Isaiah - యెషయా 54 | View All

1. గొడ్రాలా, పిల్లలు కననిదానా, జయగీతమెత్తుము ప్రసవవేదన పడనిదానా, జయకీర్తన నెత్తి ఆనంద పడుము సంసారిపిల్లలకంటె విడువబడినదాని పిల్లలు విస్తార మగుదురని యెహోవా సెలవిచ్చుచున్నాడు.
గలతియులకు 4:27

ఈ అధ్యాయానికి సరైన వివరణ ఇవ్వదలచుకుంటే ఈ మొదటి వచనం వల్ల ఉత్పన్నమయ్యే ప్రశ్నలకు ముందు జవాబు చెప్పాలి. ఈ “గొడ్రాలు”, ఈ “విడవబడ్డది” ఎవరు? భర్త ఉన్న స్త్రీ ఎవరు? గలతియులకు 4:27 లో ఈ వచనాన్ని ఎత్తిరాయడం ద్వారా పౌలు చెప్పదలచుకొన్నది ఏమిటి? ఈ ప్రశ్నలకు జవాబులు అర్థం చేసుకోవడం కొంచెం చిక్కుతో కూడినది. మొదటగా గొడ్రాలు లేక విడవబడినది ఇస్రాయేల్ ప్రజలకు ప్రతినిధిగా ఉన్న జెరుసలం లేక సీయోను. 49 – 52 అధ్యాయాల సందర్భాన్ని బట్టి (ఇంకా యెషయా 49:14, యెషయా 49:19-21; యెషయా 51:17; యెషయా 52:1), ఈ అధ్యాయం 6-8 వచనాలను బట్టీ ఇలా భావిస్తున్నాం. 40–66 అధ్యాయాల్లో కనిపించే ఎక్కువ భాగం భవిష్యద్వాక్కుల్లాగానే ఈ “గొడ్రాలు” గురించిన భవిష్యద్వాక్కు కూడా యెషయా కాలాన్న దాటి ఎప్పుడో నెరవేరబోయేది. ఇక రెండవది “భర్త ఉన్న స్త్రీ”. ఇది కూడా ఇస్రాయేల్ జాతికి ప్రతినిధిగా ఉన్న జెరుసలం నగరమే. భర్త అంటే సాక్షాత్తు యెహోవాదేవుడే (వ 5; యెషయా 50:1;యిర్మియా 3:14). ఈ భవిష్యద్వాక్కు అర్థం ఇస్రాయేల్ కొంత కాలం విడిచిపెట్టబడి, విముక్తి పొంది నూతనమై పాత ఇస్రాయేల్ కంటే అత్యధికంగా ఫలవంతమౌతుంది. ఈ వచనాన్ని ఎత్తి రాయడం ద్వారా పౌలు ధర్మశాస్త్రానికీ కృపకూ గల తేడా చూపెడుతున్నాడు. ఇస్రాయేల్ ధర్మశాస్త్రం క్రింద ఉండడమంటే దాస్యం, నిరాకరణ పాలైంది అని అర్థం. కృప క్రింద ఉన్న ఇస్రాయేల్‌కు స్వేచ్ఛ, స్వీకరణ, సఫలత ఉంటాయి. ఈ తేడా మోషేద్వారా ఇచ్చిన పాత ఒడంబడిక, క్రీస్తుద్వారా వచ్చిన క్రొత్త ఒడంబడిక. సంఘమే క్రొత్త ఇస్రాయేల్ అని పౌలు నేర్పడం లేదు. ఇప్పుడు మనం యూదులమైనా, అన్యులమైనా ఒకే విధానంలో పాపవిముక్తి పొందాలనీ పరలోకంలోని జెరుసలం విశ్వాసులందరికీ తల్లి అనీ నేర్పుతున్నాడు. ఈ 54వ అధ్యాయంలోనూ, మొత్తంగా యెషయా గ్రంథంలోనూ ఇస్రాయేల్ జాతి చివరికి దేవుని దగ్గరకు తిరిగి వస్తుందనీ, క్రొత్త ఒడంబడిక దీవెనలలోకి ప్రవేశిస్తుందనీ అది తిరిగి తన భర్తను చేరిన భార్యలాగా ఉంటుందనీ, పాత ఒడంబడిక క్రింద గడిపిన సూదీర్ఘకాలంలో కంటే అత్యధికంగా ఫలవంతమౌతుందనీ మనం తెలుసుకుంటాము. “పాడు”– రాబోయే కాలంలో ఉండబోయే క్రొత్త ఇస్రాయేల్ యెషయా రోజుల్లో ఇంకా పిల్లలను కనలేదు. అప్పటికి ఇంకా ఆ క్రొత్త ఇస్రాయేల్ ఉనికిలో లేదు. దానికోసమే ఈ భవిష్యద్వాక్కు. పాడమని ఇస్రాయేల్‌కు వచ్చిన వాక్కు 53 అధ్యాయం వెనువెంటనే రావడంలో ఆశ్చర్యం ఏమీ లేదు. క్రీస్తు ఆ సిలువపై చేసిన దానిలోనే క్రొత్త ఇస్రాయేల్‌కు పునాది ఉంది. యెషయా 54:2-3 రాబోయే రోజుల్లో ఉండే క్రొత్త ఇస్రాయేల్ ఇంతకు ముందెన్నడూ లేనంత విశాలంగా, మరింత బలప్రభావాలతో ఉంటుంది. యెషయా 26:1, యెషయా 26:15; యెషయా 33:20-24 చూడండి. యెషయా 2:1-3 మొ।। పోల్చి చూడండి. ఇందులో క్రొత్త ఒడంబడిక సంఘానికి వర్తించే ఆధ్యాత్మిక భావం ఏమీ లేదా? ఉంది. మత్తయి 18:19-20; మార్కు 16:15; లూకా 24:45-48; అపో. కార్యములు 1:8 లో ఆ భావంలాంటిది ఉంది.

