1. నేను ఇంకను గుమ్మములకు తలుపులు నిలుపకముందుగా దానిలో బీటలులేకుండ సంపూర్ణముగా గోడను కట్టి యుండగా, సన్బల్లటును టోబీయాయును అరబీయుడైన గెషెమును మా శత్రువులలో మిగిలినవారును విని

నెహెమ్యా 2:10 నెహెమ్యా 2:19; నెహెమ్యా 4:1 నెహెమ్యా 4:7.

2. సన్బల్లటును గెషెమును నాకు ఏదో హాని చేయుటకు ఆలోచించిఓనో మైదానమందున్న గ్రామములలో ఒక దాని దగ్గర మనము కలిసికొందము రండని నాయొద్దకు వర్తమానము పంపిరి.

“ఓనో”– ఇది మధ్యధరా సముద్ర తీరం సమీపంలో జెరుసలంకు చాలా దూరాన ఉంది. సన్‌బల్లట్, అతని స్నేహితులు తనకు కీడు చేసేందుకు చూస్తున్నారని నెహెమ్యాకు అర్థమైంది.

3. అందుకు నేనునేను చేయుపని గొప్పది, దానివిడిచి మీయొ ద్దకు వచ్చుటకై నేను దాని నెందుకు ఆపవలెను? నేను రాలేనని చెప్పుటకు దూతలను పంపితిని.

దేవుడు తనకిచ్చిన పనినుంచి నెహెమ్యాను తప్పించడం ఎవరిచేతా కాదు. దేవుని పని అతనికి పవిత్రం, గౌరవనీయం. అందుకోసం అతడు తన సమయం, శక్తియుక్తులన్నిటినీ వెచ్చించాలి.

4. వారు ఆలాగున నాలుగు మారులు నాయొద్దకు వర్తమానము పంపగా ఆ ప్రకారమే నేను మరల ప్రత్యు త్తరమిచ్చితిని.

దేవుని పనికి శత్రువులుగా ఉన్నవారు అంత తేలిగ్గా తమ ప్రయత్నాలు మానుకోరు. దేవుని సేవకులు కూడా ఇంతకన్నా పట్టుదలగా ఉండాలి.

5. అంతట అయిదవమారు సన్బల్లటు తన పనివాని ద్వారా విప్పియున్న యొక పత్రికను నాయొద్దకు పంపెను.

“ముద్రలేని”– సన్‌బల్లట్ కావాలనే ఈ ఉత్తరాన్ని సీలు చేయకుండా పంపి ఉండవచ్చు. ఎందుకంటే దాన్ని తీసుకువెళ్తున్న వాడు గానీ మరెవరైనా గానీ దాన్ని తెరచి చదివి, ఆ అబద్ధాన్ని వ్యాపింపజేస్తారని అతడు ఆశించి ఉండవచ్చు.

6. అందులోవారిపైన రాజుగా ఉండవలెనని నీవు ప్రాకారమును కట్టుచున్నావనియు, ఈ హేతువు చేతనే నీవును యూదులును రాజుమీద తిరుగుబాటు చేయునట్లుగా నీవు ఆలోచించుచున్నావనియు,

7. యూదు లకు రాజుగా ఉన్నాడని నిన్నుగూర్చి ప్రకటనచేయుటకు యెరూషలేములో ప్రవక్తలను నీవు నియమించి తివనియు మొదలగు మాటలునురాజునకు ఈ సంగతులు తెలియనగుననియు మొదలగు మాటలును, అందునిమిత్తము ఇప్పుడు మనము యోచన చేసెదము రండనియు, ఈ సంగతి అన్యజనుల వదంతియనియు, దానిని గెషెము చెప్పుచున్నా డనియు వ్రాయబడెను.

8. ఈ పని చేయలేకుండ మే మశక్తులమగుదుమనుకొని వారందరు మమ్మును బెదరింప జూచిరి గాని

9. నేనుఇటువంటి కార్యములను మేమెంత మాత్రమును చేయువారముకాము, వీటిని నీ మనస్సులోనుండి నీవు కల్పించుకొంటివని అతనియొద్దకు నేను వర్త మానము పంపితిని. దేవా, ఇప్పుడు నా చేతులను బలపరచుము.

“భయపెట్టడానికి”– సన్‌బల్లట్ అబద్ధం పారసీక చక్రవర్తి చెవులకు సోకి దాన్ని అతడు నమ్మాడంటే నెహెమ్యా మీదా యూదుల మీదా గట్టి చర్యలు తీసుకునేవాడే.

