1. ఈ నెల యిరువది నాలుగవ దినమందు ఇశ్రాయేలీ యులు ఉపవాసముండి గోనెపట్టలు కట్టుకొని తలమీద ధూళి పోసికొని కూడి వచ్చిరి.

ఆదికాండము 37:34; ఎజ్రా 8:23; ఎజ్రా 10:6; యోబు 2:12; కీర్తనల గ్రంథము 35:13; యోవేలు 1:13-14.

2. ఇశ్రాయేలీయులు అన్య జనులందరిలోనుండి ప్రత్యేకింపబడిన వారై నిలువబడి, తమ పాపములను తమ పితరుల పాపములను ఒప్పుకొనిరి.

“విదేశీయులు”– ఎజ్రా 10:11; ద్వితీయోపదేశకాండము 7:3-6. “ఒప్పుకొన్నారు”– లేవీయకాండము 26:40; కీర్తనల గ్రంథము 32:5; కీర్తనల గ్రంథము 106:6; సామెతలు 28:13; దానియేలు 9:20; 1 యోహాను 1:9.

3. మరియు వారు ఒక జాముసేపు తామున్న చోటనే నిలువ బడి, తమ దేవుడైన యెహోవా ధర్మశాస్త్రగ్రంథమును చదువుచు వచ్చిరి, ఒక జాముసేపు తమ పాపములను ఒప్పు కొనుచు దేవుడైన యెహోవాకు నమస్కారము చేయుచు వచ్చిరి.

“చదువుతూ”– నెహెమ్యా 8:4-8.

4. లేవీయులలో యేషూవ బానీ కద్మీయేలు షెబన్యా బున్నీ షేరేబ్యా బానీ కెనానీ అనువారు మెట్లమీద నిలువబడి, యెలుగెత్తి, తమ దేవుడైన యెహోవాకు మొఱ్ఱ పెట్టిరి.

5. అప్పుడు లేవీయులైన యేషూవ కద్మీయేలు బానీ హషబ్నెయా షేరేబ్యా హోదీయా షెబన్యా పెతహయా అనువారునిలువబడి, నిరంతరము మీకు దేవుడైయున్న యెహోవాను స్తుతించుడని చెప్పి ఈలాగు స్తోత్రము చేసిరి - సకలాశీర్వచన స్తోత్రములకు మించిన నీ ఘనమైన నామము స్తుతింపబడునుగాక.

“యెహోవా”– నిర్గమకాండము 3:14-15 నోట్. విశ్వాన్ని సృష్టించిన శాశ్వతుడైన ఏకైక నిజ దేవుణ్ణి స్తుతించమని ప్రజలను ప్రోత్సహిస్తున్నారు. స్తోత్రించేందుకు ఆయన తప్ప యోగ్యుడెవడూ లేడు. ఈ గొప్ప ప్రార్థన 78, 105, 106 కీర్తనలను పోలి ఉంది.

6. నీవే, అద్వితీయుడవైన యెహోవా, నీవే ఆకాశమును మహాకాశములను వాటి సైన్యమును, భూమిని దానిలో ఉండునది అంతటిని, సముద్రములను వాటిలో ఉండునది అంతటిని సృజించి వాటినన్నిటిని కాపాడువాడవు. ఆకాశ సైన్యమంతయు నీకే నమస్కారము చేయుచున్నది.
ప్రకటన గ్రంథం 10:5

“మాత్రమే”– యెషయా 43:10-11; యెషయా 44:6-8; యెషయా 45:5 యెషయా 45:22. “వాటన్నిటినీ”– ఆదికాండము 1:1-31; కీర్తనల గ్రంథము 95:5; కీర్తనల గ్రంథము 115:15; యెషయా 40:26; యెషయా 45:12; అపో. కార్యములు 14:15; ప్రకటన గ్రంథం 4:10-11; ప్రకటన గ్రంథం 10:6. “నమస్కారం చేస్తున్నది”– కీర్తనల గ్రంథము 89:5-7; కీర్తనల గ్రంథము 103:20-22

7. దేవా యెహోవా, అబ్రామును ఏర్పరచుకొని, కల్దీయుల ఊరు అను స్థలము నుండి ఇవతలకు అతని రప్పించి అతనికి అబ్రాహామను పేరు పెట్టినవాడవు నీవే.

ఆదికాండము 11:31; ఆదికాండము 12:1-3; ఆదికాండము 17:5.

