1. యెహోవాకు కృతజ్ఞతాస్తుతులు చెల్లించుడి ఆయన నామమును ప్రకటన చేయుడి జనములలో ఆయన కార్యములను తెలియచేయుడి.

ఇస్రాయేల్ చరిత్రమీదా, పాపాత్ముల చర్యలమీదా దేవుని సర్వాధిపత్యాన్ని ఈ కీర్తన వివరిస్తున్నది. అన్నిటినీ పాలించడంలో దేవుని పాత్రను గమనించండి (వ 14,16,17, 24,25,26 మొ।।). అబ్రాహాము, ఇస్సాకు యాకోబులతో తాను చేసిన ఒడంబడికను నెరవేర్చుకునేందుకు ఆయన నిరంతరమూ శ్రమిస్తూనే ఉన్నాడు (వ 8–10). 89వ కీర్తన దావీదు ఒడంబడిక కీర్తనలాగానే దీన్ని అబ్రాహాము ఒడంబడిక కీర్తన అనవచ్చు. 78, 106 కీర్తనల్లాగానే ఇది కూడా చరిత్రను పరిశీలిస్తున్న కీర్తన. 78వ కీర్తన ఉపదేశం, హెచ్చరిక ఇచ్చే ఉద్దేశంతో రాయబడింది. 106 ఇస్రాయేల్‌వారి అనేక పాపాలను ఒప్పుకునే కీర్తన. అయితే ఈ కీర్తన (105) యెహోవాదేవుని మహా క్రియలను బట్టి ఆనందించేది. ఇందులో ఇస్రాయేల్‌వారి పాపాల గురించిన ఒక్క మాట కూడా లేదు. మొదటి 15 వచనాలూ 1 దినవృత్తాంతములు 16:8-22 లో ఉన్నాయి. ఆ రిఫరెన్సును బట్టి దీన్ని దావీదు రాశాడనుకోవచ్చు. ముందుమాటల్లో (వ 1-7) దేవుని ప్రజల ఏడు బాధ్యతలు, ఆధిక్యతల విశేషావకాశాల గురించి దావీదు రాశాడు – కృతజ్ఞతలు అర్పించడం, ప్రార్థించడం, దేవుని చర్యలను తెలియజేయడం, దేవుని గురించి పాడడం, ఆయనలో ఉత్సహించడం, ఆయన్ను వెదకడం, ఆయన అద్భుత వాక్కులనూ క్రియలనూ జ్ఞాపకం చేసుకోవడం. ఈ సూచనలను పాటించడం వల్ల ఆరోగ్యకరమైన ఆధ్యాత్మిక జీవనం ఉంటుంది. “కృతజ్ఞత అర్పించండి”– కీర్తనల గ్రంథము 7:17; కీర్తనల గ్రంథము 50:14-15; కీర్తనల గ్రంథము 56:12; కీర్తనల గ్రంథము 92:1; కీర్తనల గ్రంథము 106:1; ఎఫెసీయులకు 5:20; 1 థెస్సలొనీకయులకు 5:18. లేవీయకాండము 7:12-13 నోట్. “ఆయన పేర ప్రార్థన”– కీర్తనల గ్రంథము 50:15; కీర్తనల గ్రంథము 91:15; కీర్తనల గ్రంథము 145:18; లూకా 18:1. “తెలపండి”– కీర్తనల గ్రంథము 67:2; మత్తయి 28:19-20; లూకా 24:46-47.

2. ఆయననుగూర్చి పాడుడి ఆయనను కీర్తించుడి ఆయన ఆశ్చర్యకార్యములన్నిటినిగూర్చి సంభాషణ చేయుడి

“పాడండి”– కీర్తనల గ్రంథము 96:1; కీర్తనల గ్రంథము 98:5; ఎఫెసీయులకు 5:19. “కబుర్లాడుకోండి”– కీర్తనల గ్రంథము 9:11; కీర్తనల గ్రంథము 66:16; కీర్తనల గ్రంథము 75:9; కీర్తనల గ్రంథము 96:3.

3. ఆయన పరిశుద్ధ నామమునుబట్టి అతిశయించుడి. యెహోవాను వెదకువారు హృదయమందు సంతోషించుదురుగాక.

కీర్తనల గ్రంథము 13:5; కీర్తనల గ్రంథము 28:7; కీర్తనల గ్రంథము 33:21.

