1. అయితే సమూహములుగా కూడుదానా, సమూహ ములుగా కూడుము; శత్రువులు మన పట్టణము ముట్టడి వేయుచున్నారు, వారు ఇశ్రాయేలీయుల న్యాయాధిపతిని కఱ్ఱతో చెంపమీద కొట్టుచున్నారు.
యోహాను 18:22, యోహాను 19:3

“సైన్య...నగరమా”– జెరుసలం. “ఇస్రాయేల్ ప్రజల పరిపాలకుణ్ణి”– అంటే రాజు. దీని నెరవేర్పుకోసం 2 రాజులు 25:7 చూడండి.

2. బేత్లెహేము ఎఫ్రాతా, యూదావారి కుటుంబము లలో నీవు స్వల్పగ్రామమైనను నాకొరకు ఇశ్రాయేలీ యులను ఏలబోవువాడు నీలోనుండి వచ్చును; పురాతన కాలము మొదలుకొని శాశ్వతకాలము ఆయన ప్రత్యక్ష మగుచుండెను.
మత్తయి 2:6, యోహాను 7:42

దేవుడు ప్రవక్త ద్వారా మాట్లాడుతున్నాడు. బేత్‌లెహేం గ్రామం ఉన్న ప్రాంతం ఎఫ్రాతా – రూతు 1:2; రూతు 4:11; 1 సమూయేలు 17:12. బేత్‌లెహేం జెరుసలంకు 10 కి.మీ. దక్షిణంగా ఉన్న గ్రామం. “పరిపాలించబోయేవాడు”– ఇది ఆయన కార్యకలాపాల గురించి చెప్తున్నది. ఈ భవిష్యద్వాక్కు అభిషిక్తుడైన యేసుక్రీస్తును గురించినది. ఆయన ఈ లోకానికి రాకముందు 700 సంవత్సరాలకు పూర్వమే, మానవుడుగా ఆయన జన్మ స్థలాన్ని తెలియజేస్తున్నది. మత్తయి 2:4-6 చూడండి. దేవుని కుమారుడుగా ఆయన శాశ్వతుడు. ఉత్పత్తి, ఆరంభం అంటూ ఆయనకు లేవు – యెషయా 9:6; కీర్తనల గ్రంథము 90:2; యోహాను 1:1. మానవ చరిత్ర అంతటిలోనూ ఆయన తన చర్యలు జరిగిస్తూనే ఉన్నాడు. “పరిపాలించబోయేవాడు”– ఇది ఆయన కార్యకలాపాల గురించి చెప్తున్నది. ఈ భవిష్యద్వాక్కు అభిషిక్తుడైన యేసుక్రీస్తును గురించినది. ఆయన ఈ లోకానికి రాకముందు 700 సంవత్సరాలకు పూర్వమే, మానవుడుగా ఆయన జన్మ స్థలాన్ని తెలియజేస్తున్నది. మత్తయి 2:4-6 చూడండి. దేవుని కుమారుడుగా ఆయన శాశ్వతుడు. ఉత్పత్తి, ఆరంభం అంటూ ఆయనకు లేవు – యెషయా 9:6; కీర్తనల గ్రంథము 90:2; యోహాను 1:1. మానవ చరిత్ర అంతటిలోనూ ఆయన తన చర్యలు జరిగిస్తూనే ఉన్నాడు.

3. కాబట్టి ప్రసవమగు స్త్రీ పిల్లనుకను వరకు ఆయన వారిని అప్పగించును, అప్పుడు ఆయన సహోదరులలో శేషించినవారును ఇశ్రాయేలీయులతో కూడ తిరిగి వత్తురు.

“అప్పగిస్తాడు”– యిర్మియా 7:29; హోషేయ 3:4-5; హోషేయ 5:6, హోషేయ 5:15; రోమీయులకు 11:11, రోమీయులకు 11:25-27.

4. ఆయన నిలిచి యెహోవా బలము పొంది తన దేవుడైన యెహోవా నామ మహాత్మ్యమును బట్టి తన మందను మేపును. కాగా వారు నిలుతురు, ఆయన భూమ్యంతములవరకు ప్రబలుడగును,

“ఆయన”– అంటే అభిషిక్తుడు – యేసుప్రభువు. “తన మందకు”– యోహాను 10:1-16. “భూమి కొనలవరకు”– యెషయా 9:7; యెషయా 11:4, యెషయా 11:9; దానియేలు 2:34-35. “శాంతి”– యెషయా 9:6; లూకా 2:14; ఎఫెసీయులకు 2:14.