8. అతడు నమ్మకమైన మనస్సుగల వాడని యెరిగి, కనానీయులు హిత్తీయులు అమోరీయులు పెరిజ్జీ యులు యెబూసీయులు గిర్గాషీయులు అనువారి దేశమును అతని సంతతివారికిచ్చునట్లు ఆతనితో నిబంధన చేసినవాడవు నీవే.

“యథార్థ హృదయుడని”– ఆదికాండము 15:6; ఆదికాండము 22:15-18; రోమీయులకు 4:18-21. “ఇస్తానని”– ఆదికాండము 15:18-21; ఆదికాండము 17:7-8.

9. నీవు నీతిమంతుడవై యుండి నీ మాటచొప్పున జరిగించితివి. ఐగుప్తులో మా పితరులు పొందిన శ్రమను నీవు చూచితివి, ఎఱ్ఱసముద్రమునొద్ద వారి మొఱ్ఱను నీవు వింటివి.

నిర్గమకాండము 3:7; నిర్గమకాండము 14:10-12.

10. ఫరోయు అతని దాసులందరును అతని దేశపు జనులందరును వారియెడల బహు గర్వ ముగా ప్రవర్తించిరని నీకు తెలియగా నీవు వారియెదుట సూచకక్రియలను మహత్కార్యములను చూపించితివి. ఆలాగున చేయుటవలన నీవు ఈ దినమందున్నట్టుగా ప్రసిద్ధినొందితివి.

నిర్గమకాండము 5:2; నిర్గమకాండము 7:1-24; నిర్గమకాండము 9:16.

11. మరియు నీ జనులయెదుట నీవు సముద్రమును విభాగించినందున వారు సముద్రముమధ్య పొడినేలను నడచిరి, ఒకడు లోతునీట రాయి వేసినట్లు వారిని తరిమినవారిని అగాధజలములలో నీవు పడవేసితివి.

నిర్గమకాండము 14:20-28; నిర్గమకాండము 15:1 నిర్గమకాండము 15:5 నిర్గమకాండము 15:10.

12. ఇదియుగాక పగటికాలమందు మేఘస్తంభములో ఉండిన వాడవును రాత్రికాలమందు వారు వెళ్లవలసిన మార్గమున వెలుగిచ్చుటకై అగ్నిస్తంభములో ఉండినవాడవును అయి యుండి వారిని తోడుకొనిపోతివి.

నిర్గమకాండము 13:21-22; నిర్గమకాండము 40:36-38; ద్వితీయోపదేశకాండము 1:33.

13. సీనాయి పర్వతము మీదికి దిగి వచ్చి ఆకాశమునుండి వారితో మాటలాడి, వారికి నీతియుక్తమైన విధులను సత్యమైన ఆజ్ఞలను మేలు కరములైన కట్టడలను ధర్మములను నీవు దయచేసితివి.

నిర్గమకాండము 9:11 నిర్గమకాండము 9:18-20; నిర్గమకాండము 20:1; కీర్తనల గ్రంథము 19:7-9; రోమీయులకు 7:12.

14. వారికి నీ పరిశుద్ధమైన విశ్రాంతి దినమును ఆచరింప నాజ్ఞ ఇచ్చి నీ దాసుడైన మోషేద్వారా ఆజ్ఞలను కట్టడలను ధర్మశాస్త్రమును వారికి నియమించితివి.

ఆదికాండము 2:3; నిర్గమకాండము 16:23; నిర్గమకాండము 20:8-11; హెబ్రీయులకు 4:4-11. Exo,20,8} నోట్స్.

15. వారి ఆకలి తీర్చుటకు ఆకాశమునుండి ఆహారమును వారి దాహము తీర్చుటకు బండలోనుండి ఉదకమును తెప్పించితివి. వారికి ప్రమాణముచేసిన దేశమును స్వాధీనపరచుకొనవలెనని వారి కాజ్ఞాపించితివి.
యోహాను 6:31

“బండ”– నిర్గమకాండము 16:4 నిర్గమకాండము 16:14-17; నిర్గమకాండము 17:6; 1 కోరింథీయులకు 10:4. “దేశాన్ని”– ఆదికాండము 22:15-17; ద్వితీయోపదేశకాండము 1:8; యెహోషువ 1:1-5.

16. అయితే వారును మా పితరులును గర్వించి, లోబడనొల్లక నీ ఆజ్ఞలకు చెవియొగ్గక పోయిరి.

