Genesis - ఆదికాండము 4 | View All

1. ఆదాము తన భార్యయైన హవ్వను కూడినప్పుడు ఆమె గర్భవతియై కయీనును కని యెహోవా దయవలన నేనొక మనుష్యుని సంపాదించుకొన్నాననెను.

2. తరువాత ఆమె అతని తమ్ముడగు హేబెలును కనెను. హేబెలు గొఱ్ఱెల కాపరి; కయీను భూమిని సేద్యపరచువాడు.

3. కొంతకాలమైన తరువాత కయీను పొలముపంటలో కొంత యెహోవాకు అర్పణగా తెచ్చెను.
యూదా 1:11

“నైవేద్యం”– బైబిల్లో అర్పణ గురించిన మొట్టమొదటి మాట. దేవునికి అర్పణ తేవాలని కయీనుకు, హేబెలుకు ఎవరు నేర్పించారు? వారి తల్లిదండ్రులు ఆదాము, హవలే గదా. ఆదాము, హవలకు ఎవరు నేర్పించారు? అలా నేర్పించగలిగిన అవకాశం దేవుడొక్కడికే ఉంది. దేవుడు హేబెలు అర్పణం ఎందుకు స్వీకరించాడు? కయీను అర్పణను ఎందుకు లక్ష్యపెట్టలేదు? హెబ్రీయులకు 11:4 లో దీనికి కొంతమట్టుకు జవాబు దొరుకుతున్నది. కయీను అర్పించినదానికంటే హేబెలు మంచి బలి అర్పించాడు. దానికంటే ఇది మంచి బలి ఎలా అయింది? బైబిలులోని తక్కిన భాగాలనుబట్టి చూస్తే, ఇతడు రక్తబలిని తీసుకువచ్చాడన్నది ఇందుకు కారణం అనవచ్చు. బైబిలు అంతటిలోను దీన్ని పాపాల కోసం బలిగా భావించడం జరిగింది. నిర్గమకాండము 12:1 నిర్గమకాండము 12:7 లేవీయకాండము 1:5 లేవీయకాండము 4:3 నోట్స్ చూడండి. తాను పాపినని ఒప్పుకొంటూ తన పాపానికి ప్రాయశ్చిత్తం రక్తబలే అని గ్రహిస్తూ దేవుని చెంతకు వచ్చాడు హేబెలు. కానీ కయీను గర్వంతో తానే న్యాయవంతుణ్ణన్నట్టు పాపాలకోసం బలి తేకుండా వచ్చాడని కనిపిస్తున్నది. హేబెలు తన అర్పణను నమ్మకంవల్ల తెచ్చాడు – హెబ్రీయులకు 11:4. దేవుడు పలికిన ఏదో ఒక మాట లేదా వెల్లడి చేసిన ఏదో ఒక విషయాన్ని నమ్మి దానిప్రకారం ప్రవర్తించడమే నమ్మకం. సామెతలు 14:12 సామెతలు 15:18 లో రాసి ఉన్నదానికి కయీను ఉదాహరణ. కయీను, హేబెలు మానవ జాతిలోని రెండు వర్గాలకు ప్రతినిధులు. హేబెలు దేవుని మార్గాన్ని, కయీను తన స్వంత దారిని ఎన్నుకున్నారు. బైబిల్లో రాసినదాన్నిబట్టి చూస్తే నమ్మకానికి మొదటి ఉదాహరణ హేబెలు. దేవుని దృష్టిలో నమ్మకం ఎంతో ప్రాముఖ్యమైనది (ఆదికాండము 15:6 1 యోహాను 5:10 హెబ్రీయులకు 2:14 మత్తయి 17:20 మత్తయి 21:21-22 మార్కు 9:23 మార్కు 11:24 యోహాను 3:36 హెబ్రీయులకు 11:6).

