1. అంతట ఇశ్రాయేలీయులందరు బయలుదేరి దాను మొదలుకొని బెయేర్షెబావరకును గిలాదుదేశమువరకును వారి సమాజము ఏకమనస్సు కలిగి మిస్పాలో యెహోవా సన్నిధిని కూడెను.

“ఇస్రాయేల్‌వారు...అంతా”– అంటే ఆ దేశం దక్షిణం కొననుండి ఉత్తరం వరకు (దాను నుండి బేర్‌షెబా వరకు) అన్ని భాగాల నుండి వచ్చారు. ఒక్క యాబేష్గిలాదు వారు మాత్రం ఎవరూ రాలేదు (న్యాయాధిపతులు 21:8-9). “మిస్పా”– బైబిల్లో చాలా మిస్పాలు ఉన్నాయి. ఈ మిస్పా గిబియాకు సమీపాన బెన్యామీను ప్రదేశంలో ఉంది.

2. దేవుని జన సమాజమునకు చేరినవారు ఇశ్రాయేలీయుల గోత్రములన్నిటికి పెద్దలుగా నున్నవారై కత్తిదూయు నాలుగు లక్షల కాలుబలము కూడుకొనిరి.

3. ఇశ్రాయేలీయులు మిస్పాకు వచ్చియున్నారని బెన్యా మీనీయులు వినిరి. ఇశ్రాయేలీయులుఈ చెడుతనము ఎట్లు చేయబడెనో అది చెప్పుడని యడుగగా

4. చంప బడిన స్త్రీ పెనిమిటి యైన లేవీయుడు ఉత్తరమిచ్చినదేమ నగాబెన్యామీనీయుల గిబియాలో రాత్రి బసచేయు టకై నేనును నా ఉపపత్నియు వచ్చియుండగా

5. గిబియావారు నా మీ దికి లేచి రాత్రి నేనున్న యిల్లు చుట్టుకొని నన్ను చంపతలచి

6. నా ఉపపత్నిని బల వంతముచేయగా ఆమె చనిపోయెను. వారు ఇశ్రా యేలీయులలో దుష్కార్య మును వెఱ్ఱిపనిని చేసిరని నేను తెలిసికొని, నా ఉపపత్నిని పట్టుకొని ఆమెను ముక్కలుగా కోసి ఇశ్రాయేలీయుల స్వాస్థ్యమైన దేశమంతటికి ఆ ముక్కలను పంపితిని.

7. ఇదిగో ఇశ్రాయేలీయులారా, యిక్కడనే మీరందరు కూడియున్నారు, ఈ సంగతిని గూర్చి ఆలోచన చేసి చెప్పుడనెను.

8. అప్పుడు జనులందరు ఏకీభవించి లేచిమనలో ఎవడును తన గుడారమునకు వెళ్లడు, ఎవడును ఇంటికి వెళ్లడు,

9. మనము గిబియా యెడల జరిగింపవలసినదానిని నెరవేర్చుటకై చీట్లు వేసి దాని మీదికి పోదుము. జనులు బెన్యామీనీయుల గిబియాకు వచ్చి

“చీటీలు”– ఇస్రాయేల్‌వారిలో ఇది సామాన్యంగా చేసేదే – యెహోషువ 7:14 యెహోషువ 18:6 1 సమూయేలు 14:41-42 1 దినవృత్తాంతములు 24:5.

10. ఇశ్రాయేలీయులలో జరిగిన వెఱ్ఱితనము విషయమై పగతీర్చుకొనుటకు వెళ్లువారికొరకు ఆహారము తెచ్చుటకై మనము ఇశ్రాయేలీయుల గోత్రములన్నిటిలో నూటికి పదిమంది మనుష్యులను, వెయ్యింటికి నూరుమందిని, పదివేలకు వెయ్యిమందిని ఏర్పరచుకొందము రండని చెప్పు కొనిరి.

“తగినట్టుగా”– మరణ దండనే వారికి తగినది. నిర్గమకాండము 21:36 నోట్.

11. కాబట్టి ఇశ్రాయేలీయులందరు ఒక్క మనుష్యు డైనట్టుగా ఏకీభవించి ఆ ఊరివారితో యుద్ధముచేయు టకు కూడిరి.

12. ఇశ్రాయేలీయులు బెన్యామీనీయులందరియొద్దకు మను ష్యులను పంపి - మీలో జరిగిన యీ చెడుతనమేమిటి?

