1. యెహోవా నలుదిక్కుల అతని శత్రువులమీద అతనికి విజయమిచ్చి అతనికి నెమ్మది కలుగజేసిన తరువాత రాజుతన నగరియందు కాపురముండి నాతానను ప్రవక్తను పిలువ నంపి

1 దినవృత్తాంతములు 17:1-27.

2. నేను దేవదారుమ్రానుతో కట్టిన నగరియందు వాసము చేయుచుండగా దేవుని మందసము డేరాలో నిలిచియున్నదనగా
అపో. కార్యములు 7:45-46

“నాతాను”– 2 సమూయేలు 12:1; 1 రాజులు 1:8 1 రాజులు 1:22; 1 దినవృత్తాంతములు 29:29; 2 దినవృత్తాంతములు 9:29. “డేరా”– నిర్గమకాండము 25:8 నోట్. దేవుణ్ణి ఇస్రాయేల్ ప్రజల పరలోక రాజుగా గుర్తించాడు దావీదు (కీర్తనల గ్రంథము 10:16; కీర్తనల గ్రంథము 24:7-8). ఇహలోక సంబంధమైన రాజైన దావీదు మంచి భవనంలో నివసిస్తూ ఉండగా, దేవుని సన్నిధిని సూచించే మందసం ఒక డేరాలో ఉంది (2 సమూయేలు 6:17). దేవుని మహిమ గురించి దావీదుకు ఎంతో శ్రద్ధ ఉంది గనుక అతనికి ఇది తగిన విషయం అనిపించక మానదు. దేవునికోసం ఒక బ్రహ్మాండమైన దేవాలయాన్ని అతడు కట్టదలిచాడు (1 దినవృత్తాంతములు 22:1-5; 1 దినవృత్తాంతములు 28:2). ఈ కోరిక మంచిదే గాని దేవాలయాన్ని కట్టేందుకు అతడికి అనుమతి లేదు (1 రాజులు 8:17-19; 2 దినవృత్తాంతములు 22:7-8). దేవుని సేవకుల్లో ప్రతి ఒక్కరికీ దేవుడిచ్చిన పని ఉంది. ఏ వ్యక్తీ మరొకరికి అప్పగించబడిన పనిని చేయలేడు.

3. నాతానుయెహోవా నీకు తోడుగా నున్నాడు, నీకు తోచినదంతయు నెరవేర్చుమనెను.

దేవుని ఆలోచనలేమిటో తెలుసుకోకుండా నాతాను ఇలా అన్నాడు. గొప్ప ప్రవక్తలు కూడా కొన్ని సార్లు దురుసుగా మాట్లాడుతారు.

4. అయితే ఆ రాత్రి యెహోవా వాక్కు నాతానునకు ప్రత్యక్షమై సెలవిచ్చినదేమనగా

దేవుడు తన గుడారంతో తృప్తి చెందాడు. ఆయన (తన ప్రజలతో కూడా) ఈ భూమి పై పరదేశి, యాత్రికుడు (వ 6). అందుచేత ఇస్రాయేల్‌తో ఉన్న ఆయన సన్నిధికి డేరా తగిన గుర్తు. దేవాలయం కావాలని ఆయన కోరలేదు, ఎవర్నీ అడగలేదు. తనకోసం దావీదు దేవాలయం కట్టడం కంటే దేవుడు తానే దావీదు కోసం ఒకటి చేయడం మేలు అనుకొన్నాడు (వ 9,11). అప్పటికే దావీదు విషయంలో అనేక ఘనకార్యాలు ఆయన చేశాడు (వ 8,9). ఇప్పుడు దావీదు కోసమూ, ఇస్రాయేల్ కోసమూ మరిన్ని గొప్ప పనులు చేస్తాడు (వ 9-11).

5. నీవు పోయి నా సేవకుడగు దావీదుతో ఇట్లనుముయెహోవా నీకాజ్ఞ ఇచ్చునదేమనగానాకు నివాసముగా ఒక మందిరమును కట్టింతువా?