4. హేబెలు కూడ తన మందలో తొలుచూలున పుట్టిన వాటిలో క్రొవ్విన వాటిని కొన్ని తెచ్చెను. యెహోవా హేబెలును అతని యర్పణను లక్ష్య పెట్టెను;
హెబ్రీయులకు 11:4

5. కయీనును అతని యర్పణను ఆయన లక్ష్యపెట్టలేదు. కాబట్టి కయీనుకు మిక్కిలి కోపము వచ్చి అతడు తన ముఖము చిన్నబుచ్చుకొనగా

6. యెహోవా కయీనుతో నీకు కోపమేల? ముఖము చిన్నబుచ్చుకొని యున్నావేమి?

సామెతలు 19:3 సామెతలు 14:29

7. నీవు సత్క్రియ చేసిన యెడల తలనెత్తుకొనవా? సత్క్రియ చేయనియెడల వాకిట పాపము పొంచియుండును; నీ యెడల దానికి వాంఛ కలుగును నీవు దానిని ఏలుదువనెను.

సంఖ్యాకాండము 32:23. “పాపం”– ఆదాము చూపిన అవిధేయత మూలంగా పాపం ఇంతకుముందే ఈ లోకంలో ప్రవేశించినప్పటికీ “పాపం” అనే పదం ఇక్కడ మొదటి సారిగా కనిపిస్తున్నది. అప్పటినుంచి రక్తనాళాల్లో విషంలాగా మానవతలో పాపం వ్యాపించింది. ఈ లోకంలో పుట్టిన ప్రతి వ్యక్తినీ – క్రీస్తును తప్ప – ఇది తాకింది. ఈ వచనంలో తన వేట జంతువుకోసం తిరుగాడే క్రూర మృగం లాగా పాపాన్ని వర్ణించడం చూస్తున్నాం. పాపం మనుషులందరినీ మింగెయ్యాలని కోరుతున్నది. దాన్ని లొంగదీయకపోతే మనుషులను నాశనం చేసేస్తుంది.

8. కయీను తన తమ్ముడైన హేబెలుతో మాటలాడెను. వారు పొలములో ఉన్నప్పుడు కయీను తన తమ్ముడైన హేబెలు మీద పడి అతనిని చంపెను.
మత్తయి 23:35, లూకా 11:51, 1,Joh,3,12

పాపం తన దౌర్జన్యమైన ప్రాణహానికరమైన స్వభావాన్ని ఎంత త్వరగా ప్రదర్శించింది! (1 యోహాను 3:12-15) (కీర్తనల గ్రంథము 38:20) (సామెతలు 29:10) (మత్తయి 23:35)

9. యెహోవా నీ తమ్ముడైన హేబెలు ఎక్కడున్నాడని కయీను నడుగగా అతడు నేనెరుగను; నా తమ్మునికి నేను కావలివాడనా అనెను.

కయీను తన ప్రేమరహితమైన అబద్ధాలాడే కపట స్వభావాన్ని బయట పెట్టుకుంటున్నాడు.

10. అప్పుడాయన నీవు చేసినపని యేమిటి? నీ తమ్ముని రక్తము యొక్క స్వరము నేలలోనుండి నాకు మొరపెట్టుచున్నది.
హెబ్రీయులకు 11:24, యాకోబు 5:4

సంఖ్యాకాండము 35:33 హెబ్రీయులకు 12:24 ప్రకటన గ్రంథం 6:9-10

11. కావున నీ తమ్ముని రక్తమును నీ చేతిలోనుండి పుచ్చుకొనుటకు నోరు తెరచిన యీ నేలమీద ఉండకుండ, నీవు శపింప బడినవాడవు;

12. నీవు నేలను సేద్యపరుచునప్పుడు అది తన సారమును ఇక మీదట నీకియ్యదు; నీవు భూమిమీద దిగులు పడుచు దేశదిమ్మరివై యుందువనెను.

13. అందుకు కయీనునా దోషశిక్ష నేను భరింపలేనంత గొప్పది.

