1. బీదలను కటాక్షించువాడు ధన్యుడు ఆపత్కాలమందు యెహోవా వానిని తప్పించును.

యేసుప్రభువు జీవిత అనుభవాలలో నెరవేరిన ఒక మాట ఈ కీర్తనలో ఉంది (9 వ). అయితే ఈ కీర్తన మొత్తంగా ఆయనకు వర్తించదు అన్న విషయం స్పష్టమే. ఎందుకంటే 4 వ వచనంలో వ్యక్తిగత పాపాన్ని ఒప్పుకున్న మాటలు ఉన్నాయి (కీర్తనల గ్రంథము 40:12 నోట్ చూడండి). పేదలకు దేవుని హృదయంలో ఒక ప్రత్యేక స్థానం ఉంది. మన హృదయంలో కూడా ఆ విధంగానే వారికి చోటు ఉండాలి (కీర్తనల గ్రంథము 83:2-3; నిర్గమకాండము 22:25; నిర్గమకాండము 23:11; లేవీయకాండము 19:10; సామెతలు 14:21; లూకా 6:20; గలతియులకు 2:10; యాకోబు 2:5). వారికి సహాయం చేసేవారు ధన్యులు. దేవుడు ధన్యులని ఎవరి గురించి చెప్పాడో వారి లక్షణాలను కీర్తన గ్రంథమంతట్లో చూడడం ప్రయోజనకరం. కీర్తనల గ్రంథము 1:1-2 నోట్ చూడండి.

2. యెహోవా వానిని కాపాడి బ్రదికించును భూమిమీద వాడు ధన్యుడగును వానిశత్రువుల యిచ్ఛకు నీవు వానిని అప్పగింపవు.

3. రోగశయ్యమీద యెహోవా వానిని ఆదరించును రోగము కలుగగా నీవే వానిని స్వస్థపరచుదువు.

దేవునిపట్ల ఎక్కువ నమ్మకంగా ఉన్న విశ్వాసులకు కూడా అనారోగ్యం కలగవచ్చు. అయితే అతని పాలిట డాక్టరు, నర్సు ఎవరో చూడండి (కీర్తనల గ్రంథము 103:3; నిర్గమకాండము 15:26).

4. యెహోవా నీ దృష్టియెదుట నేను పాపము చేసియున్నాను నన్ను కరుణింపుము నా ప్రాణమును స్వస్థపరచుము అని మనవి చేసియున్నాను.

పాపరోగం శారీరక రోగం కంటే ఎంతో అపాయకరం. అది ఆత్మను నీరసపరస్తుంది. దాని నివారణ ఎన్నో రెట్లు కష్టం. శరీరంలో, ప్రాణంలో, ఆత్మలో తనను బాగు చేయగల ఒకే ఒక వ్యక్తివైపుకు దావీదు తిరుగుతున్నాడు. “నీకు వ్యతిరేకంగా”– కీర్తనల గ్రంథము 51:4 చూడండి.

5. అయితే నా శత్రువులు నా విషయమై చెడ్డమాట లాడుచున్నారు వాడు ఎప్పుడు చచ్చును? వాని పేరు ఎప్పుడు మాసిపోవును? అని చెప్పుకొనుచున్నారు.

కీర్తనల గ్రంథము 38:12.

6. ఒకడు నన్ను చూడవచ్చిన యెడల వాడు అబద్ధ మాడును వాని హృదయము పాపమును పోగుచేసికొను చున్నది. వాడు బయలువెళ్లి వీధిలో దాని పలుకుచున్నాడు.

కీర్తనల గ్రంథము 12:2; కీర్తనల గ్రంథము 62:4; సామెతలు 26:24-26.

7. నన్ను ద్వేషించువారందరు కూడి నామీద గుసగుస లాడుచున్నారు నశింపజేయవలెనని వారు నాకు కీడుచేయ నాలో చించుచున్నారు.

కీర్తనల గ్రంథము 56:5.