6. ఐగుప్తులోనుండి నేను ఇశ్రాయేలీయులను రప్పించిన నాటనుండి నేటివరకు మందిరములో నివసింపక డేరాలోను గుడారములోను నివసించుచు సంచరించితిని.

7. ఇశ్రాయేలీయులతోకూడ నేను సంచరించిన కాల మంతయు నా జనులను పోషించుడని నేను ఆజ్ఞాపించిన ఇశ్రాయేలీయుల గోత్రములలో ఎవరితోనైనను దేవ దారుమయమైన మందిరమొకటి మీరు నాకు కట్టింపక పోతిరే అని నేనెన్నడైనను అనియుంటినా?

8. కాబట్టి నీవు నా సేవకుడగు దావీదుతో ఈలాగు చెప్పుముసైన్యముల కధిపతియగు యెహోవా నీకు సెలవిచ్చునదేమనగాగొఱ్ఱెల కాపులోనున్న నిన్ను గొఱ్ఱెలదొడ్డిలోనుండి తీసి ఇశ్రాయేలీయులను నా జనులమీద అధిపతిగా నియమించి తిని.
2 కోరింథీయులకు 6:18

9. నీవు పోవు చోట్లనెల్లను నీకు తోడుగానుండి నీ శత్రువులనందరిని నీ యెదుట నిలువకుండ నిర్మూలముచేసి, లోకము లోని ఘనులైన వారికి కలుగు పేరు నీకు కలుగజేసి యున్నాను.

10. మరియు ఇశ్రాయేలీయులను నా జనులు ఇకను కదిలింపబడకుండ తమ స్వస్థలమందు నివసించునట్లు దానియందు వారిని నాటి, పూర్వము ఇశ్రాయేలీయులను నా జనులమీద నేను న్యాయాధిపతులను నియమించిన తరువాత జరుగుచు వచ్చినట్లు దుర్బుద్ధి గల జనులు ఇకను వారిని కష్టపెట్టకయుండునట్లుగా చేసి

11. నీ శత్రువుల మీద నీకు జయమిచ్చి నీకు నెమ్మది కలుగజేసియున్నాను. మరియు యెహోవానగు నేను నీకు తెలియజేయు నదేమనగానేను నీకు సంతానము కలుగజేయుదును.

“బాధించరు”– ఇస్రాయేల్‌ప్రజ ఈజిప్ట్‌లోను, తరువాత తమ స్వదేశంలో నాయకుల కాలంలోనూ అనుభవించిన బాధను సూచించే మాట. “నీకు”– దావీదు దేవుని కోసం రాతి కట్టడాన్ని కట్టించదలిచాడు. అయితే దేవుడే దావీదు వంశాన్ని కట్టబోతున్నాడు – ఇది రాజవంశం. దావీదుకు చేసిన ఈ వాగ్దానం షరతులతో కూడినది కాదు. దీని అంతిమ నెరవేర్పు దావీదు కుమారుడూ, దావీదు సింహాసనానికి వారసుడూ అయిన యేసుక్రీస్తులోనే (కీర్తనల గ్రంథము 89:27-29; మత్తయి 1:1; లూకా 1:32-33 లూకా 1:69; అపో. కార్యములు 2:30; అపో. కార్యములు 13:23; రోమీయులకు 1:2-3; ప్రకటన గ్రంథం 3:7; ప్రకటన గ్రంథం 22:16).

12. నీ దినములు సంపూర్ణములగునప్పుడు నీవు నీ పితరులతో కూడ నిద్రించిన తరువాత నీ గర్భములోనుండి వచ్చిన నీ సంతతిని హెచ్చించి, రాజ్యమును అతనికి స్థిరపరచెదను.
లూకా 1:32-33, యోహాను 7:42, అపో. కార్యములు 2:30, అపో. కార్యములు 13:23

“సంతానాన్ని”– సొలొమోను (1 రాజులు 1:29-40).