4. యెహోవాను వెదకుడి ఆయన బలమును వెదకుడి ఆయన సన్నిధిని నిత్యము వెదకుడి

కీర్తనల గ్రంథము 27:8 నోట్.

5. ఆయన దాసుడైన అబ్రాహాము వంశస్థులారా ఆయన యేర్పరచుకొనిన యాకోబు సంతతివారలారా ఆయన చేసిన ఆశ్చర్యకార్యములను జ్ఞాపకము చేసికొనుడి

ద్వితీయోపదేశకాండము 8:2 ద్వితీయోపదేశకాండము 8:18; ద్వితీయోపదేశకాండము 9:7; 2 తిమోతికి 2:8. ఈ కీర్తన అసలు అబ్రాహాము శారీరక సంతతి ఇస్రాయేల్ జాతిని ఉద్దేశించి రాసినప్పటికీ ప్రస్తుత విశ్వాసులు అబ్రాహాము యొక్క ఆధ్యాత్మిక సంతతి అన్న విషయం మర్చిపోకూడదు (రోమీయులకు 4:11; గలతియులకు 3:29).

6. ఆయన చేసిన సూచక క్రియలను ఆయననోటి తీర్పులను జ్ఞాపకముచేసికొనుడి

7. ఆయన మన దేవుడైన యెహోవా ఆయన తీర్పులు భూమియందంతట జరుగుచున్నవి.

కీర్తనల గ్రంథము 10:5; కీర్తనల గ్రంథము 36:6; రోమీయులకు 11:33. ప్రపంచ ప్రజల్లో ఎక్కువమందికి ఇది తెలియక పోయినప్పటికి వ్యక్తుల జీవితాల్లో జనాల్లో దేవుని తీర్పులు ఎడతెగకుండా నిరాటంకంగా నెరవేరుతూ ఉన్నాయి.

8. తాను సెలవిచ్చిన మాటను వెయ్యి తరములవరకు అబ్రాహాముతో తాను చేసిన నింబధనను
లూకా 1:72-73

రచయిత ఇక్కడ తన కీర్తన ముఖ్యాంశానికి వస్తున్నాడు. దేవుడు అబ్రాహాముతో చేసిన ఒడంబడిక గురించి ఆదికాండము 12:1-3 ఆదికాండము 12:7; ఆదికాండము 17:2 ఆదికాండము 17:8; ఆదికాండము 22:16-18; ఆదికాండము 26:3; ఆదికాండము 28:13-15 చూడండి.

9. ఇస్సాకుతో తాను చేసిన ప్రమాణమును నిత్యము ఆయన జ్ఞాపకము చేసికొనును.
లూకా 1:72-73

10. వారి సంఖ్య కొద్దిగా నుండగను ఆ కొద్ది మంది ఆ దేశమందు పరదేశులై యుండగను

11. కొలవబడిన స్వాస్థ్యముగా కనానుదేశమును మీకిచ్చెదనని ఆయన సెలవిచ్చెను

అబ్రాహాము ఇస్సాకు యాకోబులతో దేవుడు చేసిన ఒడంబడికలోని ఒక ముఖ్యమైన భాగం ఇది. కనానుదేశం వారి సంతతికి శాశ్వత వారసత్వంగా ఇవ్వబడింది (ఆదికాండము 13:15; ఆదికాండము 15:18; ఆదికాండము 17:8; 2 దినవృత్తాంతములు 20:7).

12. ఆ మాట యాకోబునకు కట్టడగాను ఇశ్రాయేలునకు నిత్య నిబంధనగాను స్థిరపరచి యున్నాడు.

కనాను దేశాన్ని ఇస్తానని దేవుడు మాట ఇచ్చిన సమయంలో ఇస్రాయేల్ ఆరంభ దశలో ఉంది. కనానును గానీ మరి ఏ దేశాన్ని గానీ జయించేందుకు వారికి బలం లేదు. సంచారం చేస్తూ ఉండే ఒక చిన్న జాతి అది. వాగ్దానాన్ని నెరవేర్చగలవాడు దేవుడే, ఇస్రాయేల్‌వారు కాదు.

