1. ఫిలిష్తీయులు తమ సైన్యములను యుద్ధమునకు సమ కూర్చి యూదా దేశములోని శోకోలో కూడి ఏఫెస్దమీ్మము దగ్గర శోకోకును అజేకాకును మధ్యను దిగి యుండగా

“శోకో”– ఇస్రాయేల్, ఫిలిష్తీయవారి సరిహద్దు దగ్గర బేత్‌లెహేముకు పశ్చిమంగా ఉంది ఈ ప్రదేశం.

2. సౌలును ఇశ్రాయేలీయులును కూడివచ్చి ఏలాలోయలో దిగి ఫిలిష్తీయుల కెదురుగ యుద్ధపంక్తులు తీర్చిరి.

3. ఫిలిష్తీయులు ఆతట్టు పర్వతము మీదను ఇశ్రా యేలీయులు ఈతట్టు పర్వతముమీదను నిలిచియుండగా ఉభయుల మధ్యను ఒక లోయయుండెను.

4. గాతువాడైన గొల్యాతు అను శూరుడొకడు ఫిలిష్తీయుల దండులో నుండి బయలుదేరు చుండెను. అతడు ఆరుమూళ్లజేనెడు ఎత్తుమనిషి.

సంఖ్యాకాండము 13:32-33. గొల్యాతు పొడవు 3 మీటర్లకు కొంచెం తక్కువ.

5. అతని తలమీద రాగి శిరస్త్రాణముండెను, అతడు యుద్ధకవచము ధరించియుండెను, ఆ కవచము అయిదు వేల తులముల రాగి యెత్తుగలది.

6. మరియు అతని కాళ్లకు రాగి కవచమును అతని భుజముల మధ్యను రాగి బల్లెమొకటి యుండెను.

7. అతని యీటె కఱ్ఱ నేతగాని దోనె అంత పెద్దది; మరియు అతని యీటెకొన ఆరువందల తులముల యినుము ఎత్తుగలది. ఒకడు డాలును మోయుచు అతని ముందర పోవుచుండెను.

సుమారు ఏడు కిలోగ్రాములు.

8. అతడు నిలిచి ఇశ్రాయేలీయుల దండువారిని పిలిచియుద్ధపంక్తులు తీర్చుటకై మీ రెందుకు బయలుదేరి వచ్చితిరి?నేను ఫిలిష్తీయుడను కానా? మీరు సౌలు దాసులుకారా? మీ పక్షముగా ఒకనిని ఏర్ప రచుకొని అతని నాయొద్దకు పంపుడి;

పురాతన కాలంలో అప్పుడప్పుడు రెండు సైన్యాల నుంచి ప్రతినిధులను ఎన్నుకొని వారిద్దరి మధ్య జరిగిన పోరాటం ఫలితాన్ని బట్టి రెండు రాజ్యాల జయాపజయాలను నిర్ణయించడం జరిగేది.

9. అతడు నాతో పోట్లాడి నన్ను చంపగలిగినయెడల మేము మీకు దాసుల మగుదుము; నేనతని జయించి చంపినయెడల మీరు మాకు దాసులై మాకు దాస్యము చేయుదురు.

10. ఈ దినమున నేను ఇశ్రాయేలీయుల సైన్యములను తిరస్కరించుచున్నాను. ఒకని నియమించిన యెడల వాడును నేనును పోట్లాడుదుమని ఆ ఫిలిష్తీయుడు చెప్పుచువచ్చెను.

గొల్యాతు ఇస్రాయేల్‌వారినే కాదు వారి దేవుణ్ణి కూడా ధిక్కరిస్తున్నాడు. అయితే దీన్ని అర్థం చేసుకొని రోషం తెచ్చుకున్నది దావీదు ఒక్కడే.

11. సౌలును ఇశ్రా యేలీయులందరును ఆ ఫిలిష్తీయుని మాటలు వినినప్పుడు బహు భీతులైరి.

నాయకుడే భయపడితే ఇక సామాన్య సైనికుల గతేమిటి?