13. అతడు నా నామ ఘనతకొరకు ఒక మందిరమును కట్టించును; అతని రాజ్య సింహాసనమును నేను నిత్యముగా స్థిరపరచెదను;
లూకా 1:32-33, యోహాను 7:42, అపో. కార్యములు 2:30, అపో. కార్యములు 13:23

1 రాజులు 6:1-38. దేవాలయం కట్టడానికి దేవుడు ఇక్కడ తన అంగీకారాన్ని తెలియజేస్తున్నాడు. తన కోసం ఆలయం కట్టమని ఆయన మనుషుల్ని అడగలేదు. అయితే అలా కట్టేందుకు అనుమతి ఇచ్చి ఆ ఆలయాన్ని క్రీస్తు చేసే ఆత్మ సంబంధమైన పనిలోని కొన్ని అంశాలను సూచించే సాదృశ్యంగా వాడుకుంటాడు (ఎఫెసీయులకు 2:19-22 మొ।।). 1 సమూయేలు 8:5-22 లో ఇలాంటిదే మరో విషయం గురించి నోట్ చూడండి. “రాజ్య సింహాసనాన్ని”– సొలొమోను రాజ్యం ఇస్రాయేల్ ప్రజలే. వేరేదేదీ అతడికి లేదు. “శాశ్వతంగా”– వ 16; 2 సమూయేలు 22:51; 1 రాజులు 2:4; 1 రాజులు 2:45; యెషయా 9:7; యిర్మియా 17:25; యిర్మియా 33:14-18; లూకా 1:33. ఈ వాగ్దానం నెరవేరాలంటే క్రీస్తు ఈ లోకంలో ఇస్రాయేల్‌ప్రజపై పరిపాలన చెయ్యాలా? ఈ అంశం పై విశ్వాసులైన పండితుల అభిప్రాయాలు వేరువేరుగా ఉన్నాయి. ఇదీ, ఇంకా యెషయా 9:7; యెషయా 11:1-9; యెషయా 32:1-5 లాంటి ఇతర వాగ్దానాలకు క్రీస్తు సంఘంలో ఆత్మ సంబంధమైన నెరవేర్పు మాత్రమే ఉంది అని కొందరి అభిప్రాయం. మరికొందరు ఇది ఒక విధంగా అక్షరాలా నెరవేరుతుందంటారు. ఇస్రాయేల్‌ప్రజ తిరిగి దేవుణ్ణి చేరుకుని, క్రీస్తు భూమి పై చేసే వెయ్యేళ్ళ పరిపాలనలో కేంద్రస్థానంలో ఉంటారని వీరి అభిప్రాయం. దావీదు, సొలొమోను కూడా ఇక్కడ ఈ లోకంలో ఉండబోయే రాజ్యం గురించే దేవుడు మాట్లాడుతున్నాడని తప్పకుండా నమ్ముకున్నట్టు కనిపిస్తున్నది (2 దినవృత్తాంతములు 6:16-17). అంతేగాక దేవుని రాజ్యం గురించి 40 రోజుల పాటు క్రీస్తు ద్వారా పాఠాలు నేర్చుకున్న తరువాత ఆయన శిష్యులు కూడా ఇలానే భావించినట్టు ఉంది. (అపో. కార్యములు 1:3 అపో. కార్యములు 1:6). యెషయా 2:1-4; ప్రకటన గ్రంథం 20:4-6 నోట్స్ కూడా చూడండి.