2. నీ గుడారపు స్థలమును విశాలపరచుము నీ నివాసస్థలముల తెరలు నిరాటంకముగ సాగనిమ్ము, నీ త్రాళ్లను పొడుగుచేయుము నీ మేకులను దిగగొట్టుము.

3. కుడివైపునకును ఎడమవైపునకును నీవు వ్యాపించెదవు నీ సంతానము అన్యజనముల దేశమును స్వాధీనపరచు కొనును పాడైన పట్టణములను నివాస స్థలములుగా చేయును.

4. భయపడకుము నీవు సిగ్గుపడనక్కరలేదు అవమానమును తలంచకుము నీవు లజ్జపడనక్కరలేదు, నీవు నీ బాల్యకాలపు సిగ్గును మరచుదువు నీ వైధవ్యపు నిందను ఇకమీదట జ్ఞాపకము చేసికొనవు.

ఈ వచనాలు అర్థం కావాలంటే రోమీయులకు 7:1-6; రోమీయులకు 11:11-29 అర్థం చేసుకోవడం అవసరం. “యువదశలో...అవమానాన్ని”– గొడ్రాలితనం ఆ రోజుల్లో (వ 1) అవమానకరమని ప్రజలు ఎంచారు. “వితంతువు”– ఆ జాతి అనేక శతాబ్దాలుగా భర్త మరణించిన స్త్రీ లాగా ఉంది. అయితే అదంతా మారిపోతుంది.

5. నిన్ను సృష్టించినవాడు నీకు భర్తయైయున్నాడు సైన్యములకధిపతియగు యెహోవా అని ఆయనకు పేరు. ఇశ్రాయేలుయొక్క పరిశుద్ధదేవుడు నీకు విమోచకుడు సర్వలోకమునకు దేవుడని ఆయనకు పేరు.

ధర్మశాస్త్రం క్రిందవున్న పాత ఇస్రాయేల్ జాతికి భర్త యెహోవాదేవుడు. అయితే దాని పాపం వల్ల దేవుడా జాతిని తిరస్కరించాడు. దానికి భర్త లేనట్టు అయింది. క్రొత్త ఇస్రాయేల్‌కు యెహోవాదేవునితో మళ్ళీ పెళ్ళవుతుంది (హోషేయ 2 అధ్యాయం; హోషేయ 3:5 చూడండి). భవిష్యత్తులో దేవుడు ధర్మశాస్త్రం ఇచ్చినవాడిలా గాక, సృష్టికర్తగా, విమోచకుడుగా ఆ జాతిని తనదగ్గరకు చేర్చుకుంటాడు.

6. నీ దేవుడు ఈ మాట సెలవిచ్చుచున్నాడు విడువబడి దుఃఖాక్రాంతురాలైన భార్యను పురు షుడు రప్పించినట్లును తృణీకరింపబడిన ¸యౌవనపు భార్యను పురుషుడు రప్పించినట్లును యెహోవా నిన్ను పిలుచుచున్నాడు.