13. వారు జనమునుండి జనమునకును ఒక రాజ్యమునుండి మరియొక రాజ్యమునకు తిరుగులాడుచుండగా

14. నేనభిషేకించినవారిని ముట్టకూడదనియు నా ప్రవక్తలకు కీడుచేయకూడదనియు ఆయన ఆజ్ఞ ఇచ్చి

ఆదికాండము 12:17; ఆదికాండము 20:3; ఆదికాండము 35:5. ఇది అబ్రాహాము, ఇస్సాకు, యాకోబులను ఉద్దేశించి చెప్పిన మాట. వీరు ముగ్గురూ ప్రవక్తలే (ఆదికాండము 20:7; ఆదికాండము 27:27-29 ఆదికాండము 27:39-40; ఆదికాండము 49:1-28).

15. ఆయన ఎవరినైనను వారికి హింసచేయనియ్య లేదు ఆయన వారికొరకు రాజులను గద్దించెను.

16. దేశముమీదికి ఆయన కరవు రప్పించెను జీవనాధారమైన ధాన్యమంతయు కొట్టివేసెను.

ఆదికాండము 41:54. యోసేపు కాలంలో వచ్చిన గొప్ప కరవును దేవుడే రప్పించాడని ఇక్కడ చెప్పడం చూస్తున్నాం. అలాగని అన్ని చోట్లా అన్ని కరవులకూ ఆయనే కారణమని కాదు. కొన్ని కరవులు మనిషి పనుల ఫలితమే. అయితే కరవు ఉన్న చోటెల్లా మనుషులు ఏకైక నిజ దేవుడూ సృష్టికర్తా అయి ఉన్నవాణ్ణి కనికరం చూపాలని ప్రార్థించాలి. మనుషులనూ, వానలు, నేల, విత్తనాలనూ కలగచేసినవాడు ఆయనే.

17. వారికంటె ముందుగా ఆయన యొకని పంపెను. యోసేపు దాసుడుగా అమ్మబడెను.

దేవుడు యోసేపును ఎలా పంపాడో చూచి ఒక పాఠం నేర్చుకొందాం – ఆదికాండము 45:5; ఆదికాండము 50:20-21.

18. వారు సంకెళ్లచేత అతని కాళ్లు నొప్పించిరి ఇనుము అతని ప్రాణమును బాధించెను.

ఆదికాండము 39:20; ఆదికాండము 40:15.

19. అతడు చెప్పిన సంగతి నెరవేరువరకు యెహోవా వాక్కు అతని పరిశోధించుచుండెను.

“నెరవేరేవరకూ”– ఆదికాండము 40:20-21. “పరీక్షించింది”– కీర్తనల గ్రంథము 66:10-12 నోట్ చూడండి.

20. రాజు వర్తమానము పంపి అతని విడిపించెను. ప్రజల నేలినవాడు అతని విడుదలచేసెను.

ఆదికాండము 41:14 ఆదికాండము 41:40-44.

21. ఇష్టప్రకారము అతడు తన అధిపతుల నేలుటకును తన పెద్దలకు బుద్ధి చెప్పుటకును
అపో. కార్యములు 7:10

22. తన యింటికి యజమానునిగాను తన యావదాస్తిమీద అధికారిగాను అతని నియమించెను.

23. ఇశ్రాయేలు ఐగుప్తులోనికి వచ్చెను యాకోబు హాముదేశమందు పరదేశిగా నుండెను.

ఆదికాండము 46:6.

24. ఆయన తన ప్రజలకు బహు సంతానవృద్ధి కలుగ జేసెను వారి విరోధులకంటె వారికి అధికబలము దయచేసెను.

నిర్గమకాండము 1:7 నిర్గమకాండము 1:9.

25. తన ప్రజలను పగజేయునట్లును తన సేవకులయెడల కుయుక్తిగా నడచునట్లును ఆయన వారి హృదయములను త్రిప్పెను.

నిర్గమకాండము 1:8 నిర్గమకాండము 1:10; నిర్గమకాండము 4:21. మనుషుల ద్వేషాన్ని జిత్తులమారితనాన్ని కూడా దేవుడు తన ప్రజల మేలుకోసం తన ఉద్దేశాలు నెరవేరడంకోసం వాడుకుంటాడు.

26. ఆయన తన సేవకుడైన మోషేను తాను ఏర్పరచుకొనిన అహరోనును పంపెను.

నిర్గమకాండము 3:10; నిర్గమకాండము 4:12 నిర్గమకాండము 4:14.

27. వారు ఐగుప్తీయుల మధ్యను ఆయన సూచక క్రియలను హాముదేశములో మహత్కార్యములను జరిగించిరి

కీర్తనల గ్రంథము 78:43-51.