12. దావీదు యూదా బేత్లెహేమువాడగు ఎఫ్రాతీయు డైన యెష్షయి అనువాని కుమారుడు.యెష్షయికి ఎనమండు గురు కుమాళ్లుండిరి. అతడు సౌలు కాలమందు జనులలో ముసలివాడై యుండెను.

“ఎఫ్రాతీయువాడు”– బేత్‌లేహేము పరిసరాల్లో ఉన్న ప్రాంతాన్ని ఎఫ్రాతా అన్నారు.

13. అయితే యెష్షయియొక్క ముగ్గురు పెద్దకుమారులు యుద్ధమునకు సౌలువెంటను పోయి యుండిరి. యుద్ధమునకు పోయిన అతని ముగ్గురు కుమా రుల పేరులు ఏవనగా, జ్యేష్ఠుడు ఏలీయాబు, రెండవవాడు అబీనాదాబు, మూడవవాడు షమ్మా,

14. దావీదు కనిష్ఠుడు; పెద్దవారైన ముగ్గురు సౌలువెంటను పోయి యుండిరిగాని

15. దావీదు బేత్లెహేములోతన తండ్రి గొఱ్ఱెలను మేపుచు సౌలునొద్దకు తిరిగి పోవుచు వచ్చుచు నుండెను.

1 సమూయేలు 16:11.

16. ఆ ఫిలిష్తీయుడు ఉదయమునను సాయంత్రమునను బయలు దేరుచు నలువది దినములు తన్ను తాను అగుపరచుకొనుచు వచ్చెను.

17. యెష్షయి తన కుమారుడైన దావీదును పిలిచినీ సహోదరులకొరకు వేయించిన యీ గోధుమలలో ఒక తూమెడును ఈ పది రొట్టెలను తీసికొని దండులో నున్న నీ సహోదరులదగ్గరకు త్వరగా పొమ్ము.

18. మరియు ఈ పది జున్నుగడ్డలు తీసికొని పోయి వారి సహస్రాధిపతికిమ్ము; నీ సహోదరులు క్షేమముగా నున్నారో లేదో సంగతి తెలిసికొని వారియొద్దనుండి ఆనవాలొకటి తీసికొని రమ్మనిచెప్పి పంపివేసెను.

19. సౌలును వారును ఇశ్రా యేలీయులందరును ఏలా లోయలో ఫిలిష్తీయులతో యుద్ధము చేయుచుండగా

20. దావీదు ఉదయమున లేచి ఒక కాపరికి గొఱ్ఱెలను అప్పగించి ఆ వస్తువులను తీసికొని యెష్షయి తన కిచ్చిన ఆజ్ఞ చొప్పున ప్రయాణమైపోయెను; అయితే అతడు కందకమునకు వచ్చునప్పటికి వారును వీరును పంక్తులుగా తీరి, జయము జయమని అరుచుచు యుద్ధమునకు సాగుచుండిరి.

యుద్ధరంగాన్ని చూడాలన్న కుతూహలంలో కూడా దావీదు తన గొర్రెలను మరువలేదు. ముందుగా అల్ప విషయాల్లో అతడు నమ్మకంగా ఉన్నాడు గనుక తరువాత గొప్ప విషయాల్లో కూడా నమ్మకంగా ఉండగలిగాడు (లూకా 16:10).

21. సైన్యము సైన్యమునకు ఎదురై ఇశ్రాయేలీయులును ఫిలిష్తీయులును యుద్ధసన్న ద్ధులై బయలుదేరు చుండిరి.

22. దావీదు తాను తెచ్చిన వస్తువులను సామగ్రిని కనిపెట్టువాని వశము చేసి, పరు గెత్తిపోయి సైన్యములో చొచ్చి కుశలప్రశ్నలు తన సహోదరుల నడిగెను.

23. అతడు వారితో మాటలాడు చుండగా గాతు ఫిలిష్తీయుడైన గొల్యాతు అను శూరుడు ఫిలిష్తీయుల సైన్యములోనుండి వచ్చి పై చెప్పిన మాటల చొప్పున పలుకగా దావీదు వినెను.