7. నిమిషమాత్రము నేను నిన్ను విసర్జించితిని గొప్ప వాత్సల్యముతో నిన్ను సమకూర్చెదను

“క్షణమాత్రం”– ఇస్రాయేల్ అనుభవించబోయే శాశ్వత రక్షణతో పోల్చి చూచుకుంటే ఇది కొద్దికాలమే. వ 8; రోమీయులకు 8:18; 2 కోరింథీయులకు 4:17; 2 పేతురు 3:8 పోల్చి చూడండి. దేవుణ్ణి చేరుతుంది అని గమనించండి. “మహా వాత్సల్యం”– వ 8,10; యెషయా 14:1; యెషయా 49:10; యెషయా 51:3. ఇది దేవుని లక్షణాల్లో ఒకటి. దీన్ని కనపరచడం దేవునికి మహా ఇష్టం (నిర్గమకాండము 34:5-7; మొ।।).

8. మహోద్రేకము కలిగి నిమిషమాత్రము నీకు విముఖుడ నైతిని నిత్యమైన కృపతో నీకు వాత్సల్యము చూపుదును అని నీ విమోచకుడగు యెహోవా సెలవిచ్చు చున్నాడు.

“కోపం”– యెషయా 9:12, యెషయా 9:17, యెషయా 9:21; యెషయా 60:10; 2 దినవృత్తాంతములు 36:15-16; యోహాను 3:36. దేవుని కోపం గురించి నోట్ సంఖ్యాకాండము 25:3; కీర్తనల గ్రంథము 90:7, కీర్తనల గ్రంథము 90:11. “విమోచకుడు”– కీర్తనల గ్రంథము 78:35 నోట్ చూడండి.

9. నోవహు కాలమున జలప్రళయమునుగూర్చి నేను చేసినట్లు చేయుదును జలములు భూమిమీదికి ఇకను పొర్లుచురావని నోవహుకాలమున నేను ఒట్టుపెట్టుకొనినట్లు నీమీద కోపముగా నుండననియు నిన్ను గద్దింపననియు నేను ఒట్టు పెట్టుకొనియున్నాను.

దేవుని కోపానికి గురి అయిన ఆ జాతి భవిష్యత్తులో ఆయన మళ్ళీ దాన్ని చేరదీసినప్పుడు ఆయన కోపాన్ని మరెన్నడూ రుచిచూడదు. “నోవహు”– ఆదికాండము 9:8-11. దీన్లో ఇప్పటి విశ్వాసులకు ఆధ్యాత్మిక భావం వివరణ ఉంది – రోమీయులకు 5:9; 1 థెస్సలొనీకయులకు 1:10; 1 థెస్సలొనీకయులకు 5:9. క్రీస్తులో నిజంగా నమ్మకం ఉంచి దేవుని ఆత్మమూలంగా పుట్టినవారు దేవుని కోపానికి మరెన్నడూ గురికారు.

10. పర్వతములు తొలగిపోయినను మెట్టలు తత్తరిల్లినను నా కృప నిన్ను విడిచిపోదు సమాధానవిషయమైన నా నిబంధన తొలగిపోదు అని నీయందు జాలిపడు యెహోవా సెలవిచ్చు చున్నాడు.

“కదలినా”– కీర్తనల గ్రంథము 46:2; హెబ్రీయులకు 2:26-28. “అనుగ్రహం”– యెషయా 49:15-16; యిర్మియా 31:31-37; యిర్మియా 33:20-21; ఎఫెసీయులకు 2:17-18.

11. ప్రయాసపడి గాలివానచేత కొట్టబడి ఆదరణలేక యున్నదానా, నేను నీలాంజనములతో నీ కట్టడమును కట్టుదును నీలములతో నీ పునాదులను వేయుదును
ప్రకటన గ్రంథం 21:18-19

“నగరం”– వ 1; యెషయా 51:21. ఈ మణులు భవిష్యత్తులో జెరుసలం నగర వైభవాన్ని ప్రతిబింబిస్తాయి.

12. మాణిక్యమణులతో నీ కోటకొమ్ములను సూర్యకాంతములతో నీ గుమ్మములను కట్టుదును ప్రశస్తమైన రత్నములతో నీకు సరిహద్దులు ఏర్పరచుదును.
ప్రకటన గ్రంథం 21:18-19

13. నీ పిల్లలందరు యెహోవాచేత ఉపదేశము నొందుదురు నీ పిల్లలకు అధిక విశ్రాంతి కలుగును.
యోహాను 6:45

“యెహోవా...ఉపదేశిస్తాడు”– యెషయా 30:19-21; యిర్మియా 31:34. “శాంతి”– యెషయా 9:7; యెషయా 66:12.