8. కుదురని రోగము వానికి సంభవించియున్నది వాడు ఈ పడక విడిచి తిరిగి లేవడని చెప్పుకొను చున్నారు.

కీర్తనల గ్రంథము 71:10-11; యెషయా 53:4. యేసు పై ఆయన శత్రువులు దేవదూషణ నేరం మోపి మరణానికి పాత్రుడని నిర్ణయించారు (మత్తయి 26:55-56).

9. నేను నమ్ముకొనిన నా విహితుడు నా యింట భోజనము చేసినవాడు. నన్ను తన్నుటకై తన మడిమె నెత్తెను
మత్తయి 26:23, మార్కు 14:18, లూకా 22:21, యోహాను 13:18, యోహాను 17:12, అపో. కార్యములు 1:16

దావీదు ఈ మాటలను బహుశా అహీతోపెలును దృష్టిలో ఉంచుకొని రాశాడు (2 సమూయేలు 15:12 2 సమూయేలు 15:31; 2 సమూయేలు 16:15 2 సమూయేలు 16:20-23). యేసుప్రభువు జీవితంలో ఇది యూదా చేసిన ద్రోహం విషయంలో నెరవేరింది (మత్తయి 26:23; యోహాను 13:18). యేసుప్రభువు ఈ వచనంలో కొంత భాగాన్నే ఎత్తి చెప్పాడని గమనించండి. “నా స్నేహితుడు నేను నమ్మిన మనిషి” అనే మాటలను ఆయన వాడలేదు. ఎందుకంటే ఆయన యూదామీద ఎన్నడూ నమ్మకం ఉంచలేదు. మొదటినుంచీ యూదా ఎలాంటివాడో, ఏం చేయనున్నాడో ఆయనకు తెలుసు (యోహాను 6:64 యోహాను 6:70-71).

10. యెహోవా, నన్ను కరుణించి లేవనెత్తుము అప్పుడు నేను వారికి ప్రతికారము చేసెదను.

అతని శత్రువులు అసాధ్యంగా ఎంచినదాని గురించి దావీదు దేవుణ్ణి వేడుకొంటున్నాడు (వ 8). దావీదు విషయంలో ఇది ఎలా నెరవేరినప్పటికీ, యేసుక్రీస్తు విషయంలో మాత్రం ఆయన చనిపోయి సజీవంగా తిరిగి లేపడంద్వారా ఎంతో మహిమాన్వితంగా నెరవేరింది. “ప్రతీకారం”– దేవుని శత్రువులకు వారి వారి క్రియలను బట్టి ప్రతిఫలం దొరుకుతుంది (కీర్తనల గ్రంథము 2:12; యెషయా 65:6; సంఖ్యాకాండము 31:2 నోట్‌).

11. నా శత్రువు నామీద ఉల్లసింపక యుండుట చూడగా నేను నీకు ఇష్టుడనని తెలియనాయెను.

కీర్తనల గ్రంథము 37:23; కీర్తనల గ్రంథము 147:11. దేవుడు మన గురించి సంతోషిస్తే, ఇక మనుషులు ఏమి అనుకున్నా ఫర్వాలేదు. పౌలు గలతియులకు 1:10; 1 థెస్సలొనీకయులకు 2:4 లో దీనితో ఏకీభవించాడు.

12. నా యథార్థతనుబట్టి నీవు నన్ను ఉద్ధరించుచున్నావు నీ సన్నిధిని నిత్యము నన్ను నిలువబెట్టుదువు.

కీర్తనల గ్రంథము 17:3; కీర్తనల గ్రంథము 18:20 కీర్తనల గ్రంథము 18:24.

13. ఇశ్రాయేలు దేవుడైన యెహోవా శాశ్వతకాలమునుండి శాశ్వతకాలమువరకు స్తుతింపబడును గాక. ఆమేన్‌. ఆమేన్‌.
లూకా 1:68, రోమీయులకు 9:5

కీర్తనల గ్రంథము 72:18-19; కీర్తనల గ్రంథము 89:52; కీర్తనల గ్రంథము 150:6; రోమీయులకు 9:5.