24. ఇశ్రాయేలీయులందరు ఆ మనుష్యుని చూచి మిక్కిలి భయపడి వాని యెదుటనుండి పారిపోగా

25. ఇశ్రాయేలీయులలో ఒకడువచ్చుచున్న ఆ మనిషిని చూచితిరే; నిజముగా ఇశ్రా యేలీయులను తిరస్కరించుటకై వాడు బయలుదేరు చున్నాడు, వానిని చంపినవానికి రాజు బహుగ ఐశ్వర్యము కలుగజేసి తన కుమార్తెనిచ్చి పెండ్లిచేసి వాని తండ్రి ఇంటి వారిని ఇశ్రాయేలీయులలో స్వతంత్రులుగా చేయుననగా

పోరాడేందుకు సౌలు భయపడ్డాడు. పోరాడేందుకు మరొకణ్ణి పురికొలపడానికి గొప్ప బహుమానాల ఎర చూపుతున్నాడు.

26. దావీదుజీవముగల దేవుని సైన్యములను తిరస్క రించుటకు ఈ సున్నతి లేని ఫిలిష్తీయుడు ఎంతటి వాడు? వాని చంపి ఇశ్రాయేలీయులనుండి యీ నింద తొలగించిన వానికి బహుమతి యేమని తనయొద్ద నిలిచినవారి నడుగగా

కీలకమైన విషయం ఏమిటో వెంటనే గ్రహించేశాడు దావీదు. దేవుణ్ణెరుగని ఒకడి ముందు సజీవుడైన నిజ దేవుని ప్రజలు భయంతో ముడుచుకుపోవడం గొప్ప అవమానకరంగా అతనికి అనిపించింది. అతడు దేవుని హృదయానుసారి అయిన మనిషి అనిపించుకోవడంలో గల కారణాల్లో ఒకటి ఇక్కడ బయటపడుతున్నది.

27. జనులువాని చంపినవానికి ఇట్లిట్లు చేయ బడునని అతని కుత్తరమిచ్చిరి.

28. అతడు వారితో మాటలాడునది అతని పెద్దన్న యగు ఏలీయాబునకు వినబడగా ఏలీయాబునకు దావీదు మీద కోపమువచ్చి అతనితోనీవిక్కడి కెందుకు వచ్చితివి? అరణ్యములోని ఆ చిన్న గొఱ్ఱె మందను ఎవరి వశము చేసితివి? నీ గర్వమును నీ హృదయపు చెడుతనమును నేనెరుగుదును; యుద్ధము చూచుటకే గదా నీవు వచ్చితి వనెను.

29. అందుకు దావీదునేనేమి చేసితిని? మాట మాత్రము పలికితినని చెప్పి

తన అన్న పగ గానీ అతడు చెప్పిన నిరుత్సాహకరమైన మాటలు గానీ దావీదు తన విశ్వాసాన్ని అడ్డుకోనివ్వలేదు.

30. అతనియొద్దనుండి తొలగి, తిరిగి మరియొకని ఆ ప్రకారమే యడుగగా జనులు వానికి అదేప్రకారము ప్రత్యుత్తరమిచ్చిరి.

31. దావీదు చెప్పిన మాటలు నలుగురికిని తెలియగా జనులు ఆ సంగతి సౌలుతో తెలియ జెప్పిరి గనుక అతడు దావీదును పిలువ నంపెను.

32. ఈ ఫిలిష్తీయునిబట్టి యెవరిమనస్సును క్రుంగ నిమిత్తము లేదు. మీ దాసుడనైన నేను వానితో పోట్లాడుదునని దావీదు సౌలుతో అనగా

1 సమూయేలు 16:18 ద్వితీయోపదేశకాండము 20:1-4.

33. సౌలుఈ ఫిలిష్తీయుని ఎదుర్కొని వానితో పోట్లాడుటకు నీకు బలము చాలదు; నీవు బాలుడవు, వాడు బాల్యమునుండి యుద్ధాభ్యాసము చేసినవాడని దావీదుతో అనెను.