14. నీవు నీతిగలదానవై స్థాపింపబడుదువు నీవు భయపడనక్కరలేదు, బాధించువారు నీకు దూర ముగా నుందురు భీతి నీకు దూరముగా ఉండును అది నీ దగ్గరకు రానేరాదు.

“నీతినిజాయితీ”– యెషయా 1:26; యెషయా 4:3; యెషయా 26:2; యెషయా 58:8; యెషయా 62:2. “బీతి”– యెషయా 33:17-19; జెఫన్యా 3:15; జెకర్యా 9:8.

15. జనులు గుంపుకూడినను వారు నావలన కూడరు నీకు విరోధముగా గుంపుకూడువారు నీ పక్షపు వారగు దురు.

జెరుసలం (అది ప్రతినిధిగా ఉన్న జాతి) పూర్తి భద్రత కలిగి విజయవంతంగా ఉంటుంది. వారిని దేవుడు తిరిగి క్షేమస్థితికి తెచ్చిన తరువాత ఇంతకు ముందు చేసినట్టు మరెన్నడూ దానిపైకి శత్రువులను పంపడు.

16. ఆలకించుము, నిప్పులూది తన వృత్తికి తగినట్టుగా పని ముట్టు చేయు కమ్మరిని సృజించువాడను నేనే నాశనము చేయుటకై పాడుచేయువాని సృజించు వాడను నేనే
రోమీయులకు 9:22

“నేనే”– యెషయా 10:15; యిర్మియా 51:1, యిర్మియా 51:11, యిర్మియా 51:20; ప్రకటన గ్రంథం 17:16-17.

17. నీకు విరోధముగా రూపింపబడిన యే ఆయుధమును వర్ధిల్లదు న్యాయవిమర్శలో నీకు దోషారోపణచేయు ప్రతి వానికి నీవు నేరస్థాపన చేసెదవు యెహోవాయొక్క సేవకుల నీతి నావలన కలుగు చున్నది; ఇది వారి స్వాస్థ్యము, ఇదే యెహోవా వాక్కు.

ఈ అధ్యాయంలోను, యెషయా గ్రంథంలోని ఇలాంటి ఇతర అధ్యాయాల్లోనూ సంబోధించిన ప్రజ భవిష్యత్తులోని క్రొత్త ఇస్రాయేల్ అనుకున్నా, క్రొత్త ఒడంబడిక సంఘం అనుకున్నా ఇందులోనుండి మనం నేర్చుకోదగిన ఆధ్యాత్మిక పాఠాలు, ఆచరణాత్మకమైన సంగతుల్లో ఏమీ తేడా ఉండదు. ఇలాంటి వచనాన్ని మనం నిస్సందేహంగా ఇప్పటి విశ్వాసులమైన మనకు అన్వయించుకోవచ్చు. “ఏ ఆయుధమూ...గెలవదు”– మత్తయి 16:18; రోమీయులకు 8:37; 1 కోరింథీయులకు 15:57; హెబ్రీయులకు 13:6. “పడగొట్టగలుగుతావు”– రోమీయులకు 8:33-34. “నిర్దోషులని నిరూపించడం”– యెషయా 53:11; అపో. కార్యములు 13:38-39; రోమీయులకు 8:33; 1 కోరింథీయులకు 1:30; 2 కోరింథీయులకు 5:21.


Shortcut Links
యెషయా - Isaiah : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |

Support & Donate Us | Google Play Store | సజీవ వాహిని - Sajeeva Vahini 2009-2022. info@sajeevavahini.com
Sajeeva Vahini, Hyderabad & Chennai, India. SajeevaVahini.org Email: , . Whatsapp: 8898 318 318 or call us: +918898318318
Content on this website is prepared manually by Sajeeva Vahini, India. Our Content is free and open to use for any kind of distrubution. We request to carry a physical bible to churches rather than using bible on mobile or tablets. Please email any information for any suspected content/audio subject to piracy/copyright act on this website can be considered/removed. Which can help us to improve better. Note: we dont have any data/content related to Life Way Study Bible as a part of Sajeeva Vahini Notes or Verse Explanations.