1. యెహోవా రాజ్యము చేయుచున్నాడు, భూ లోకము ఆనందించునుగాక ద్వీపములన్నియు సంతోషించునుగాక.
ప్రకటన గ్రంథం 19:7

ఈ మొదటి మాటల్ని “యెహోవా రాజయ్యాడు”, లేదా “యెహోవా పరిపాలన ఆరంభించాడు” అని కూడా అనువాదం చేయవచ్చు. యెహోవా విశ్వమంతటికీ రాజై ఉన్నాడు, ఎప్పుడూ రాజే. అయితే ఇంతకుముందు అధ్యాయంలో చివరి వచనంలో వర్ణించినట్టు ఆయన వచ్చి భూమిని ప్రత్యక్షంగా ఏలడం గురించి ఈ కీర్తన చెప్తున్నది.

2. మేఘాంధకారములు ఆయనచుట్టు నుండును నీతి న్యాయములు ఆయన సింహాసనమునకు ఆధారము.

యెహోవా రాకడ వల్ల కలిగే ఫలితాలను ఈ వచనాల్లో చూస్తున్నాం. ఇక్కడ లోపంలేని న్యాయం, పవిత్రతలు వెల్లి విరిసిన దృశ్యం కనిపిస్తున్నది. ఈ వచనాలను నిర్గమకాండము 19:9; ద్వితీయోపదేశకాండము 4:11; 1 రాజులు 8:12; కీర్తనల గ్రంథము 18:11 తో పోల్చిచూడండి. “నిజాయితీ, న్యాయమూ” (2 వ) – కీర్తనల గ్రంథము 89:14; యెషయా 9:7; యెషయా 11:4-5; యెషయా 32:1.

3. అగ్ని ఆయనకు ముందు నడచుచున్నది అది చుట్టునున్న ఆయన శత్రువులను కాల్చివేయు చున్నది.
ప్రకటన గ్రంథం 11:5

కీర్తనల గ్రంథము 18:8; కీర్తనల గ్రంథము 50:3; దానియేలు 7:10; మలాకీ 4:1; 2 థెస్సలొనీకయులకు 1:7-8; హెబ్రీయులకు 12:29.

4. ఆయన మెరుపులు లోకమును ప్రకాశింపజేయుచున్నవి భూమి దాని చూచి కంపించుచున్నది.

కీర్తనల గ్రంథము 18:7; కీర్తనల గ్రంథము 77:16-18; నిర్గమకాండము 19:16; హెబ్రీయులకు 12:26-28.

5. యెహోవా సన్నిధిని సర్వలోకనాధుని సన్నిధిని పర్వతములు మైనమువలె కరగుచున్నవి.

కీర్తనల గ్రంథము 46:6; ఆమోసు 9:5; మీకా 1:4; నహూము 1:5.

6. ఆకాశము ఆయన నీతిని తెలియజేయుచున్నది సమస్త జనములకు ఆయన మహిమ కనబడుచున్నది

కీర్తనల గ్రంథము 19:1-4; కీర్తనల గ్రంథము 50:6; కీర్తనల గ్రంథము 89:5. “తేజస్సు”– కీర్తనల గ్రంథము 98:2; యెషయా 40:5; యెషయా 66:18.

7. వ్యర్థ విగ్రహములనుబట్టి అతిశయపడుచు చెక్కిన ప్రతిమలను పూజించువారందరు సిగ్గుపడుదురు సకలదేవతలు ఆయనకు నమస్కారము చేయును.
హెబ్రీయులకు 1:6

“సిగ్గు”– కీర్తనల గ్రంథము 16:4; యెషయా 42:17; యెషయా 44:9 యెషయా 44:11; యిర్మియా 10:14-15; జెకర్యా 14:9. యెహోవా తనను తాను ఏకైక నిజ దేవుణ్ణిగా వెల్లడి చేసుకున్నప్పుడు ఇది జరుగుతుంది. దేవుళ్ళనబడ్డవాళ్ళకు ఇచ్చిన ఆజ్ఞ తిరస్కార భావంతో ఇవ్వబడినదే. ఈ “దేవుళ్ళు” నిజమైన దేవుళ్ళు కాదు – కీర్తనల గ్రంథము 96:5; కీర్తనల గ్రంథము 115:4-11.