నిర్గమకాండము 32:9; ద్వితీయోపదేశకాండము 9:24; ద్వితీయోపదేశకాండము 31:27; కీర్తనల గ్రంథము 78:40 కీర్తనల గ్రంథము 78:56; యిర్మియా 7:26; యిర్మియా 17:23; అపో. కార్యములు 7:51.

17. వారు విధేయులగుటకు మనస్సు లేనివారై తమ మధ్య నీవు చేసిన అద్భుతములను జ్ఞాపకము చేసికొనక తమ మనస్సును కఠినపరచు కొని, తాముండి వచ్చిన దాస్యపుదేశమునకు తిరిగి వెళ్లుటకు ఒక అధికారిని కోరుకొని నీ మీద తిరుగు బాటు చేసిరి. అయితే నీవు క్షమించుటకు సిద్ధమైన దేవుడవును, దయావాత్సల్యతలు గలవాడవును, దీర్ఘశాంత మును బహు కృపయు గలవాడవునై యుండి వారిని విసర్జింపలేదు.

“మరచిపోయారు”– కీర్తనల గ్రంథము 78:11 కీర్తనల గ్రంథము 78:42; కీర్తనల గ్రంథము 106:13. “దాస్యం”– సంఖ్యాకాండము 14:1-4. “క్షమించే దేవుడివి”– నిర్గమకాండము 34:6-7; మీకా 7:18.

18. వారు ఒక పోతదూడను చేసికొనిఐగుప్తులోనుండి మమ్మును రప్పించిన దేవుడు ఇదే అని చెప్పి, నీకు బహు విసుకు పుట్టించినను

“దూడ”– నిర్గమకాండము 32:1-14 నిర్గమకాండము 32:31. “దేవదూషణ”– వ 26; నిర్గమకాండము 20:7; నిర్గమకాండము 22:28.

19. వారు ఎడారిలో ఉండగా నీవు బహు విస్తారమైన కృప కలిగినవాడవై వారిని విసర్జింపలేదు; మార్గముగుండ వారిని తోడుకొని పోవుటకు పగలు మేఘస్తంభమును, దారిలో వారికి వెలు గిచ్చుటకు రాత్రి అగ్నిస్తంభమును వారిపైనుండి వెళ్లిపోక నిలిచెను.

“కరుణ”– కీర్తనల గ్రంథము 103:8-10 కీర్తనల గ్రంథము 103:13-14; మీకా 7:18-19. “వెళ్ళవలసిన దారి”– వ 12.

20. వారికి భోధించుటకు నీ యుపకారాత్మను దయ చేసితివి, నీ విచ్చిన మన్నాను ఇయ్యక మానలేదు; వారి దాహమునకు ఉదకమిచ్చితివి.

“ఆత్మ”– నిర్గమకాండము 31:3; సంఖ్యాకాండము 11:17; యెషయా 63:11 యెషయా 63:14. “మన్నా”– నిర్గమకాండము 16:14-16.

21. నిజముగా అరణ్యములో ఏమియు తక్కువ కాకుండ నలువది సంవత్సరములు వారిని పోషించితివి. వారి వస్త్రములు పాతగిలిపోలేదు, వారి కాళ్లకువాపు రాలేదు.

ద్వితీయోపదేశకాండము 2:7; ద్వితీయోపదేశకాండము 8:4; ద్వితీయోపదేశకాండము 29:5.

22. ఇదియుగాక రాజ్యములను జన ములను వారికప్పగించి, వారికి సరిహద్దులు ఏర్పరచితివి గనుక, వారు సీహోను అను హెష్బోను రాజుయొక్క దేశమును బాషానునకు రాజైన ఓగుయొక్క దేశమును స్వతంత్రించుకొనిరి.

సంఖ్యాకాండము 21:21-35.

23. వారి సంతతిని ఆకాశపు నక్షత్రములంత విస్తారముగా చేసి, ప్రవేశించి స్వతంత్రించు కొనునట్లు వారి పితరులకు నీవు వాగ్దానముచేసిన దేశములోనికి వారిని రప్పింపగా

“నక్షత్రాలంతగా”– ఆదికాండము 15:5; ఆదికాండము 22:17. “తీసుకువచ్చావు”– యెహోషువ 4:1 యెహోషువ 4:23.

24. ఆ సంతతివారు ప్రవేశించి ఆ దేశమును స్వతంత్రించుకొనిరి. నీవు కనానీయులను ఆ దేశవాసులను జయించి, తమకు మనస్సువచ్చినట్లు చేయుటకు వారి రాజులను ఆ దేశజనులను వారి చేతికి అప్పగించితివి.

