవు పోయి, పండుకొమ్ము, ఎవరైన నిన్ను పిలిచినయెడలయెహోవా, నీ దాసుడు ఆలకించుచున్నాడు, ఆజ్ఞనిమ్మని చెప్పుమని సమూయేలుతో అనగా సమూయేలు పోయి తన స్థలమందు పండుకొనెను.

కీర్తనల గ్రంథము 85:8 హబక్కూకు 2:1. విని, లోబడేవారితో మాట్లాడేందుకు దేవుడెప్పుడూ సిద్ధమే.

10. తరువాత యెహోవా ప్రత్యక్షమై నిలిచి ఆ రీతిగాసమూయేలూ సమూ యేలూ, అని పిలువగా సమూయేలునీ దాసుడు ఆల కించుచున్నాడు ఆజ్ఞయిమ్మనెను.

“సమూయేలు”– యెషయా 45:3 పోల్చిచూడండి. మనందరి పేర్లూ, మన గురించిన ఇతర విషయాలన్నీ దేవునికి తెలుసు.

11. అంతట యెహోవా సమూయేలుతో ఈలాగు సెలవిచ్చెనుఇశ్రాయేలులో నేనొకకార్యము చేయబోవుచున్నాను; దానిని వినువారందరి చెవులు గింగురుమనును.

కేవలం ఒక చిన్న పిల్లవాడి ద్వారా తన సందేశాన్ని ఇవ్వడం దేవుడు ఏర్పాటు చేశాడు. వయసు మీరి, దేవుని సేవలో తలపండినవారు తామే అధికులమనుకొని చిన్నవారిని చిన్నచూపు చూడకూడదు (కీర్తనల గ్రంథము 8:2 మత్తయి 12:15-16 యిర్మియా 1:6-8 1 తిమోతికి 4:12).

12. ఆ దినమున ఏలీయొక్క యింటివారినిగురించి నేను చెప్పినదంతయు వారిమీదికి రప్పింతును. దాని చేయ మొదలుపెట్టి దాని ముగింతును.

1 సమూయేలు 2:27-36.

13. తన కుమారులు తమ్మును తాము శాపగ్రస్తులగా చేసికొను చున్నారని తానెరిగియు వారిని అడ్డగించలేదు గనుక అతని యింటికి నిత్యమైన శిక్ష విధింతునని నేను అతనికి తెలియజేయుచున్నాను.

1 సమూయేలు 2:12 1 సమూయేలు 2:17 1 సమూయేలు 2:22 1 సమూయేలు 2:29. ఏలీ తన కొడుకులను అదుపులో పెట్టలేదు గనుక వారితోపాటు వారి పాపాల్లో భాగస్వామి అయ్యాడు.

14. కాబట్టి ఏలీ యింటివారి దోషమునకు బలిచేతనైనను నైవేద్యముచేతనైనను ఎన్నటికిని ప్రాయశ్చిత్తము జేయబడదని నేను ప్రమాణపూర్వకముగా ఆజ్ఞా పించితిని.

సంఖ్యాకాండము 15:30 యెషయా 22:14 మత్తయి 12:32 గలతియులకు 6:7-8 హెబ్రీయులకు 10:26-31. మనుషులు తెలిసి తెలిసి ఇష్టపూర్వకంగా పాపం చేస్తూ పోతూ ఉంటే వారిని శిక్షించాలని దేవుడు నిర్ణయించుకునే సమయం ఒకటి వస్తుంది. అప్పుడు క్షమాపణ తలుపును ఆయన మూసివేస్తాడు.

15. తరువాత సమూయేలు ఉదయమగువరకు పండుకొని, లేచి యెహోవా మందిరపు తలుపులను తీసెనుగాని, భయపడి తనకు కలిగిన దర్శన సంగతి ఏలీతో చెప్పక పోయెను.