13. గిబియాలోనున్న ఆ దుష్టులను అప్పగించుడి; వారిని చంపి ఇశ్రాయేలీయులలోనుండి దోషమును పరిహరింప చేయుద మని పలికింపగా, బెన్యామీనీయులు తమ సహోదరులగు ఇశ్రాయేలీయుల మాట విననొల్లక

“లేకుండా చేస్తాం”– ద్వితీయోపదేశకాండము 13:5 ద్వితీయోపదేశకాండము 17:8 ద్వితీయోపదేశకాండము 19:19-20. యెహోషువ రోజుల్లో ఒక్క మనిషి పాపం చేస్తే ఇస్రాయేల్ వారందరూ ఎలా ఇక్కట్ల పాలయ్యారో, వారికి ఏం జరిగినదో బహుశా వీరంతా గుర్తు చేసుకుని ఉంటారు (యెహో 7వ అధ్యాయం). తమ మీదికి దేవుని శిక్ష రాకుండా తప్పించు కోవాలంటే దేవుని ధర్మశాస్త్రాన్ని ఘోరంగా మీరిన వారి విషయంలో ఏదో ఒకటి చెయ్యడం తప్పనిసరి అని వారు గ్రహించారు. యెహోషువ 7:1 యెహోషువ 7:12-13 యెహోషువ 7:26 2 సమూయేలు 21:1 2 సమూయేలు 21:5-6 అపో. కార్యములు 5:1-11 నోట్స్ చూడండి. వీరి దృఢ నిశ్చయాన్ని చూస్తుంటే అలాంటి చీకటి కాలాల్లో కూడా నీతికోసం నిలబడ గలిగినవారు కొంతమంది ఆ జాతిలో మిగిలివున్నారని తెలుస్తుంది.

14. యుద్ధమునకు బయలు దేరవలెనని తమ పట్టణములలోనుండి వచ్చి గిబియాలో కూడుకొనిరి.

ఇలా చెయ్యడంలో ఎంత మాత్రం అర్థం లేదు. కేవలం తమ గోత్రం వారన్న ఒకే ఒక కారణం వల్ల దోషులు, కామంతో కళ్ళు మూసుకుపోయినవారు, హంతకులు, మరణానికి తగినవారు అయిన దుర్మార్గుల్ని కాపాడ్డం కోసం బెన్యామీనువారంతా తరలివచ్చారు. సహజంగానే ఇది బీకర విపత్తుకు దారి తీసింది. దోషుల్ని కాపాడబూనుకోవడం వారి దోషంలో భాగం పొందడమేననీ దేవుడు అలాంటిదాన్ని శిక్షిస్తాడనీ మనం గుర్తించాలి. మనకు బంధువులు కదా అని దుర్మార్గుల చెడ్డ పనులనూ దుష్ట క్రియలనూ కప్పిపుచ్చకూడదు. అలా చేస్తే దేవుని తీర్పునుండి తప్పించుకోలేం.

15. ఆ దినమున బెన్యామీనీయులు తమ జన సంఖ్యను మొత్తముచేయగా ఏడువందల మందియైన గిబియా నివాసులుగాక కత్తిదూయ సమర్థులై పట్టణమునుండి వచ్చినవారు ఇరువదియారు వేలమందియైరి.

16. ఆ సమస్త జనములో నేర్పరచబడిన ఏడువందలమంది యెడమచేతి వాటముగలవారు. వీరిలో ప్రతివాడును గురిగా నుంచ బడిన తలవెండ్రుక మీదికి వడిసెలరాయి తప్పక విసరగలవాడు.

“ఒడిసెల”– 1 సమూయేలు 17:40.

17. బెన్యామీనీయులు గాక ఇశ్రాయేలీయులలో ఖడ్గము దూయు నాలుగులక్షలమంది లెక్కింపబడిరి; వీరందరు యోధులు.

18. వీరు లేచి బేతేలుకు పోయిఇశ్రాయేలీ యులు బెన్యామీనీయులతో చేయవలసిన యుద్ధమునకు మాలో ఎవరు ముందుగా వెళ్లవలెనని దేవునియొద్ద మనవి చేసినప్పుడు యెహోవా యూదా వంశస్థులు ముందుగా వెళ్లవలెనని సెలవిచ్చెను.