14. నేనతనికి తండ్రినై యుందును. అతడు నాకు కుమారుడై యుండును; అతడు పాపముచేసినయెడల నరులదండముతోను మనుష్యులకు తగులు దెబ్బలతోను అతని శిక్షింతును గాని
2 కోరింథీయులకు 6:18, హెబ్రీయులకు 1:5, ప్రకటన గ్రంథం 21:7, హెబ్రీయులకు 12:7

“మనుషుల”– తన ప్రజలను శిక్షించేందుకు దేవుడు ఇతర మనుషులను వాడుకుంటాడు. కీర్తనల గ్రంథము 66:10-12. సొలొమోనును తరువాతి కాలంలో ఇలానే శిక్షించాడు (1 రాజులు 11:9 1 రాజులు 11:14 1 రాజులు 11:23 1 రాజులు 11:26). “శిక్షిస్తాను”– ద్వితీయోపదేశకాండము 8:5; సామెతలు 3:11-12; హెబ్రీయులకు 12:5-11; ప్రకటన గ్రంథం 3:19

15. నిన్ను స్థాపించుటకై నేను కొట్టి వేసిన సౌలునకు నా కృప దూరమైనట్లు అతనికి నా కృప దూరము చేయను.

“సౌలు”– 1 సమూయేలు 15:23 1 సమూయేలు 15:28; 1 సమూయేలు 16:14.

16. నీ మట్టుకు నీ సంతానమును నీ రాజ్యమును నిత్యము స్థిరమగును, నీ సింహాసనము నిత్యము స్థిరపరచబడును అనెను.
లూకా 1:32-33

“ఎప్పటికీ”– వ 13.

17. తనకు కలిగిన దర్శన మంతటినిబట్టి యీ మాటలన్నిటి చొప్పున నాతాను దావీదునకు వర్తమానము తెలియ జెప్పెను.

18. దావీదు రాజు లోపల ప్రవేశించి యెహోవా సన్నిధిని కూర్చుండి ఈలాగున మనవి చేసెనునా ప్రభువా యెహోవా, ఇంతగా నీవు నన్ను హెచ్చించుటకు నే నెంతటివాడను? నా కుటుంబము ఏ పాటిది?

“ఎంతటివాణ్ణి”– నిర్గమకాండము 3:11; న్యాయాధిపతులు 6:15; యిర్మియా 1:6; యోహాను 1:27; ఎఫెసీయులకు 3:8; లూకా 17:10; మత్తయి 23:12.

19. ఇంత హెచ్చుగా చేసినదంతయు నీ దృష్టికి కొంచెమై, మానవుల పద్ధతినిబట్టి, బహుకాలము జరిగిన తరువాత నీ దాసుడ నైన నా సంతానమునకు కలుగబోవుదానిని గూర్చి నీవు సెలవిచ్చియున్నావు. యెహోవా నా ప్రభువా, దావీదు అను నేను ఇక నీతో ఏమి చెప్పుకొందును?

20. యెహోవా నా ప్రభువా, నీ దాసుడనైన నన్ను నీవు ఎరిగియున్నావు.

1 సమూయేలు 16:7; కీర్తనల గ్రంథము 139:1-4; యోహాను 2:24-25.

21. నీ వాక్కునుబట్టి నీ యిష్టానుసారముగా ఈ ఘనకార్యములను జరిగించి నీ దాసుడనగు నాకు దీని తెలియజేసితివి.

“నీ వాక్కు”– దీని అర్థం బహుశా దేవుడు ఇస్రాయేల్ విషయంలో చేసిన వాగ్దానాలన్నీ కావచ్చు.

22. కాబట్టి దేవా యెహోవా, నీవు అత్యంతమైన ఘనతగలవాడవు, నీవంటి దేవుడొకడును లేడు; మేము వినిన దానినంత టిని బట్టి చూడగా నీవు తప్ప దేవుడెవడును లేడు.

“నీ వంటి వాడెవ్వడూ లేడు”– బైబిలులో అన్ని చోట్లా ఈ సత్యాన్ని నొక్కి చెప్పడం జరిగింది – నిర్గమకాండము 15:11; ద్వితీయోపదేశకాండము 3:24; 1 సమూయేలు 2:2; కీర్తనల గ్రంథము 86:10; యెషయా 44:6 యెషయా 44:8; యెషయా 45:18 యెషయా 45:22; 1 కోరింథీయులకు 8:4-6; 1 తిమోతికి 6:15-16.