యెహోషువ 11:23; 12 అధ్యాయం; యెహోషువ 21:43-45.

25. అప్పుడు వారు ప్రాకారములుగల పట్టణ ములను ఫలవంతమైన భూమిని స్వాధీనపరచుకొని, సకలమైన పదార్థములతో నిండియున్న యిండ్లను త్రవ్విన బావులను ద్రాక్షతోటలను ఒలీవ తోటలను బహు విస్తారముగా ఫలించు చెట్లను వశపరచుకొనిరి. ఆలాగున వారు తిని తృప్తిపొంది మదించి నీ మహోపకారమునుబట్టి బహుగా సంతోషించిరి.

ద్వితీయోపదేశకాండము 6:10-12; యెహోషువ 24:13. “మహా దయ”– కీర్తనల గ్రంథము 23:6; కీర్తనల గ్రంథము 25:8; కీర్తనల గ్రంథము 31:19; కీర్తనల గ్రంథము 33:5; కీర్తనల గ్రంథము 52:1; కీర్తనల గ్రంథము 107:8-9 కీర్తనల గ్రంథము 107:15 కీర్తనల గ్రంథము 107:21 కీర్తనల గ్రంథము 107:31.

26. అయినను వారు అవిధేయులై నీ మీద తిరుగుబాటుచేసి, నీ ధర్మశాస్త్రమును లక్ష్య పెట్టక త్రోసివేసి, నీతట్టు తిరుగవలెనని తమకు ప్రకటన చేసిన నీ ప్రవక్తలను చంపి నీకు బహుగా విసుకు పుట్టించిరి.

న్యాయాధిపతులు 2:11; 1 రాజులు 14:9; 1 రాజులు 19:10; 2 దినవృత్తాంతములు 36:16; యిర్మియా 44:10; మత్తయి 23:37; అపో. కార్యములు 7:52.

27. అందుచేత నీవు వారిని వారి శత్రువులచేతికి అప్పగించితివి. ఆ శత్రువులు వారిని బాధింపగా శ్రమకాలమందు వారు నీకు మొఱ్ఱపెట్టినప్పుడు ఆకాశమందుండు నీవు ఆలకించి, వారి శత్రువుల చేతిలోనుండి వారిని తప్పించుటకై నీ కృపాసంపత్తిని బట్టి వారికి రక్షకులను దయచేసితివి.

న్యాయాధిపతులు 2:14-18; కీర్తనల గ్రంథము 106:40-43.

28. వారు నెమ్మదిపొందిన తరువాత నీ యెదుట మరల ద్రోహులుకాగా నీవు వారిని వారి శత్రువులచేతికి అప్పగించితివి; వీరు వారిమీద అధికారము చేసిరి. వారు తిరిగి వచ్చి నీకు మొఱ్ఱపెట్టినప్పుడు ఆకాశమందుండు నీవు ఆలంకించి నీ కృపచొప్పున అనేకమారులు వారిని విడిపించితివి.

29. నీ ఆజ్ఞలను విధులను ఒకడు ఆచరించిన యెడల వాటివలన వాడు బ్రదుకునుగదా. వారు మరల నీ ధర్మశాస్త్రము ననుసరించి నడుచునట్లు నీవు వారిమీద సాక్ష్యము పలికినను, వారు గర్వించి నీ ఆజ్ఞలకు లోబడక నీ విధుల విషయములో పాపులై నిన్ను తిరస్కరించి తమ మనస్సును కఠినపరచుకొని నీ మాట వినకపోయిరి.

“హెచ్చరించినా”– వ 30; యిర్మియా 7:25; యిర్మియా 11:7-8. “విర్రవీగి” - తెలిసి తెలిసి దేవుని ఆజ్ఞలు మీరడం వెనుక ఇలాంటి గర్విత గుణమే ఉంటుంది. దేవుని సంకల్పం కంటే తన ఇష్టానికి ఎక్కువ ప్రాధాన్యత నివ్వడం, విశ్వానికి కర్త అయిన దేవుణ్ణి ధిక్కరించి తనకు తానే లోలోపలే స్వతం

30. నీవు అనేక సంవత్సరములు వారిని ఓర్చి, నీ ప్రవక్తలద్వారా నీ ఆత్మచేత వారిమీద సాక్ష్యము పలికితివి గాని వారు వినక పోయిరి; కాగా నీవు ఆయా దేశములలోనున్న జనుల చేతికి వారిని అప్పగించితివి.