8. యెహోవా, సీయోను నివాసులు ఆ సంగతి విని నీ న్యాయవిధులనుబట్టి సంతోషించుచున్నారు యూదా కుమార్తెలు ఆనందించుచున్నారు.

ఏకైక నిజ దేవుని ఆరాధకులకు పై ఫలితాలు గొప్ప ఆనందాన్ని కలుగజేస్తాయి (కీర్తనల గ్రంథము 48:11; జెఫన్యా 3:14). “యూదా కుమార్తెలు”– ఇక్కడ యూదా గ్రామాలూ పట్టణాలూ, లేదా యూదా ప్రాంతం స్త్రీలు అని అర్థం కావచ్చు (యెషయా 1:8 చూడండి).

9. ఏలయనగా యెహోవా, భూలోకమంతటికి పైగా నీవు మహోన్నతుడవై యున్నావు సమస్త దేవతలకు పైగా నీవు అత్యధికమైన ఔన్న త్యము పొందియున్నావు.
యోహాను 3:31

10. యెహోవాను ప్రేమించువారలారా, చెడుతనమును అసహ్యించుకొనుడి తన భక్తుల ప్రాణములను ఆయన కాపాడుచున్నాడు. భక్తిహీనులచేతిలోనుండి ఆయన వారిని విడిపించును.

పై విషయాలను దృష్టిలో ఉంచుకుని మనం ఎలాంటి జీవనం గడపాలి? – తీతుకు 2:11-13; హెబ్రీయులకు 12:28; 2 పేతురు 3:10-14. “చెడుతనాన్ని అసహ్యించుకోండి”– కీర్తనల గ్రంథము 34:14; సామెతలు 8:13; ఆమోసు 5:15; రోమీయులకు 12:9; యూదా 1:23. దేవుడు స్వయంగా చెడుతనాన్ని అసహ్యించుకొంటాడు (లేవీయకాండము 20:7 నోట్‌). ఆయనలో ఎలాంటి చెడుతనం లేదు (1 యోహాను 1:5). దేవుణ్ణి ప్రేమించేవారు సమస్తమైన పాపంతో, దుష్టత్వంతో ఎడతెగని పోరాటానికి సిద్ధమై ఉండాలి. మనం దేవుణ్ణి, లేక చెడుతనాన్ని ఎన్నుకోవలసిందే. రెండూ మనకు ఉండడం అసాధ్యం. దేవుణ్ణి మనమెంతగా ప్రేమిస్తే చెడుతనాన్ని అంతగా ద్వేషిస్తాం. అలానే చెడుతనాన్ని ప్రేమించిన కొద్దీ దేవుణ్ణి ద్వేషిస్తాం. “కాపాడుతాడు”– కీర్తనల గ్రంథము 23:6; కీర్తనల గ్రంథము 37:28; కీర్తనల గ్రంథము 121:7-8.

11. నీతిమంతులకొరకు వెలుగును యథార్థహృదయులకొరకు ఆనందమును విత్తబడి యున్నవి.

మన గొప్ప దేవుడూ రక్షకుడూ అయి ఉన్న యేసుక్రీస్తు మహిమా ప్రత్యక్షత కోసం ఎదురుచూస్తున్న ఈ సమయంలో మనకు వెలుగు, ఆనందాల అనుభవం ఉండాలని ఆయన కోరుతున్నాడు. వాటిని బట్టి మనమెప్పుడూ దేవునికి కృతజ్ఞతలు చెల్లిస్తూ ఉండాలి.

12. నీతిమంతులారా, యెహోవాయందు సంతోషించుడి ఆయన పరిశుద్ధనామమునుబట్టి ఆయనకు కృతజ్ఞతా స్తుతులు చెల్లించుడి.