“శిక్ష”– పాపంవల్ల కలిగే ఫలితాల్లో కొన్ని ఇక్కడ కనిపిస్తున్నాయి – దేవుని సన్నిధినుండి ఎడబాటు, ఒంటరితనం, భయం, నిరుత్సాహం, జీవితాంతం ఉండే శాపం. ద్వితీయోపదేశకాండము 28:15-19 పోల్చి చూడండి. ఈ ఫలితాలను లోకంలో నేడు ప్రతి చోటా చూస్తున్నాం. కయీనుకు దేవుడు మరణ దండన విధించలేదు. అయితే నోవహు కాలంలోని జలప్రళయం తర్వాత దేవుడు హత్యను గురించి కొత్త ఆజ్ఞ ఇచ్చాడు (ఆదికాండము 9:5-6).

14. నేడు ఈ ప్రదేశమునుండి నన్ను వెళ్లగొట్టితివి; నీ సన్నిధికి రాకుండ వెలివేయబడి దిగులుపడుచు భూమిమీద దేశదిమ్మరినై యుందును. కావున నన్ను కనుగొనువాడెవడో వాడు నన్ను చంపునని యెహోవాతో అనెను.

15. అందుకు యెహోవా అతనితో కాబట్టి యెవడైనను కయీనును చంపినయెడల వానికి ప్రతిదండన యేడంతలు కలుగుననెను. మరియు ఎవడైనను కయీనును కనుగొని అతనిని చంపక యుండునట్లు యెహోవా అతనికి ఒక గురుతు వేసెను.

16. అప్పుడు కయీను యెహోవా సన్నిధిలోనుండి బయలుదేరి వెళ్లి ఏదెనుకు తూర్పుదిక్కున నోదు దేశములో కాపురముండెను.

17. కయీను తన భార్యను కూడినప్పుడు ఆమె గర్భవతియై హనోకును కనెను. అప్పుడతడు ఒక ఊరు కట్టించి ఆ ఊరికి తన కుమారుని పేరునుబట్టి హనోకను పేరు పెట్టెను.

కయీనుకు భార్య ఎక్కడ దొరికింది? ఆదాము హవలకు షేతు పుట్టినప్పుడు ఆదాము వయసు 130 సంవత్సరాలు (ఆదికాండము 5:3) అతనికి అనేకమంది కొడుకులు, కూతుళ్ళు, మనుమలు, మనుమరాళ్ళు, వారి సంతానమూ కలిగి ఉండవచ్చు (ఆదికాండము 1:28). వీరిలో ఎవరో ఒకరిని కయీను పెళ్ళాడి ఉండాలి. వీరందరి గురించీ బైబిల్లో రాసి లేదు. ఎందుకంటే దేవుని దృష్టిలో అలా చెయ్యడంవల్ల మనకు ఏమీ ప్రయోజనం లేదు.

18. హనోకుకు ఈరాదు పుట్టెను. ఈరాదు మహూయాయేలును కనెను. మహూయాయేలు మతూషా యేలును కనెను. మతూషాయేలు లెమెకును కనెను.

ఈ భాగం భయభక్తులు లేని కయీను సంతతి క్రమాన్ని తెలియజేస్తున్నది. హత్య చేసి ఆ సంగతి గొప్పగా చెప్పుకున్న లెమెకులో ఈ సంతతి స్వభావాన్ని మనం చూడవచ్చు. దేవుని ప్రజల ప్రవర్తన దీనికి ఎంత భిన్నంగా ఉండాలి! నిర్గమకాండము 21:23-25 సంఖ్యాకాండము 31:2 నోట్స్ చూడండి. దేవుణ్ణి లెక్కచెయ్యని ఈ వంశంలోనే బహు భార్యాత్వం ఆరంభమైన సంగతి కూడా గమనించండి. ఆదికాండము 30:1.

19. లెమెకు ఇద్దరు స్త్రీలను పెండ్లి చేసికొనెను; వారిలో ఒక దాని పేరు ఆదా రెండవదానిపేరు సిల్లా.

20. ఆదా యాబాలును కనెను. అతడు పశువులు గలవాడై గుడారములలో నివసించువారికి మూలపురుషుడు.