10. అటుతరువాత మెహేతబేలునకు పుట్టిన దెలాయ్యా కుమారుడైన షెమయాయొక్క యింటికి వచ్చితిని. అతడు బయటికి రాకుండ నిర్భందింపబడెను. అతడురాత్రి కాలమందు నిన్ను చంపుటకు వారు వచ్చెదరు గనుక, దేవుని మందిర గర్భాలయములోపలికి మనము పోయి తలుపులు వేసికొనెదము రండని చెప్పగా

“చంపడానికి”– నెహెమ్యాను భయపెట్టి, అపనిందల పాలు చేసేందుకు మరో ప్రయత్నం – వ 13. “దేవాలయం”– నెహెమ్యా యాజి కాదు. యాజులు కానివాళ్ళు ఆలయంలోని పవిత్రస్థలంలో ప్రవేశించకూడదు (సంఖ్యాకాండము 18:7; 2 దినవృత్తాంతములు 26:16-21 పోల్చిచూడండి).

11. నేనునావంటి వాడు పారిపోవచ్చునా? ఇంతవాడనైన నేను నా ప్రాణమును రక్షించుకొనుటకైనను గర్భాలయమున ప్రవేశింప వచ్చునా? నేను అందులో ప్రవేశింపనంటిని.

“పారిపోవచ్చా”– అపో. కార్యములు 20:24; అపో. కార్యములు 21:13 పోల్చిచూడండి.

12. అప్పుడు దేవుడు అతని పంపలేదనియు, టోబీయాయును సన్బల్లటును అతనికి లంచమిచ్చినందున నా విషయమై యీ ప్రకటన చేసెననియు తేటగ కనుగొంటిని

షెమయా అనేవాడు ధనాశ ఉన్న అబద్ధ ప్రవక్త అని అర్థం అవుతున్నది. 2 పేతురు 2:16 పోల్చిచూడండి.

13. ఇందువలన నాకు భయము పుట్టగా, నేను అతడు చెప్పినట్లు చేసి పాపములో పడుదునని అనుకొని, నామీద నింద మోపు నట్లుగా నన్నుగూర్చి చెడువార్త పుట్టించుటకు వారతనికి లంచమిచ్చి యుండిరి.

14. నా దేవా, వారి క్రియలనుబట్టి టోబీయాను సన్బల్లటును నన్ను భయపెట్టవలెనని కనిపెట్టి యున్న ప్రవక్తలను, నోవద్యా అను ప్రవక్త్రిని జ్ఞాపకము చేసికొనుము.

అబద్ధ ప్రవక్తలు వేరే కాలాల్లో కూడా సమస్యలయ్యారు. యిర్మియా 5:31; యిర్మియా 14:13-15; యిర్మియా 23:9-17; యెహెఙ్కేలు 13:1-7. రాబోయే కాలంలో కూడా అబద్ధ ప్రవక్తలుంటారు. మత్తయి 24:11 మత్తయి 24:24; 2 పేతురు 2:1.

15. ఈ ప్రకారముగా ఏలూలు మాసము ఇరువది యయిదవ దినమందు, అనగా ఏబదిరెండు దినములకు ప్రాకార మును కట్టుట సమాప్తమాయెను.

“52 రోజులు”– మెచ్చుకోదగిన అసాధారణమైన కార్యం. గత 150 ఏళ్ళుగా ప్రాకారం శిథిలంగా ఉండి అంతా చెత్త, రాళ్ళ కుప్పలే ఉండేవి.

16. అయితే మా శత్రువులు ఈ సంగతి వినినప్పుడును, మా చుట్టునుండు అన్యజను లందరు జరిగినపని చూచినప్పుడును, వారు బహుగా అధైర్య పడిరి; ఏలయనగా ఈ పని మా దేవునివలన జరిగినదని వారు తెలిసికొనిరి.

“దేవుని వల్ల”– దేవుడు యూదులకు అసాధారణమైన బలం, ధైర్యం, నిశ్చయం ఇచ్చాడన్నది స్పష్టం.

17. ఆ దినములలో యూదుల ప్రధానులు టోబీయా యొద్దకు మాటి మాటికి పత్రికలు పంపుచు వచ్చిరి; అతడును వారికి పత్రికలు పంపుచుండెను.

దేవుని పని పాలిట గొప్ప శత్రువు టోబీయాకు దేవుని ప్రజల్లోనే సహాయకులున్నారు! ఇలాంటివి నేటి క్రైస్తవ సంఘాల్లో జరుగుతున్నాయా? ఎందుకు జరగడం లేదూ!

18. అతడు ఆరహు కుమారుడైన షెకన్యాకు అల్లుడు. ఇదియు గాక యోహానాను అను తన కుమారుడు బెరెక్యా కుమారు డైన మెషుల్లాము కుమార్తెను వివాహము చేసికొనియుండెను గనుక యూదులలో అనేకులు అతని పక్షమున నుండెదమని ప్రమాణము చేసిరి.

19. వారు నా యెదుట అతని గుణాతిశయములనుగూర్చి మాటలాడుచువచ్చిరి, నేను చెప్పిన మాటలు ఆతనికి తెలియజేసిరి. నన్ను భయపెట్టుటకే టోబీయా పత్రికలు పంపెను.