28. ఆయన అంధకారము పంపి చీకటి కమ్మజేసెను వారు ఆయన మాటను ఎదిరింపలేదు.

నిర్గమ 7—12 అధ్యాయాలు.

29. ఆయన వారి జలములను రక్తముగా మార్చెను వారి చేపలను చంపెను.

30. వారి దేశములో కప్పలు నిండెను అవి వారి రాజుల గదులలోనికి వచ్చెను.

31. ఆయన ఆజ్ఞ ఇయ్యగా జోరీగలు పుట్టెను వారి ప్రాంతములన్నిటిలోనికి దోమలు వచ్చెను.

32. ఆయన వారిమీద వడగండ్ల వాన కురిపించెను. వారి దేశములో అగ్నిజ్వాలలు పుట్టించెను.

33. వారి ద్రాక్షతీగెలను వారి అంజూరపు చెట్లను పడగొట్టెను వారి ప్రాంతములయందలి వృక్షములను విరుగకొట్టెను.

34. ఆయన ఆజ్ఞ ఇయ్యగా పెద్ద మిడతలును లెక్కలేని చీడపురుగులును వచ్చెను,

35. అవి వారిదేశపు కూరచెట్లన్నిటిని వారి భూమి పంటలను తినివేసెను.

36. వారి దేశమందలి సమస్త జ్యేష్ఠులను వారి ప్రథమసంతానమును ఆయన హతముచేసెను.

37. అక్కడనుండి తన జనులను వెండి బంగారములతో ఆయన రప్పించెను వారి గోత్రములలో నిస్సత్తువచేత తొట్రిల్లు వాడొక్క డైనను లేకపోయెను.

నిర్గమకాండము 12:35-36.

38. వారివలన ఐగుప్తీయులకు భయము పుట్టెను వారు బయలు వెళ్లినప్పుడు ఐగుప్తీయులు సంతోషించిరి
ప్రకటన గ్రంథం 10:10-11

నిర్గమకాండము 12:33; నిర్గమకాండము 15:16.

39. వారికి చాటుగా నుండుటకై ఆయన మేఘమును కల్పించెను రాత్రి వెలుగిచ్చుటకై అగ్నిని కలుగజేసెను.

కీర్తనల గ్రంథము 78:14; నిర్గమకాండము 13:21; నెహెమ్యా 9:12.

40. వారు మనవి చేయగా ఆయన పూరేళ్లను రప్పించెను. ఆకాశములోనుండి ఆహారమునిచ్చి వారిని తృప్తి పరచెను.
యోహాను 6:31

నిర్గమకాండము 16:12-15; నెహెమ్యా 11:31; నెహెమ్యా 9:15; యోహాను 6:31.

41. బండను చీల్చగా నీళ్లు ఉబికి వచ్చెను ఎడారులలో అవి యేరులై పారెను.

నిర్గమకాండము 17:6; సంఖ్యాకాండము 20:11.

42. ఏలయనగా ఆయన తన పరిశుద్ధ వాగ్దానమును తనసేవకుడైన అబ్రాహామును జ్ఞాపకము చేసికొని

దేవుడు చేసినదంతా తన వాగ్దానాలు, ఒడంబడిక నెరవేర్చుకొనేందుకే చేశాడు. అలా చేసేందుకు అవసరమైతే ఆకాశాలనూ భూమినీ కదిలించివేస్తాడాయన.

43. ఆయన తన ప్రజలను సంతోషముతోను తాను ఏర్పరచుకొనినవారిని ఉత్సాహధ్వనితోను వెలుపలికి రప్పించెను.

44. వారు తన కట్టడలను గైకొనునట్లును

45. తన ధర్మశాస్త్రవిధులను ఆచరించునట్లును అన్యజనుల భూములను ఆయన వారికప్పగించెను జనముల కష్టార్జితమును వారు స్వాధీనపరచుకొనిరి. యెహోవాను స్తుతించుడి.

ఇస్రాయేల్ ప్రజల విషయంలో దేవుడు చేసిన దానంతట్లో దేవుని ఆజ్ఞ, ఉద్దేశం ఇదే (ద్వితీయోపదేశకాండము 4:1 ద్వితీయోపదేశకాండము 4:40). ఇప్పుడు ఆయన విశ్వాసులకోసం చేసినదంతా కూడా ఈ గురిని దృష్టిలో ఉంచుకునే (రోమీయులకు 14:7-9; కొలొస్సయులకు 3:16-17; 1 యోహాను 2:3-6).