వ 20,26,29; 2 రాజులు 17:13; 2 దినవృత్తాంతములు 36:16-20; జెకర్యా 7:12.

31. అయితే నీవు మహోప కారివై యుండి, వారిని బొత్తిగా నాశనముచేయకయు విడిచిపెట్టకయు ఉంటివి. నిజముగా నీవు కృపాకనికర ములుగల దేవుడవై యున్నావు.

“పూర్తిగా”– యెషయా 48:9; యిర్మియా 4:27; యిర్మియా 5:18; యిర్మియా 30:11. “మహా కరుణ”– ద్వితీయోపదేశకాండము 4:31; కీర్తనల గ్రంథము 103:8; కీర్తనల గ్రంథము 116:5; మీకా 7:18.

32. చేసిన నిబంధనను నిలు పుచు కృప చూపునట్టి మహా పరాక్రమశాలివియు భయం కరుడవునగు మా దేవా, అష్షూరు రాజుల దినములు మొదలుకొని యీ దినములవరకు మా మీదికిని మా రాజుల మీదికిని ప్రధానులమీదికిని మా పితరులమీదికిని నీ జను లందరిమీదికిని వచ్చిన శ్రమయంతయు నీ దృష్టికి అల్ప ముగా ఉండకుండును గాక.

“దేవా”– ద్వితీయోపదేశకాండము 7:9 ద్వితీయోపదేశకాండము 7:21; 1 రాజులు 8:23; కీర్తనల గ్రంథము 24:8; కీర్తనల గ్రంథము 89:8; కీర్తనల గ్రంథము 93:4; దానియేలు 9:4. “కష్టమంతా”– సొలొమోను పరిపాలన అనంతరం ఇస్రాయేల్, యూదా రాజ్యాలు ఒకదానితో ఒకటి తన్నులాడుతూ చుట్టు పక్కల రాజ్యాలలో ఏదో ఒకదాని మూలంగా తంటాలు పడుతూనే వచ్చాయి. యుద్ధం వల్ల

33. మా మీదికి వచ్చిన శ్రమ లన్నిటిని చూడగా నీవు న్యాయస్థుడవే; నీవు సత్యము గానే ప్రవర్తించితివి కాని మేము దుర్మార్గులమైతివిు.

దానియేలు 9:6-8 దానియేలు 9:14.

34. మా రాజులు గాని మా ప్రధానులు గాని మా యాజకులు గాని మా పితరులు గాని నీ ధర్మశాస్త్రము ననుసరించి నడువలేదు. నీవు వారిమీద పలికిన సాక్ష్యములనైనను నీ ఆజ్ఞలనైనను వారు వినకపోయిరి.

2 రాజులు 23:11; యిర్మియా 2:8 యిర్మియా 2:26-27; యిర్మియా 32:32.

35. వారు తమ రాజ్య పరిపాలనకాలమందు నీవు తమ యెడల చూపించిన గొప్ప ఉపకారములను తలంచక, నీవు వారికిచ్చిన విస్తారమగు ఫలవంతమైన భూమిని అనుభవించియుండియు నిన్ను సేవింపకపోయిరి, తమ చెడు నడతలువిడిచి మారుమనస్సు పొందరైరి.

“మహా దయ”– వ 25. “చెడ్డ ప్రవర్తన”– న్యాయాధిపతులు 2:10-19; 2 దినవృత్తాంతములు 36:15-17.

36. చిత్తగించుము, నేడు మేము దాస్యములో ఉన్నాము, దాని ఫలమును దాని సమృధ్ధిని అనుభవించునట్లు నీవు మా పితరులకు దయచేసిన భూమియందు మేము దాసులమై యున్నాము.
యోహాను 8:33

“దాసులం”– ఎజ్రా 9:9.

37. మా పాపములనుబట్టి నీవు మామీద నియమించిన రాజులకు అది అతివిస్తారముగా ఫల మిచ్చుచున్నది.

“రాజులకు”– ఇస్రాయేల్ దేశాన్ని ఏలే పారసీక చక్రవర్తులు.

38. వారు తమకిష్టము వచ్చినట్లు మా శరీరములమీదను మా పశువులమీదను అధికారము చూపు చున్నారు గనుక మాకు చాల శ్రమలు కలుగుచున్నవి.

“ఒడంబడిక”– నెహెమ్యా 10:29-39.