1. యెహోవా, నా ప్రార్థన ఆలకింపుము నా విన్నపములకు చెవి యొగ్గుము నీ విశ్వాస్యతనుబట్టియు నీ నీతినిబట్టియు నాకు ఉత్తరమిమ్ము.

దేవుని విశ్వసనీయత, ఆయన వాగ్దానాలు, ఆయన నీతి న్యాయాలకు అనుగుణంగా చేసే ప్రార్థన తప్పక ఫలిస్తుంది. ఎందుకంటే అది దేవుని స్వభావానికీ, సంకల్పానికీ తగినదై ఉంటుంది (కీర్తనల గ్రంథము 89:1-2; కీర్తనల గ్రంథము 71:2; నిర్గమకాండము 34:6; 1 యోహాను 1:9; 1 యోహాను 5:14-15). దేవుని వాక్కుకూ ఆయన న్యాయ గుణానికీ వ్యతిరేకమైన ప్రార్థనకు ఆయన జవాబిస్తాడని మనం ఎదురు చూడకూడదు. ప్రార్థనకు వాడదగిన ఇతర ఆధారాలకోసం వ 8, 9, 10, 11, 12 చూడండి.

2. నీ సేవకునితో వ్యాజ్యెమాడకుము సజీవులలో ఒకడును నీ సన్నిధిని నీతిమంతుడుగా ఎంచబడడు.
రోమీయులకు 3:20, 1 కోరింథీయులకు 4:4, గలతియులకు 2:16

దావీదు దేవుని కరుణాస్థానం ఎదుటికి, కృపా సింహాసనం ఎదుటికి వస్తున్నాడు గాని దేవుని తీర్పు సభలోకి కాదు. తనలో ఎంతో తప్పు ఉందనీ, తన స్వంత యోగ్యతతో దేవుని ఎదుట నిలబడలేననీ అతనికి తెలుసు (కీర్తనల గ్రంథము 14:3; కీర్తనల గ్రంథము 51:5; కీర్తనల గ్రంథము 130:3; ప్రసంగి 7:20; రోమీయులకు 3:20, రోమీయులకు 3:23; గలతియులకు 2:16).

3. శత్రువులు నన్ను తరుముచున్నారు వారు నా ప్రాణమును నేల పడగొట్టుచున్నారు చిరకాలముక్రిందట చనిపోయిన వారితోపాటు గాఢాంధకారములో నన్ను నివసింపజేయుచున్నారు.

కీర్తనల గ్రంథము 141:7.

4. కావున నా ఆత్మ నాలో క్రుంగియున్నది నాలో నా హృదయము విస్మయమొందెను.

కీర్తనల గ్రంథము 142:3.

5. పూర్వదినములు జ్ఞాపకము చేసికొనుచున్నాను నీ క్రియలన్నియు ధ్యానించుచున్నాను. నేను నీ చేతుల పని యోచించుచున్నాను

కీర్తనల గ్రంథము 77:6. తనను తాను ప్రోత్సహించుకోవడం, తన నమ్మకాన్ని బలపరచుకోవడం ఇక్కడ దావీదు ఉద్దేశం.

6. నీ తట్టు నా చేతులు చాపుచున్నాను ఎండిపోయిన భూమివలె నా ప్రాణము నీకొరకు ఆశ పడుచున్నది.

కేవలం బాధలనుంచి విముక్తి పొందడం కంటే దావీదు దేవుని కోసమే అర్రులు చాచాడు. దేవుని సహవాసం లేకపోతే అతనికి దారి తప్పి తిరుగుతున్నట్టూ, దుఃఖ సాగరంలో మునిగిపోయినట్టూ అనిపించింది (కీర్తనల గ్రంథము 42:1-2; కీర్తనల గ్రంథము 63:1; కీర్తనల గ్రంథము 84:2).

7. యెహోవా, నా ఆత్మ క్షీణించుచున్నది త్వరగా నాకు ఉత్తరమిమ్ము నేను సమాధిలోనికి దిగువారివలె కాకుండునట్లు నీ ముఖమును నాకు మరుగుచేయకుము

8. నీయందు నేను నమ్మిక యుంచియున్నాను ఉదయమున నీ కృపావార్తను నాకు వినిపింపుము నీ వైపు నా మనస్సు నే నెత్తికొనుచున్నాను. నేను నడువవలసిన మార్గము నాకు తెలియజేయుము.

“నమ్మకం”– దావీదు తాను దేవుని మీద నమ్మకం పెట్టుకున్నానన్న సంగతిపై ఆధారపడి ఆయన్ను సహాయం చెయ్యాలని అడుగుతున్నాడు. ప్రార్థనకు ఇది నిజంగా బలమైన పునాదే. “ప్రొద్దున్నే”– అత్యవసరత దేవునినుంచి వేగంగా జవాబు రావాలని కోరుతున్నది. “నేర్పు”– వ 10; కీర్తనల గ్రంథము 25:4-5; కీర్తనల గ్రంథము 27:11; కీర్తనల గ్రంథము 119:12.

9. యెహోవా, నేను నీ మరుగు జొచ్చియున్నాను నా శత్రువుల చేతిలోనుండి నన్ను విడిపింపుము

ఈ ప్రార్థనకు ఆధారమేమిటో గమనించండి.

10. నీవే నా దేవుడవు నీ చిత్తానుసారముగా ప్రవర్తించుటకు నాకు నేర్పుము దయగల నీ ఆత్మ సమభూమిగల ప్రదేశమందు నన్ను నడిపించును గాక.

దేవుని సంకల్పం ప్రకారం చేయడం నేర్పించడమూ, తొట్రుపడకుండా మనల్ని నడిపించడమూ గాక మరి ఎక్కువ మేలు దేవుని ఆత్మ మనకు చేయగలిగేదేముంది? మనం నమ్మిక కలిగి, సమ్మతించి, విధేయత చూపితే ఆయన ఇలా చేస్తాడు.

11. యెహోవా, నీ నామమునుబట్టి నన్ను బ్రదికింపుము నీ నీతినిబట్టి నా ప్రాణమును శ్రమలోనుండి తప్పింపుము.

ఈ ప్రార్థన దావీదుకోసం కంటే దేవుని పేరు, ఆయన నీతి న్యాయాలకోసం చేసినది. ప్రార్థనకు ఇది మరో గట్టి ఆధారం.

12. నేను నీ సేవకుడను నీ కృపనుబట్టి నా శత్రువులను సంహరింపుము నా ప్రాణమును బాధపరచువారినందరిని నశింపజేయుము.

తన సేవకుల అవసరాలు చూసుకోవడం యజమాని బాధ్యత కాదా? శత్రువులు పట్టు విడవకుండా ఉన్నప్పుడు వారి బారినుంచి న్యాయవంతులను విడిపించాలంటే ఆ శత్రువుల్ని నాశనం చేయడం అవసరం కావచ్చు. శత్రువుల గురించి నోట్ కీర్తనల గ్రంథము 3:7.