16. అయితే ఏలీసమూయేలూ నా కుమారుడా, అని సమూయేలును పిలువగా అతడు చిత్తము నేనిక్కడ ఉన్నాననెను.

17. ఏలీనీతో యెహోవా యేమి సెలవిచ్చెనో మరుగుచేయక దయచేసి నాతో చెప్పుము. ఆయన నీతో సెలవిచ్చిన సంగతులలో ఏదైన నీవు మరుగుచేసినయెడల అంతకంటె అధికమైన కీడు ఆయన నీకు కలుగజేయునుగాకని చెప్పగా

దేవుడు ఏం చెప్పాడో తెలుసుకోవాలని మనందరికీ ఉండాలి. 2 దినవృత్తాంతములు 25:16 మొ.

18. సమూయేలు దేనిని మరుగుచేయక సంగతి అంతయు అతనికి తెలియజెప్పెను. ఏలీ వినిసెలవిచ్చినవాడు యెహోవా; తన దృష్ఠికి అనుకూలమైనదానిని ఆయన చేయునుగాక అనెను.

“విషయమంతా”– దేవుడు తన ప్రజలకిచ్చిన సందేశాన్ని దేవుని సేవకులు అక్కడక్కడా కత్తిరించి, మార్పులు చేర్పులు చేసి ఇవ్వడం తగదు. ఉన్నది ఉన్నట్టుగా దేవుని వాక్కును ప్రకటించవలసిందే. సమూయేలుకు ఉన్న భయం (వ 15) ఇలా దేవుని సందేశాన్ని ప్రకటించకుండా అతన్ని అడ్డగించలేదు. అపో. కార్యములు 20:20 అపో. కార్యములు 20:27 పోల్చిచూడండి. “మంచిదని అనిపించింది”– దేవుడు చెప్పినదాన్ని ఏలీ వినయంతో సాత్వికంగా అంగీకరించాడు. ఆయన తీర్పుకు తల వంచాడు. ఇతని గుణం దేవుని పట్ల భయభక్తులు బలహీనతల మిశ్రమం.

19. సమూయేలు పెద్దవాడు కాగా యెహోవా అతనికి తోడైయున్నందున అతని మాటలలో ఏదియు తప్పిపోలేదు.

“తోడై”– ఆదికాండము 21:22 ఆదికాండము 39:2 న్యాయాధిపతులు 1:5. “తప్పిపోనియ్యలేదు”– సమూయేలు మాటలేవీ నెరవేర కుండా పోలేదు. దేవుని నిజమైన ప్రవక్తలందరి విషయం ఇది నిజం (ద్వితీయోపదేశకాండము 18:21-22).

20. కాబట్టి సమూయేలు యెహోవాకు ప్రవక్తగా స్థిరపడెనని దాను మొదలుకొని బెయేర్షెబా వరకు ఇశ్రాయేలీయులందరు తెలిసికొనిరి
అపో. కార్యములు 13:20

దాను ఇస్రాయేల్‌కు ఉత్తర సీమలో, బేర్‌షెబా దక్షిణ సీమలో ఉన్నాయి.

21. మరియు షిలోహులో యెహోవా మరల దర్శనమిచ్చుచుండెను. షిలోహులో యెహోవా తన వాక్కు చేత సమూయేలునకు ప్రత్యక్షమగుచు వచ్చెను. సమూయేలుమాట ఇశ్రా యేలీయులందరిలో వెల్లడియాయెను.

దేవుడు వ్యక్తులకు తన వాక్కు ద్వారా తన్నుతాను వెల్లడి చేసుకుంటాడని గమనించండి. ఇలా ఎవరికైతే ఆయన వాక్కు వస్తుందో వారు దాన్ని ఇతరులకు ప్రకటించే బాధ్యత కలిగి ఉన్నారు. దేవుడు సమూయేలుకు తన్నుతాను వెల్లడి చేసుకోవడం ఒక్క సమూయేలు కోసమే కాదు.