“బేతేల్”– వ 26,27. “విచారణ”– బెన్యామీనుతో యుద్ధం చెయ్యాలా వద్దా అని అడిగినట్టు లేదు. ఎవరు ముందు యుద్ధానికి పోవాలి అని మాత్రం అడిగారు.

19. కాబట్టి ఇశ్రాయేలీయులు ఉదయముననే లేచి గిబియాకు ఎదురుగా దిగిరి.

20. ఇశ్రా యేలీయులు బెన్యామీనీయులతో యుద్ధముచేయ బయలు దేరి నప్పుడు ఇశ్రాయేలీయులు గిబియామీద పడుటకు యుద్ధపంక్తులు తీర్చగా

21. బెన్యామీనీయులు గిబియాలో నుండి బయటికివచ్చి ఆ దినమున ఇశ్రాయేలీయులలో ఇరు వదిరెండు వేలమందిని నేల గూల్చిరి.

22. అయితే ఇశ్రా యేలీయులు ధైర్యము తెచ్చుకొని, తాము మొదట ఎక్కడ యుద్ధపంక్తి తీర్చిరో ఆ చోటనే మరల యుద్ధము జరుగ వలెనని తమ్మును తాము యుద్ధపంక్తులుగా తీర్చుకొనిరి.

23. మరియు ఇశ్రాయేలీయులు పోయి సాయంకాలమువరకు యెహోవా ఎదుట ఏడ్చుచుమా సహోదరులైన బెన్యా మీనీయులతో యుద్ధము చేయుటకు తిరిగి పోదుమా? అని యెహోవాయొద్ద విచారణచేయగా యెహోవా వారితో యుద్ధము చేయబోవుడని సెలవిచ్చెను.

18వ వచనంలో కంటే ఈ ప్రశ్న మరింత వినయ పూర్వకంగా వేరుగా ఉంది. దేవుడు వారిని పంపాడు గాని మళ్ళీ గొప్ప రక్తపాతం జరిగి ఓటమి మాత్రమే ఎదురైంది (వ 24). ఈ సందర్భాన్ని ఉపయోగించుకుని దేవుడు ఇస్రాయేల్ అంతటినీ శిక్షిస్తున్నట్టుంది. లేక కనీసం తీవ్రమైన గుణ పాఠం నేర్పిస్తున్నట్టుంది. ఈ అధ్యాయంలో ఇలా అని రాసి లేదు గాని న్యాయాధిపతులు గ్రంథంలోని ఇతర భాగాల్లో ఈ విధంగా ఆలోచింపజేసే మాటలున్నాయి.

24. కాబట్టి ఇశ్రాయేలీయులు రెండవ దినమున బెన్యా మీనీయులతో యుద్ధము చేయరాగా, ఆ రెండవ దిన మున బెన్యామీనీయులు వారిని ఎదుర్కొనుటకు

25. గిబి యాలోనుండి బయలుదేరి వచ్చి ఇశ్రాయేలీయులలో పదు నెనిమిది వేలమందిని నేలగూల్చి సంహరించిరి.

26. వీరందరు కత్తి దూయువారు. అప్పుడు ఇశ్రాయేలీయులందరును జనులందరును పోయి, బేతేలును ప్రవేశించి యేడ్చుచు సాయంకాలమువరకు అక్కడ యెహోవా సన్నిధిని కూర్చుండుచు ఉపవాసముండి దహనబలులను సమాధాన బలులను యెహో వా సన్నిధిని అర్పించిరి.

వారు మరింతగా వినయం వహించి యెహోవాను అడిగారు. ఆయన వారి విన్నపాన్ని ఆలకించాడు. “బలులు”– లేవీ 1–3 అధ్యాయాలు చూడండి.

27. ఆ దినములలో యెహోవా నిబంధన మందసము అక్కడనే యుండెను.

28. అహరోను మనుమడును ఎలియాజరు కుమారుడునైన ఫీనెహాసు ఆ దినములలో దానియెదుట నిలుచువాడు. ఇశ్రాయేలీయులు మరలమా సహోదరులైన బెన్యా మీనీయులతో యుద్ధమునకు పోదుమా, మానుదుమా? అని యెహోవాయొద్ద విచారణచేయగా యెహోవా వెళ్లుడి రేపు నీ చేతికి వారిని అప్పగించెదనని సెలవిచ్చెను.