5. ఆయన సమాధానమునకు కారకుడగును, అష్షూరు మన దేశములో చొరబడి మన నగరులలో ప్రవేశింపగా వాని నెదిరించు టకు మేము ఏడుగురు గొఱ్ఱెలకాపరులను ఎనమండుగురు ప్రధానులను నియమింతుము.

“అష్షూరువాడు”– యెషయా 8:7; యెషయా 10:24-27.

6. వారు అష్షూరు దేశమును, దాని గుమ్మములవరకు నిమ్రోదు దేశమును ఖడ్గము చేత మేపుదురు, అష్షూరీయులు మన దేశములో చొరబడి మన సరిహద్దులలో ప్రవేశించినప్పుడు ఆయన యీలాగున మనలను రక్షించును.

“నిమ్రోదు”– ఆదికాండము 10:8-12. “పరిపాలిస్తారు”– ఈ రోజువరకు ఇస్రాయేల్‌వారు అష్షూరు దేశాన్ని పరిపాలించలేదు. కనుక దీని నెరవేర్పు ఇంకా భవిష్యత్తులో ఉంటుంది. అష్షూరు గురించి నోట్ 2 రాజులు 15:19. “ఆయన”– క్రీస్తు.

7. యాకోబు సంతతిలో శేషించిన వారు యెహోవా కురిపించు మంచువలెను, మనుష్య ప్రయత్నములేకుండను నరులయోచన లేకుండను గడ్డిమీద పడు వర్షమువలెను ఆయాజనములమధ్యను నుందురు.

యెషయా 10:20; యెషయా 11:11; యెషయా 37:31-32; ఆమోసు 3:12. “మంచు”– దీవెనలను సూచించే మాట (ద్వితీయోపదేశకాండము 32:2; కీర్తనల గ్రంథము 110:3; సామెతలు 19:12; యెషయా 26:19).

8. యాకోబు సంతతిలో శేషించినవారు అన్యజనులమధ్యను అనేక జనములలోను అడవిమృగములలో సింహమువలెను, ఎవడును విడిపింపకుండ లోపలికి చొచ్చి గొఱ్ఱెలమందలను త్రొక్కి చీల్చు కొదమసింహమువలెను ఉందురు.

ఈ వచనాల్లో ఇస్రాయేల్‌వారికి కలుగుతుందని చెప్పిన ఈ విజయం ఈ లోకంలో ఇంకా జరగలేదు.

9. నీ హస్తము నీ విరోధులమీద ఎత్తబడియుండును గాక, నీ శత్రువులందరు నశింతురు గాక.

10. ఆ దినమున నేను నీలో గుఱ్ఱములుండకుండ వాటిని బొత్తిగా నాశనము చేతును, నీ రథములను మాపివేతును,

ఇస్రాయేల్‌వారు దేవుణ్ణి వదిలిపెట్టిన తరువాత వారు నమ్మకం పెట్టుకొన్నది వీటన్నటిపైనే. వారు ఆయనలో మాత్రమే నమ్మకం ఉంచేలా వీటన్నిటినీ దేవుడు నాశనం చేస్తాడు. కీర్తనల గ్రంథము 20:7.

11. నీ దేశమందున్న పట్టణములను నాశనముచేతును, నీ కోటలను పడగొట్టుదును, నీలో చిల్లంగివారు లేకుండ నిర్మూలముచేతును.

హోషేయ 10:14; ఆమోసు 5:9.

12. మేఘములనుచూచి మంత్రించు వారు ఇక నీలో ఉండరు.

ద్వితీయోపదేశకాండము 18:10-12; యెషయా 2:6; యెషయా 8:19.

13. నీచేతిపనికి నీవు మ్రొక్క కుండునట్లు చెక్కిన విగ్రహములును దేవతా స్తంభ ములును నీ మధ్య ఉండకుండ నాశనముచేతును,

యెషయా 2:8; యెహెఙ్కేలు 6:9; హోషేయ 10:2; జెకర్యా 13:2.

14. నీ మధ్యను దేవతా స్తంభములుండకుండ వాటిని పెల్లగింతును, నీ పట్టణములను పడగొట్టుదును.

“అషేరాదేవి చిహ్నాలు”– నిర్గమకాండము 34:13; న్యాయాధిపతులు 3:7; 2 రాజులు 17:10.

15. నేను అత్యాగ్రహము తెచ్చుకొని నా మాట ఆలకించని జనములకు ప్రతికారము చేతును; ఇదే యెహోవా వాక్కు.

“ప్రతీకారం”– ద్వితీయోపదేశకాండము 32:14, ద్వితీయోపదేశకాండము 32:43; యెషయా 34:8; యెషయా 35:4; 2 థెస్సలొనీకయులకు 1:7-8; ప్రకటన గ్రంథం 19:11-16.