21. అతని సహోదరుని పేరు యూబాలు. ఇతడు సితారాను సానికను వాడుక చేయువారికందరికిని మూలపురుషుడు.

22. మరియసిల్లా తూబల్కయీనును కనెను. అతడు పదునుగల రాగి పని ముట్లన్నిటిని ఇనుప పనిముట్లన్నిటిని చేయువాడు. తూబల్కయీను సహోదరి పేరు నయమా.

23. లెమెకు తన భార్యలతో ఓ ఆదాసిల్లా, నా పలుకు వినుడి లెమెకు భార్యలారా, నా మాట ఆలకించుడి నన్ను గాయపరచినందుకై ఒక మనుష్యుని చంపితిని నన్ను దెబ్బ కొట్టినందుకై ఒక పడుచువాని చంపితిని

24. ఏడంతలు ప్రతి దండన కయీను కోసము, వచ్చిన యెడల లెమెకు కోసము డెబ్బది యేడంతలు వచ్చుననెను.

25. ఆదాము మరల తన భార్యను కూడినప్పుడు ఆమె కుమారుని కని కయీను చంపిన హేబెలునకు ప్రతిగా దేవుడు నాకు మరియొక సంతానమును నియమించెననుకొని అతనికి షేతు అను పేరు పెట్టెను.
లూకా 3:36-38

26. మరియషేతునకు కూడ కుమారుడు పుట్టెను; అతనికి ఎనోషను పేరు పెట్టెను. అప్పుడు యెహోవా నామమున ప్రార్థన చేయుట ఆరంభమైనది.

“మనుషులు...పెట్టారు”– ఆదికాండము 12:8 ఆదికాండము 26:25 1 రాజులు 18:24 కీర్తనల గ్రంథము 116:17 యోవేలు 2:32 జెఫన్యా 3:9 1 కోరింథీయులకు 1:2. కయీను దేవుని ఎదుటినుంచి వెళ్ళిపోయాక (వ 16) మానవజాతి రెండు వంశాలుగా విడిపోయింది. దేవుడు తన వాక్కునూ సంకల్పాన్నీ ఇకముందు వెల్లడి చేయబోయే భయభక్తులు గల వంశం షేతు వంశమని ఈ వచనం సూచిస్తున్నది. ఏకైక దేవునికి షేతు సంతతివారు ప్రార్థన చేసేవారు. పాత ఒడంబడికలో ఆయన పేరు “యెహోవా”. నిర్గమకాండము 3:14.


Shortcut Links
ఆదికాండము - Genesis : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 |
ఆదికాండము - Genesis | నిర్గమకాండము - Exodus | లేవీయకాండము - Leviticus | సంఖ్యాకాండము - Numbers | ద్వితీయోపదేశకాండము - Deuteronomy | యెహోషువ - Joshua | న్యాయాధిపతులు - Judges | రూతు - Ruth | 1 సమూయేలు - 1 Samuel | 2 సమూయేలు - 2 Samuel | 1 రాజులు - 1 Kings | 2 రాజులు - 2 Kings | 1 దినవృత్తాంతములు - 1 Chronicles | 2 దినవృత్తాంతములు - 2 Chronicles | ఎజ్రా - Ezra | నెహెమ్యా - Nehemiah | ఎస్తేరు - Esther | యోబు - Job | కీర్తనల గ్రంథము - Psalms | సామెతలు - Proverbs | ప్రసంగి - Ecclesiastes | పరమగీతము - Song of Solomon | యెషయా - Isaiah | యిర్మియా - Jeremiah | విలాపవాక్యములు - Lamentations | యెహెఙ్కేలు - Ezekiel | దానియేలు - Daniel | హోషేయ - Hosea | యోవేలు - Joel | ఆమోసు - Amos | ఓబద్యా - Obadiah | యోనా - Jonah | మీకా - Micah | నహూము - Nahum | హబక్కూకు - Habakkuk | జెఫన్యా - Zephaniah | హగ్గయి - Haggai | జెకర్యా - Zechariah | మలాకీ - Malachi | మత్తయి - Matthew | మార్కు - Mark | లూకా - Luke | యోహాను - John | అపో. కార్యములు - Acts | రోమీయులకు - Romans | 1 కోరింథీయులకు - 1 Corinthians | 2 కోరింథీయులకు - 2 Corinthians | గలతియులకు - Galatians | ఎఫెసీయులకు - Ephesians | ఫిలిప్పీయులకు - Philippians | కొలొస్సయులకు - Colossians | 1 థెస్సలొనీకయులకు - 1 Thessalonians | 2 థెస్సలొనీకయులకు - 2 Thessalonians | 1 తిమోతికి - 1 Timothy | 2 తిమోతికి - 2 Timothy | తీతుకు - Titus | ఫిలేమోనుకు - Philemon | హెబ్రీయులకు - Hebrews | యాకోబు - James | 1 పేతురు - 1 Peter | 2 పేతురు - 2 Peter | 1 యోహాను - 1 John | 2 యోహాను - 2 John | 3 యోహాను - 3 John | యూదా - Judah | ప్రకటన గ్రంథం - Revelation |