విశ్వాస సాహసం ఏదైనా చేసేందుకు పూనుకుంటే నిరుత్సాహకరమైన మాటలు పలికేవారు కొందరుండవచ్చు. విజయంకోసం దావీదు దేవుని పైనే గాని తన పై తాను నమ్మకం పెట్టుకోలేదనీ సౌలు గ్రహించలేదు.

34. అందుకు దావీదు సౌలుతో ఇట్లనెనుమీ దాసుడనైన నేను నా తండ్రియొక్క గొఱ్ఱెలను కాయుచుండ సింహమును ఎలుగుబంటియును వచ్చి మందలోనుండి ఒక గొఱ్ఱె పిల్లను ఎత్తికొని పోవుచుండగ.
హెబ్రీయులకు 11:33

గతంలో దేవుడు సహాయం చేసిన అనుభవాలు ప్రస్తుతం అతనికి నమ్మకాన్ని ఇచ్చాయి.

35. నేను దానిని తరిమి చంపి దాని నోటనుండి ఆ గొఱ్ఱెను విడిపించితిని; అది నా మీదికి రాగా దాని గడ్డము పట్టుకొని దానిని కొట్టి చంపితిని.

36. మీ దాసుడనైన నేను ఆ సింహమును ఎలుగు బంటిని చంపితినే, జీవముగల దేవుని సైన్యములను తిరస్క రించిన యీ సున్నతిలేని ఫిలిష్తీయుడు వాటిలో ఒకదానివలె అగుననియు,

37. సింహముయొక్క బలమునుండియు, ఎలుగుబంటి యొక్క బలమునుండియు నన్ను రక్షించిన యెహోవా ఈ ఫిలిష్తీయుని చేతిలోనుండికూడను నన్ను విడిపించుననియు చెప్పెను. అందుకు సౌలుపొమ్ము; యెహోవా నీకు తోడుగానుండునుగాక అని దావీదుతో అనెను.

38. పిమ్మట సౌలు తన యుద్ధవస్త్రములను దావీదునకు ధరింపజేసి, రాగి శిరస్త్రాణమొకటి అతనికి కట్టి, యుద్ధకవ చము తొడిగించెను.

దేవునిలో మాత్రమే దావీదు నమ్మకం పెట్టుకున్నాడు. ఎవరివో కవచాలు, ఆయుధాలు అతనికి అవసరం లేదు. వేరు సామర్థ్యాలున్న ఇతరుల పద్థతులను అనుసరించక దేవుడు తనకు ఇచ్చిన సామర్థ్యాలను బట్టి ముందుకు వెళ్ళేందుకు సిద్ధపడ్డాడు. మనం కూడా అతనిలాగా ఉండాలి.

39. ఈ సామగ్రి దావీదునకు వాడుకలేదు గనుక తాను తొడిగిన వాటిపైన కత్తి కట్టుకొని వెళ్ల కలిగినది లేనిది చూచుకొనిన తరువాత దావీదుఇవి నాకు వాడుకలేదు, వీటితో నేను వెళ్లలేనని సౌలుతో చెప్పి వాటిని తీసివేసి

40. తన కఱ్ఱ చేత పట్టుకొని యేటి లోయలో నుండి అయిదు నున్నని రాళ్లను ఏరుకొని తనయొద్దనున్న చిక్కములో నుంచుకొని వడిసెల చేత పట్టుకొని ఆ ఫిలిష్తీ యుని చేరువకు పోయెను.

ఓ చిన్న వడిసెల చేతపట్టుకు తిరిగే చిన్నపిల్లవాడు కాదు దావీదు. ఏ ఆయుధమూ లేకుండానే ఇంతకుముందు క్రూర మృగాలను అతడు ముట్టుబెట్టాడు (వ 34,35). అంతేగాక ఆ కాలంలో యుద్ధంలో వడిసెల ఒక మరణాయుధంగా ఉంది (న్యాయాధిపతులు 20:16 2 రాజులు 3:25 2 దినవృత్తాంతములు 26:14). అప్పటి సైనికులు 500 గ్రామ

41. డాలు మోయువాడు తనకు ముందు నడువగా ఆ ఫిలిష్తీయుడు బయలుదేరి దావీదు దగ్గరకువచ్చి

42. చుట్టు పారచూచి దావీదును కనుగొని, అతడు బాలుడై యెఱ్ఱటివాడును రూపసియునై యుండుట చూచి అతని తృణీకరించెను.