“ఫీనెహాసు”– యెహోషువ రోజుల్లో యాజి అయిన ఫీనెహాసే ఇతడైతే (యెహోషువ 22:13) ఈ చివరి మూడు అధ్యాయాల్లో ఉన్న సంఘటనలు యెహోషువ మరణం తరువాత కొద్దికాలానికే జరిగాయన్న మాట. “మీచేతికి”– ఇంతకు ముందు దేవుడిలా చెప్పలేదు.

29. అప్పుడు ఇశ్రాయేలీయులు గిబియా చుట్టు మాటు గాండ్రను పెట్టిరి.

30. మూడవ దినమున ఇశ్రాయేలీయులు బెన్యామీనీయు లతో యుద్ధమునకు పోయిమునుపటివలె గిబియా వారితో యుద్ధము చేయుటకు సిద్ధపడగా

31. బెన్యామీనీయులు వారిని ఎదుర్కొనుటకు బయలుదేరి పట్టణములోనుండి తొలగివచ్చిమునుపటివలె ఇశ్రాయేలీయులలో గాయ పరచబడినవారిని ఇంచుమించు ముప్పదిమంది మనుష్యు లను రాజమార్గములలో చంపుచువచ్చిరి. ఆ మార్గములలో ఒకటి బేతేలునకును ఒకటి పొలములోనున్న గిబియాకును పోవుచున్నవి.

32. బెన్యామీనీయులు మునుపటివలె వారు మనయెదుట నిలువలేక కొట్టబడియున్నారని అనుకొనిరి గాని ఇశ్రాయేలీయులుమనము పారిపోయి వారిని పట్ట ణములోనుండి రాజమార్గములలోనికి రాజేయుదము రండని చెప్పుకొనియుండిరి.

33. ఇశ్రాయేలీయులందరు తమ చోట నుండి లేచి బయల్తామారులో తమ్మును తాము యుద్ధమునకు సిద్ధపరచుకొనులోగా ఇశ్రాయేలీయుల మాటుగాండ్రును తమ చోటనుండి గిబియా బట్టబయటి మార్గమునకు త్వరగా వచ్చిరి.

34. అప్పుడు ఇశ్రాయేలీయులందరిలోనుండి ఏర్ప రచబడిన పదివేలమంది గిబియాకు ఎదురుగా వచ్చినందున కఠినయుద్ధము జరిగెను. అయితే తమకు అపాయము తటస్థమైనదని బెన్యామీనీయులకు తెలియలేదు.

35. అప్పుడు యెహోవా ఇశ్రాయేలీయులచేత బెన్యా మీనీయులను హతముచేయించెను. ఆ దినమున ఇశ్రాయేలీయులు బెన్యామీనీయులలో ఇరువది యయిదు వేల నూరుమంది మనుష్యులను చంపిరి. వీరందరు కత్తి దూయువారు.

బెన్యామీనువారిలో ప్రతి ఒక్క సైనికుడికీ ప్రతిగా 15 మంది సైనికులు తమకు ఉన్నప్పటికీ (వ 15,17) ఇస్రాయేల్ వారికి జయాన్ని ఇవ్వవలసినది దేవుడే. బెన్యామీనువారు నైపుణ్యం, పరాక్రమం గల వీరులనడంలో సందేహం లేదు. అయితే సాటి ఇస్రాయేల్‌వారిని హతమార్చాలన్న పట్టుదల బెన్యామీనువారికి ఉన్నంతగా ఇస్రాయేల్ వారికి బెన్యామీనువారి విషయంలో లేకపోవచ్చు. కానీ చివరికి బెన్యామీనులో దాదాపుగా ఆయుధం ధరించినవారంతా నాశనం అయ్యారు.

36. బెన్యామీనీయులు జరుగుదాని చూచి తమకు అప జయము కలిగినదని తెలిసికొనిరి. ఇశ్రాయేలీయులు తాము గిబియామీద పెట్టిన మాటుగాండ్రను నమ్మి బెన్యా మీనీయులకు స్థలమిచ్చిరి.

37. మాటుననున్నవారు త్వరపడి గిబియాలో చొరబడి కత్తివాతను ఆ పట్టణములోనివారి నందరిని హతముచేసిరి.