23. నీకు జనులగుటకై వారిని నీవు విమోచించునట్లును, నీకు ఖ్యాతి కలుగునట్లును, నీ జనులనుబట్టి నీ దేశమునకు భీకరమైన మహాకార్యములను చేయునట్లును దేవుడవైన నీవు ఐగుప్తుదేశములోనుండియు, ఆ జనుల వశములోనుండియు, వారి దేవతల వశములో నుండియు నీవు విమోచించిన ఇశ్రాయేలీయులనునట్టి నీ జనులవంటి జనము లోకమునందు మరి ఎక్కడనున్నది.

ద్వితీయోపదేశకాండము 4:7 ద్వితీయోపదేశకాండము 4:32-48; ద్వితీయోపదేశకాండము 10:21; ద్వితీయోపదేశకాండము 15:15; యెహోషువ 21:43-45.

24. మరియు యెహోవావైన నీవు వారికి దేవుడవైయుండి, వారు నిత్యము నీకు ఇశ్రాయేలీయులను పేరుగల జనులై యుండునట్లుగా వారిని నిర్ధారణ చేసితివి.

ఆదికాండము 17:7; నిర్గమకాండము 6:7; నిర్గమకాండము 19:6; ద్వితీయోపదేశకాండము 10:15; ద్వితీయోపదేశకాండము 26:18; ద్వితీయోపదేశకాండము 32:6; యెషయా 43:21. ఇస్రాయేల్ జాతి శాశ్వతంగా దేవుని ప్రజలు అని గమనించండి. యిర్మియా 31:35-40; యిర్మియా 33:17-26 పోల్చి చూడండి.

25. దేవా యెహోవా, నీ దాసుడనగు నన్ను గూర్చియు నా కుటుంబ మునుగూర్చియు నీవు సెలవిచ్చినమాట యెన్నటికి నిలుచు నట్లు దృఢపరచి

26. సైన్యములకధిపతియగు యెహోవా ఇశ్రాయేలీయులకు దేవుడై యున్నాడను మాటచేత నీ నామమునకు శాశ్వత మహిమ కలుగునట్లును, నీ దాసుడనైన నా కుటుంబము నీ సన్నిధిని స్థిరపరచబడునట్లును నీవు సెలవిచ్చినమాట నెరవేర్చుము.

27. ఇశ్రాయేలీయుల దేవా సైన్యములకధిపతియగు యెహోవానీకు సంతానము కలుగజేయుదునని నీవు నీ దాసుడనైన నాకు తెలియపరచితివి గనుక ఈలాగున నీతో మనవి చేయుటకై నీ దాసుడనైన నాకు ధైర్యము కలిగెను.

దేవుడు వెల్లడి చేసిన ఆయన సంకల్పం మీద ఆధారపడి చేసేది ఫలితమిచ్చే ప్రార్థన.

28. యెహోవా నా ప్రభువా, మేలు దయచేయుదునని నీవు నీ దాసుడనైన నాకు సెలవిచ్చుచున్నావే; నీవు దేవుడవు గనుక నీ మాట సత్యము.

“నమ్మకమైనవి”– నిర్గమకాండము 34:6; ద్వితీయోపదేశకాండము 7:9; కీర్తనల గ్రంథము 36:5; తీతుకు 1:2; ప్రకటన గ్రంథం 1:5; ప్రకటన గ్రంథం 19:11.

29. దయచేసి నీ దాసుడనైన నా కుటుంబము నిత్యము నీ సన్నిధిని ఉండునట్లుగా దానిని ఆశీర్వ దించుము; యెహోవా నా ప్రభువా, నీవు సెలవిచ్చి యున్నావు; నీ ఆశీర్వాదమునొంది నా కుటుంబము నిత్యము ఆశీర్వదింపబడును గాక.

“దీవెన”– ఆదికాండము 12:2-3; ఆదికాండము 24:35; సంఖ్యాకాండము 6:22-27; ద్వితీయోపదేశకాండము 28:1-2; కీర్తనల గ్రంథము 1:1-2 నోట్స్.