“అబ్బాయి”– పూర్తిగా పెరిగిన యువకుణ్ణి సూచించేందుకు కూడా హీబ్రూ లో ఈ పదం వాడేవారు. 55వ వచనంలో దావీదును యువకుడు అనడం గమనించండి.

43. ఫిలిష్తీయుడుకఱ్ఱ తీసి కొని నీవు నా మీదికి వచ్చుచున్నావే, నేను కుక్కనా? అని దావీదుతో చెప్పి తన దేవతల పేరట దావీదును శపించెను.

“శపించాడు”– ఫిలిష్తీయవాళ్ళ దేవుళ్ళకు శక్తి లేదని దావీదుకు తెలుసు కాబట్టి ఆ దేవుళ్ళ పేరున గొల్యాతు పలికిన శాప వచనాలకు అతనేమీ భయపడలేదు.

44. నా దగ్గరకు రమ్ము, నీ మాంసమును ఆకాశ పక్షులకును భూమృగముల కును ఇచ్చివేతునని ఆ ఫిలిష్తీ యుడు దావీదుతో అనగా

45. దావీదునీవు కత్తియు ఈటెయు బల్లెమును ధరించుకొని నా మీదికి వచ్చుచున్నావు అయితే నీవు తిరస్కరించిన ఇశ్రాయేలీయుల సైన్యములకధిపతియగు యెహోవా పేరట నేను నీమీదికి వచ్చుచున్నాను.

“ఈటె”– గొల్యాతు తన స్వశక్తి మీదా తన ఆయుధాల మీదా నమ్మకం పెట్టుకున్నాడు, కానీ దావీదు నమ్మకం దేవునిలోనే. ఈ పోరాటానికి ఫలితం ఇందులోనే తేలిపోయింది. తన బలాన్ని మించిన ఇలాంటి బలప్రభావాలను ఎదిరించి గెలుపొందేందుకు గొల్యాతుకు ఏ మాత్రం అవకాశం లేదు.

46. ఈ దినమున యెహోవా నిన్ను నా చేతికి అప్పగించును; నేను నిన్ను చంపి నీ తల తెగవేతును; ఇశ్రాయేలీయులలో దేవుడున్నాడని లోక నివాసులందరును తెలిసికొనునట్లు నేను ఈ దినమున ఫిలిష్తీయులయొక్క కళేబరములను ఆకాశపక్షులకును భూమృగములకును ఇత్తును.

“తెలుసుకొనేలా”– దావీదుకున్న గొప్ప ఆశయం ఇదే. నిజమైన దైవ సేవకులందరికీ ఉండవలసిన కోరిక ఇదే. ఈ ఇద్దరు వ్యక్తుల మధ్య జరిగిన పోరాటానికి చాలా విస్తారమైన ఫలితాలు పరిణామాలు ఉన్నాయి.

47. అప్పుడు యెహోవా కత్తి చేతను ఈటెచేతను రక్షించువాడుకాడని యీ దండువా రందరు తెలిసికొందురు; యుద్ధము యెహోవాదే; ఆయన మిమ్మును మా చేతికి అప్పగించునని చెప్పెను.

1 సమూయేలు 14:6 2 దినవృత్తాంతములు 20:15 కీర్తనల గ్రంథము 33:16-17 కీర్తనల గ్రంథము 34:2 కీర్తనల గ్రంథము 44:4-8 జెకర్యా 4:6 1 తిమోతికి 6:12.