38. ఇశ్రాయేలీయులకును మాటు గాండ్రకును నిర్ణయమైన సంకేతమొకటి యుండెను; అదే దనగా వారు పట్టణములోనుండి పొగ గొప్ప మేఘమువలె లేచునట్లు చేయుటయే.

39. ఇశ్రాయేలీయులు యుద్ధము నుండి వెనుకతీసి తిరిగినప్పుడు బెన్యామీనీయులువీరు మొదటి యుద్ధములో అపజయమొందినట్లు మనచేత ఓడి పోవుదురుగదా అనుకొని, చంపనారంభించి, ఇశ్రాయేలీ యులలో ఇంచుమించు ముప్పదిమంది మనుష్యులను హతము చేసిరి.

40. అయితే పట్టణమునుండి ఆకాశముతట్టు స్తంభ రూపముగా పొగ పైకిలేవ నారంభింపగా బెన్యామీనీ యులు వెనుకతట్టు తిరిగి చూచిరి. అప్పుడు ఆ పట్టణ మంతయు ధూమమయమై ఆకాశమునకెక్కుచుండెను.

41. ఇశ్రాయేలీయులు తిరిగినప్పుడు బెన్యామీనీయులు తమకు అపజయము కలిగినదని తెలిసికొని విభ్రాంతినొంది

42. యెడారి మార్గముతట్టు వెళ్లుదమని ఇశ్రాయేలీయుల యెదుట వెనుకకు తిరిగిరిగాని, యుద్ధమున తరుమబడగా పట్టణము లలోనుండి వచ్చినవారు మధ్య మార్గమందే వారిని చంపిరి.

43. ఇశ్రాయేలీయులు బెన్యామీనీయులను చుట్టుకొని తరిమి తూర్పుదిక్కున గిబియాకు ఎదురుగా వారు దిగిన స్థలమున వారిని త్రొక్కుచుండిరి.

44. అప్పుడు బెన్యామీనీయులలో పదునెనిమిది వేలమంది మనుష్యులు పడిపోయిరి. వీరందరు పరాక్రమవంతులు.

45. అప్పుడు మిగిలినవారు తిరిగి యెడా రిలో నున్న రిమ్మోనుబండకు పారిపోగా, వారు రాజ మార్గములలో చెదిరియున్న అయిదువేలమంది మనుష్యులను చీలదీసి గిదోమువరకు వారిని వెంటాడి తరిమి వారిలో రెండు వేలమందిని చంపిరి.

46. ఆ దినమున బెన్యామీనీయు లలో పడిపోయినవారందరు కత్తిదూయు ఇరువదియయిదు వేలమంది, వీరందరు పరాక్రమవంతులు.

47. ఆరువందలమంది తిరిగి యెడారి లోనున్న రిమ్మోను కొండకు పారిపోయి రిమ్మోను కొండమీద నాలుగు నెలలు నివసించిరి.

48. మరియు ఇశ్రాయేలీయులు బెన్యామీనీయులమీదికి తిరిగి వచ్చి పట్టణనివాసులనేమి పశువులనేమి దొరికిన సమస్తమును కత్తివాత హతముచేసిరి. ఇదియుగాక వారు తాము పట్టుకొనిన పట్టణములన్నిటిని అగ్నిచేత కాల్చివేసిరి.

గిబియాలోని కొద్దిమంది నీచుల కారణంగా, వాళ్ళను కాపాడాలన్న బెన్యామీనువారి వెర్రి నిర్ణయం కారణంగా 65 వేలకంటే ఎక్కువమంది హతమయ్యారు (వ 21,25,35). గిబియా, ఇంకా కొన్ని ఊళ్ళు వాటిలోని వేలకొలది మందితో సహా నాశనం అయ్యాయి (37,48 వ). ఒక గోత్రం మొత్తం దాదాపు తుడిచిపెట్టుకుపోయింది. (వ 47; న్యాయాధిపతులు 21:3). దుర్మార్గాన్ని, దుర్మార్గులను, కాపాడబూనుకోవడం చాలా నష్టకరమైన విషయం గదా. ఇంత నష్టాన్ని కలుగజేయడానికి కారణం ఇది: దుర్మార్గుల్ని కాపాడుతూ ఉండేవాళ్ళు ఆ దుర్మార్గుల దోషంలో పాలు పంచుకొంటూ ఉంటారు. గనుక దేవుడు వారికి విరోధంగా పోరాడుతాడు.