Explore Parallel Bibles
21st Century KJV | A Conservative Version | American King James Version (1999) | American Standard Version (1901) | Amplified Bible (1965) | Apostles' Bible Complete (2004) | Bengali Bible | Bible in Basic English (1964) | Bishop's Bible | Complementary English Version (1995) | Coverdale Bible (1535) | Easy to Read Revised Version (2005) | English Jubilee 2000 Bible (2000) | English Lo Parishuddha Grandham | English Standard Version (2001) | Geneva Bible (1599) | Hebrew Names Version | Hindi Bible | Holman Christian Standard Bible (2004) | Holy Bible Revised Version (1885) | Kannada Bible | King James Version (1769) | Literal Translation of Holy Bible (2000) | Malayalam Bible | Modern King James Version (1962) | New American Bible | New American Standard Bible (1995) | New Century Version (1991) | New English Translation (2005) | New International Reader's Version (1998) | New International Version (1984) (US) | New International Version (UK) | New King James Version (1982) | New Life Version (1969) | New Living Translation (1996) | New Revised Standard Version (1989) | Restored Name KJV | Revised Standard Version (1952) | Revised Version (1881-1885) | Revised Webster Update (1995) | Rotherhams Emphasized Bible (1902) | Tamil Bible | Telugu Bible (BSI) | Telugu Bible (WBTC) | The Complete Jewish Bible (1998) | The Darby Bible (1890) | The Douay-Rheims American Bible (1899) | The Message Bible (2002) | The New Jerusalem Bible | The Webster Bible (1833) | Third Millennium Bible (1998) | Today's English Version (Good News Bible) (1992) | Today's New International Version (2005) | Tyndale Bible (1534) | Tyndale-Rogers-Coverdale-Cranmer Bible (1537) | Updated Bible (2006) | Voice In Wilderness (2006) | World English Bible | Wycliffe Bible (1395) | Young's Literal Translation (1898) | Telugu Bible Verse by Verse Explanation | పరిశుద్ధ గ్రంథ వివరణ | Telugu Bible Commentary |

Support & Donate Us | Google Play Store | సజీవ వాహిని - Sajeeva Vahini 2009-2022. info@sajeevavahini.com
Sajeeva Vahini, Hyderabad & Chennai, India. SajeevaVahini.org Email: , . Whatsapp: 8898 318 318 or call us: +918898318318
Content on this website is prepared manually by Sajeeva Vahini, India. Our Content is free and open to use for any kind of distrubution. We request to carry a physical bible to churches rather than using bible on mobile or tablets. Please email any information for any suspected content/audio subject to piracy/copyright act on this website can be considered/removed. Which can help us to improve better. Note: we dont have any data/content related to Life Way Study Bible as a part of Sajeeva Vahini Notes or Verse Explanations.