48. ఆ ఫిలిష్తీ యుడు లేచి దావీదును కలియుటకై అతనికి ఎదురుపోగా దావీదు వానిని ఎదుర్కొనుటకు సైన్యముతట్టు త్వరగా పరుగెత్తిపోయి

“పరిగెత్తాడు”– విజయం తప్పనిసరి అన్న ఆత్మ నిబ్బరంతోను దేవుని పేరుకు మహిమ కలగాలన్న ఆత్రుతతోను పరిగెత్తుతూ ఉన్నాడు దావీదు.

49. తన సంచిలో చెయ్యివేసి అందులోనుండి రాయి యొకటి తీసి వడిసెలతో విసరి ఆ ఫిలిష్తీయునినుదుట కొట్టెను. ఆ రాయి వాని నుదురుచొచ్చినందున వాడు నేలను బోర్లపడెను.

50. దావీదు ఫిలిష్తీయునికంటె బలాఢ్యుడై ఖడ్గము లేకయే వడిసెలతోను రాతితోను ఆ ఫిలిష్తీయుని కొట్టి చంపెను.

51. వాడు బోర్లపడగా దావీదు పరుగెత్తిపోయి ఫిలిష్తీయునిమీద నిలుచుండి వాని కత్తి వర దూసి దానితో వాని చంపి వాని తలను తెగవేసెను. ఫిలిష్తీయులు తమ శూరుడు చచ్చుట చూచి పారి పోయిరి.

హెబ్రీయులకు 11:34. విశ్వాసంలో ఉన్న బలప్రభావాలు వేరు వేరు రకాలైన శత్రువులనుకూడా ఓడించగలవు (రోమీయులకు 8:37 1 కోరింథీయులకు 15:57 2 కోరింథీయులకు 2:14 యాకోబు 4:7).

52. అప్పుడు ఇశ్రాయేలువారును యూదావారును లేచిజయము జయమని అరచుచు లోయవరకును షరా యిము ఎక్రోనువరకును ఫిలిష్తీయులను తరుమగా ఫిలిష్తీ యులు హతులై షరాయిము ఎక్రోను మార్గమున గాతు ఎక్రోను అను పట్టణములవరకు కూలిరి.

53. అప్పుడు ఇశ్రా యేలీయులు ఫిలిష్తీయులను తరుముట మాని తిరిగి వచ్చి వారి డేరాలను దోచుకొనిరి.

54. అయితే దావీదు ఆ ఫిలిష్తీ యుని ఆయుధములను తన డేరాలో ఉంచుకొని అతని తలను తీసికొని యెరూషలేమునకు వచ్చెను.

55. సౌలు దావీదు ఫిలిష్తీయునికి ఎదురుగా పోవుట చూచినప్పుడు తన సైన్యాధిపతియైన అబ్నేరును పిలిచి అబ్నేరూ, ఈ ¸యౌవనుడు ఎవని కుమారుడని అడుగగా అబ్నేరురాజా, నీ ప్రాణముతోడు నాకు తెలియదనెను.

సౌలుకు దావీదు ఎవరో తెలుసు (1 సమూయేలు 16:18-23). కానీ అతని కుటుంబం, స్థితిగతుల గురించి మర్చిపోయాడు. అతడు లోలోపల చాలా కంగారుగా ఉన్నాడన్న విషయం గుర్తుంచుకోవాలి (1 సమూయేలు 16:14). అతని భయాల్లో అతనున్నాడు.

56. అందుకు రాజుఈ పడుచువాడు ఎవని కుమా రుడో అడిగి తెలిసికొమ్మని అతనికి ఆజ్ఞ ఇచ్చెను.

57. దావీదు ఫిలిష్తీయుని చంపి తిరిగి వచ్చినప్పుడు అబ్నేరు అతని పిలుచుకొనిపోయి ఫిలిష్తీయుని తల చేతనుండగా అతని సౌలు దగ్గరకు తోడుకొనివచ్చెను.

58. సౌలు అతనిని చూచిచిన్నవాడా, నీవెవని కుమారుడవని అడుగగాదావీదునేను బేత్లెహేమీయుడైన యెష్షయి అను నీ దాసుని కుమారుడనని ప్రత్యుత్తరమిచ్చెను.